1 Bewura 20:30 - EBƆRƐ BE KAWƆL

³⁰ Bumo be bumo nɛ b maŋ nya m mɔ nɛ b shile n yɔ Afɛk be kade to na be basa ŋgboŋ adunyɔ nɛ ashunu nɛ kade na be egbal malɛ tɔr so m mɔ. Bɛnhadad gba daŋ shile nna n ya ŋana Afɛk be kade na be laŋ ko be kukɔlɔbi to be ebu to.

1 Bewura 20:30 ပူးပေါင်းရင်းမြစ်များ

2 Samuɛl 18:8

Kena na daŋ salga to nna n yɔ kade na be kupuŋ to nɛ kupo na to kikɛ nɛ benapo nɛ b wu ŋkpal kupo na to be awurfoŋ so daa shi a chɔ bumo nɛ b mɔ kena na gbagba to.

1 Bewura 20:10

E yɛ: “Meeŋ shin nɛ benapo e ba jija fo kade ere nɛ shɛŋ shɛŋ maaŋ naŋ ka ndoŋ. Nɛ ŋ kaa maŋ wora loŋ, kumo ere agbir nɛ mee shuŋ ere e mɔ ma!”

1 Bewura 20:20

Israɛl be benapo na be ekama daŋ mɔ esa nɛ mo nɛ mo tu abar a kɔ na nna. Ndoŋ nna nɛ Siriya be benapo nɛ b wɔ ŋkpa to na lara aya fuful a shile nɛ Israɛl be benapo ju a bɛ bumo so. Ewura Bɛnhadad bre nɛ basa nɛ baa dii egbaŋɛ a kɔ kena na, daŋ dii egbaŋɛ nna n shile n ya ŋana.

1 Bewura 20:26

Dɔchubɔrɛ be jemanɛ ka fo nɛ ewura Bɛnhadad gbargbar mbe benapo n yɔ Afɛk be kade to nɛ e ya kɔ Israɛlebi kena.

1 Bewura 20:29

Nchɛ lela ashunu nɛ Siriyaebi nɛ Israɛlebi na wɔ bumo be nyi to a keni abar. Kachɛ shunusopo na ka fo nɛ kena na fara nɛ Israɛlebi na mɔ Siriyaebi na be benapo ŋgboŋ kalfa.

1 Bewura 22:25

Nɛ anebi Mikaya kaŋɛ mo le: “Kachɛ nɛ feeŋ shile ŋkpal fo doŋana so n ya ŋana ebu nɛ k wɔ ketamanto na, nɛ feeŋ pin kumo be kashenteŋ.”

2 Bewura 10:24

Ndoŋ nna nɛ Jehu nɛ Jonadab luri nɛ b ya lara esarga nɛ esarga chɔɔso n sa Baal. Ama Jehu daŋ kaŋɛ benapo aduburwa nɛ e shin nɛ b ŋana n yili kegbirlambu na be ketamanto na le nna: “Men mɔ Baal be beshumpo ere kikɛ, men sa maŋ shin nɛ bumo be ekama e shile. Fo kama nɛ fo shin nɛ bumo be ekama nya n shile, feeŋ ta fo ŋkpa n tal mo peya to!”

2 Bewura 9:2

Fo kaŋ fo ndoŋ fo fin Jehoshafat pibinyɛn Jehu nɛ e la Nimshi mo nanabi na nseŋ keta mo n lar mo braana to n yɔ ebuŋkpar,

2 Kronikɛls 18:24

Nɛ Mikaya kaŋɛ mo le: “Kachɛ nɛ feeŋ shile ŋkpal fo doŋana so n ya ŋana ebu nɛ k wɔ ketamanto na, nɛ feeŋ pin kumo be kashenteŋ.”

Nshɛ 18:25

Fee ji kashenteŋ nna a sa bekama nɛ baa ji kashenteŋ na. Fo alɛ maa pɔlɔ bumo nɛ b maŋ kɔ mpulɔ na.

Aizaaya 24:18

Ekama nɛ e wora ania n shile kufugboŋ na beeŋ ya tɔr kemaŋ chiŋgeliŋ to, nɛ emo nɛ e gelge kemaŋ chiŋgeliŋ malɛ e ya tɔr kejigbelɛ to. Bɔrɛchu damta beeŋ shi awɔlpa so m ba kasawule so nɛ durnya be gbaltɔlase e gbuŋgbuŋ to.

Aizaaya 30:13

Men wora n jija. Men ki fanɛ egbal jeŋgreŋ nɛ k yili esoso m baŋɛ m ba fo kaseto nna. Menyi alɛ beeŋ tiŋ n tɔr epul to.

Jɛremaya 48:44

Esa kama nɛ e beeŋ nya n shile kenishipere gboŋgboŋi na to na beeŋ tɔr amaŋgboŋ na to. Ekama nɛ e beeŋ nya n dii n lar amaŋgboŋ na to malɛ beeŋ tɔr ajigbelɛ na to nɛ a pɛ mo, ŋkpal manɛ so, Enyɛnpe Ebɔrɛ teŋ n yili jemanɛ nɛ Mowab be efuli na beeŋ nya kumo be kasogberge nna.

Danɛl 4:37

Amoso ma Nebukadneeza bee di ewura nɛ e wɔ esoso na epaŋ nsaa maŋkura mo, a bunyaŋ mo naniere. Kusɔ kama nɛ e wora walɛ nna nsaa kɔ kashenteŋ. Mo alɛ beeŋ tiŋ m bar esa kama nɛ e bee maŋ mbe kumu so kaseto.”

Eemɔs 5:19

Loŋ be kachɛ na beeŋ baa ka du fanɛ esa ka bee shile a ŋana buluŋ so nna nseŋ ya lar shishiri so! Ŋko esa ka ba laŋ to nɛ e ba wushi nseŋ ta mbe enɔ n deŋi egbal so nɛ kuwɔ e duŋ mo.

Eemɔs 9:3

Hale b ŋana kebeegboŋ nɛ baa tre Kamɛl na be esoso gba, meeŋ fin bumo nseŋ pɛ bumo. Nɛ b ŋana tekugboŋ na be kaseto gba, meeŋ shin nɛ ebontojewu e duŋ bumo.

Luuk 13:4

Ŋko menyee tama fanɛ basa kuduaburwa nɛ Sailowam be kejaŋ jeŋgreŋ daŋ tɔr bumo so m mɔ na e daŋ wora n da Ebɔrɛ so ga a chɔ basa nɛ b daa wɔ Jerusalɛm to na kikɛ a?

Joshuwa 13:4

Keenanebi be efuli kikɛ nɛ Meara nɛ k la Sidɔnebi be efuli na hale n ya fo Afɛk ashi Amɔriebi be kasawule be ekar gba kraa wɔtɔ.

Demujipoana 9:40

Ta a ba keshin nɛ Shɛkɛmebi na bɛta n shile a yɔ kade na to nɛ Abimelɛk nɛ mbe benapo ju m buu bumo so hale n ya fo kabunagboŋ na ase. B daŋ doro bumo be bedamta nna.

1 Samuɛl 29:1

Filistiebi be benapo na kikɛ ka ba shɛr abar so ashi Afɛk, nɛ Israɛlebi na malɛ wora bumo be keeyi to ashi ketirbu nɛ k wɔ Jizreel be ketaŋɛ na ase.