1 Bewura 20:6 - EBƆRƐ BE KAWƆL

⁶ Echefo saŋɛ ere so meeŋ shuŋi ma benimu fo laŋ to nɛ fo benimuana be elaŋ to nɛ b ba keni n fin asɔ kama nɛ a walɛ na nseŋ ta amo kikɛ.”

1 Bewura 20:6 ပူးပေါင်းရင်းမြစ်များ

Jɛnesis 27:15

nseŋ ya ta mo pibinyɛn nimuso Isɔɔ be asɔbuuso lela ga nɛ a daa wɔ mo ere Rebɛka be ebu to na m ba buu mo pibinyɛn kekarkarso Jeekɔb.

2 Samuɛl 24:14

Nɛ Deevid kaŋɛ le: “Nuso be asheŋ nde? Asheŋ ere be kekama maŋ bɔ! Ama maa sha keji tɔrɔ dimɛdi be enɔ to. Amoso shin nɛ Enyɛnpe Ebɔrɛ gbagba e gberge ma kusoe, ŋkpal manɛ so e la kuwɔrwu be Ebɔrɛ nna.”

1 Bewura 20:5

K maŋ chɛr ko nɛ ewura Bɛnhadad naŋ shuŋi mbɔ Ahab kutɔ fanɛ b ya kaŋɛ mo le: “N shuŋi mbɔ fo kutɔ fanɛ fo ta fo shuwa nɛ gbiti nɛ fo beche nɛ b walɛ abita ga na nɛ fo mbia nɛ b kɔ eleŋ ga na kikɛ n sa ma.

1 Bewura 20:7

Ndoŋ nna nɛ ewura Ahab tre kade na to be bejuŋkparpoana kikɛ ŋ kaŋɛ bumo le: “Men wu kananɛ kanyɛn ere bee sha nɛ e ta anyi n wɔtɔ asheŋ to nna na. Men wu e ka shoŋi ma ebɔl fanɛ e beeŋ ba sɔ ma beche nɛ b walɛ abita ga na nɛ ma mbia nɛ b kɔ eleŋ ga na nɛ ma shuwa nɛ gbiti kikɛ, nɛ n shuli.”

Ɛzra 8:27

nɛ shuwa be echeenshi adunyɔ, nɛ amo be yawu beeŋ fo fanɛ pɔŋ kagboŋ, nseŋ ta danyaŋ be echeenshi anyɔ, nɛ amo nɛ shuwa be echeenshi be yawu sasa na, n ti so n sa bumo.

Aizaaya 44:9

Bekama nɛ b lɔŋɛ agbirana maŋ la shɛŋ. Agbirana nɛ baa lɔŋɛ a fa yawu kpakpaso na maŋ kɔ tɔnɔ kikɛ. Basa nɛ baa shuŋ agbirana ere du fanɛ etanpo nɛ basa nɛ b maŋ kɔ kanyiasheŋ nna. Bumo alɛ beeŋ ji anishinyɔr ŋkpal loŋ so.

Jɛremaya 25:34

Enyɛnpe Ebɔrɛ na be basa du fanɛ mbe mbolpɔ nna nɛ menyi bejuŋkparpoana na malɛ du fanɛ mbolpɔkpapoana. Ama naniere saŋɛ fo nɛ b mɔ menyi fanɛ ekpakpa, amoso men baa shu awɔrso nsaa dese shishɛr to a melti. Ŋkpal manɛ so, baaŋ kpla menyi to fanɛ kapuya ka bure to a dese na.

Nfabel 1:10

Bedoŋ na daŋ suge bumo be yawu kpakpaso be asɔ kikɛ nna. Jerusalɛm be basa na daŋ wu befɔ na ka luri bumo be bɔrɛlambu nɛ Enyɛnpe Ebɔrɛ daa maŋ sa nnyamase ekpa fanɛ b luri kumo to na nna.

Nfabel 1:7

Jerusalɛm be basa bee nyiŋi dra na be kebaawɔtɔ lela nɛ b daa kɔ be asheŋ. Jemanɛ nɛ bumo doŋana ba kɔ m pɔɔ bumo so na, esa kikɛ daa maŋ chɛ bumo to. Ŋkpal b ka kɔ n tɔr so, bumo doŋana daŋ mushe nseŋ wora bumo eyur to nna.

Hoziya 13:15

Hale nɛ b dii dama a chɔ bumo kurgepoana gba, meeŋ shin nɛ afu tushiso e shi keshishɛrsawule na be epeŋilarkpa be kaba so m ba shin nɛ bumo be mbombi nɛ atirbu e wɔl to. Kumo be kaman nɛ afu na e jija bumo be asɔ lela nɛ b kɔ na.

Jowɛl 3:5

Men yuri ma shuwa nɛ gbiti nɛ ma yawu kpakpaso be asɔ n ya wɔtɔ men be agbirlambu to.