1 Bewura 20:22 - EBƆRƐ BE KAWƆL

²² Kede be kaman nɛ Anebi na yɔ Ewura Ahab kutɔ n ya kaŋɛ mo le: “Ya fin benapo n ti fo benapo nɛ fo kɔ na so ŋkpal manɛ so Siriya be ewura Bɛnhadad nɛ mbe benapo kraa beeŋ baa kɔ fo kena dɔchubɔrɛ be jemanɛ so.”

1 Bewura 20:22 ပူးပေါင်းရင်းမြစ်များ

1 Bewura 20:26

Dɔchubɔrɛ be jemanɛ ka fo nɛ ewura Bɛnhadad gbargbar mbe benapo n yɔ Afɛk be kade to nɛ e ya kɔ Israɛlebi kena.

2 Samuɛl 11:1

Dɔchubɔrɛso, saŋɛ nɛ bewura bee lar a yɔ kena to na, nɛ Deevid daŋ shin nɛ Jɔab juŋkpar Israɛlebi be benapo na kikɛ, nɛ b ya kɔ m pɔɔ Ammɔnebi na so nseŋ kulti bumo be kadegboŋ nɛ baa tre Raaba na n wɔtɔ. Ama Deevid bre gbagba daa wɔ Jerusalɛm to nna.

1 Bewura 20:13

Loŋ be jemanɛ nɛ anebi ko yɔ ewura Ahab kutɔ n ya kaŋɛ mo le: Enyɛnpe yɛ: “Men sa maa lɔ kufu ŋkpal benapo damta nɛ b kɔ ere so. Meeŋ shin nɛ men kɔ m pɔɔ bumo so, saŋɛ na so menyeeŋ pin fanɛ ma e la Enyɛnpe Ebɔrɛ na kashenteŋto!”

1 Kronikɛls 20:1

Dɔchubɔrɛ be saŋɛ nɛ bewura bee yɔ kena to na nɛ Jɔab juŋkpar Israɛl be benapo nɛ e ya kɔ n sɔ Ammɔn be kasawule. Ewura Deevid bre daŋ shir a wɔ Jerusalɛm nna. Benapo na daŋ pugi ŋ kulti kadegboŋ nɛ baa tre Raaba na nna n wɔtɔ ŋ kɔ m mur kumo.

Aizaaya 42:8

N nawule kpeŋ e la Enyɛnpe Ebɔrɛ na. M maaŋ shuli nɛ agbir ŋko edimɛdi e sɔ kemaŋkura nɛ bunyaŋ nɛ e daga ma na.

Aizaaya 26:11

Enyɛnpe Ebɔrɛ, fo doŋana maŋ nyi fanɛ feeŋ gberge bumo kusoe. Shin nɛ b wu fanɛ fee sha kebaachɛ fo basa to saŋkama nna, nɛ anishinyɔr e pɛ bumo. Shin nɛ edɛ nɛ fo bela ase a jo fo doŋana na e chɔɔ bumo m mur.

Aizaaya 8:9

Efuli pɔtɛana so ebi, men gama abar so kufuso! Menyi bumo nɛ men wɔ durnya be mboŋ wɔfɔ wɔfɔ e kaŋ asoe n nu nfe. Men bela ase nɛ kekɔ kena, ama men baa ŋana kufu! Kashenteŋto, men bela ase, ama men baa ŋana kufu!

Aŋasa 20:18

Fo baa bela ase nɛ fo kɔ kena, kumo ere fin kasotoji lela nɛ k chɛ fo to.

Aŋasa 18:10

Enyɛnpe Ebɔrɛ du fanɛ ketempreŋ kuŋso nna nɛ basa nɛ baa wora asheŋ niŋiso bee shile a yɔ mo kutɔ n ya kaa nya kekuŋ.

Nshɛ 27:14

Yirda Enyɛnpe Ebɔrɛ na. Baa kɔ eleŋ nseŋ nya kagbene a keni mbe anishito.

2 Kronikɛls 25:11

Ndoŋ nna nɛ ewura Amaziya leŋ mbe kumu to nseŋ juŋkpar mbe benapo n yɔ Nfɔl be Ketaŋɛ na to n ya kɔ kena m mɔ Edɔm be efuli so be benapo ŋgboŋ kudu kikɛ,

2 Kronikɛls 25:8

Menyee fɛ nna fanɛ bumo e naŋ shin nɛ men baa kɔ eleŋ, ama Ebɔrɛ na e naa shin nɛ basa bee kɔ a pɔɔ so. Nɛ men shin nɛ b bɛ menyi so e beeŋ shin nɛ men doŋana e kɔ m pɔɔ menyi so.”

2 Bewura 6:12

Nɛ benapo na be eko kaŋɛ le: “Yiramu, manɛ anyi be ekama nna. Elaisha nɛ e la anebi a wɔ Israɛl na e naa kaŋɛ Israɛl be ewura na kusɔ kama. Hale kusɔ kama nɛ fo kaŋɛ fo ebu to wulo to gba, e beeŋ tiŋ n wu ŋ kaŋɛ.”

1 Bewura 22:8

Nɛ ewura Ahab kaŋɛ le: “Ekoŋwule ko kraa wɔtɔ nɛ anyeeŋ tiŋ n wu mo, mo e la Imla pibinyɛn Mikaya ama ŋ kishi mbe asheŋ ga ŋkpal manɛ so kusɔ kama nɛ e wu ŋ kaŋɛ ma maa walɛ.” Nɛ Jehoshafat kaŋɛ: “Sa maŋ kaŋ kaŋɛ loŋ!”

1 Bewura 20:38

Ndoŋ nna nɛ anebi nɛ b ŋmɛa na ta kechɛbi m buu anishi so saŋɛ na so b maaŋ pin mo. Kumo be kaman nɛ e ya yili kubɔrbi so a jo Israɛl be ewura.

1 Bewura 19:10

Nɛ Elaija kaŋɛ le: “Enyɛnpetale Ebɔrɛ, fo nawule nɛ mee shuŋ saŋkikɛ. Ama Israɛlebi na bre ku kɔnɔkoŋwule be ŋkre nɛ fo nɛ bumo kɔ na to nna nseŋ da fo bɔrɛsureana n lɛ, m mɔ fo anebiana kikɛ. Naniere n nawule e ka nɛ baa sha kemɔ ma alɛ gba.”

Ɛfesesebi 6:10

Ade kikɛ be kaman, men baa kɔ eleŋ Enyɛnpe na nɛ mbe eleŋgboŋ na to.

1 Bewura 20:21

Nɛ ewura Ahab nɛ mbe benapo ju m buu Siriya be benapo na so n ya mɔ bumo be bedamta nseŋ sɔ bumo be egbaŋɛ nɛ egbaŋɛturko na kikɛ.