1 Bewura 20:14 - EBƆRƐ BE KAWƆL

¹⁴ Nɛ ewura Ahab bishi le: “Bumo e naaŋ kɔ n sa anyi?” Nɛ anebi na kaŋɛ le: “Enyɛnpe na yɛ mbrantiɛbia nɛ b la mbonfu mbonfu be egomena be benapo na e naaŋ wora loŋ.” Nɛ ewura Ahab naŋ bishi le: “Nɛ wanɛ e naaŋ juŋkpar bumo kena na to?” Nɛ anebi na kaŋɛ le: “Fo e naa shin nɛ fo juŋkpar bumo.”

1 Bewura 20:14 ပူးပေါင်းရင်းမြစ်များ

1 Bewura 18:44

E ka ya keni kela shunusopo na nɛ e bɛta m ba m ba kaŋɛ le: “N wu kuwɔlpa ko fanɛ enɔ be epunto be mpar ka shi Teku na be kaba so a ba.” Nɛ Elaija ponte ŋ kaŋɛ mbe kayɛrbi le: “Ya kaŋɛ ewura Ahab nɛ e wora manaŋ n luri mbe gbaŋɛturko to n yɔ epe pɔɛŋ nɛ bɔrɛ ere e kuŋ mo akpa.”

1 Bewura 20:13

Loŋ be jemanɛ nɛ anebi ko yɔ ewura Ahab kutɔ n ya kaŋɛ mo le: Enyɛnpe yɛ: “Men sa maa lɔ kufu ŋkpal benapo damta nɛ b kɔ ere so. Meeŋ shin nɛ men kɔ m pɔɔ bumo so, saŋɛ na so menyeeŋ pin fanɛ ma e la Enyɛnpe Ebɔrɛ na kashenteŋto!”

1 Bewura 20:15

Ndoŋ nna nɛ ewura Ahab tre benapo fɔlbi nɛ b wɔ mbonfu mbonfu na m ba shɛr. B daa wɔ benapo alfa anyɔ nɛ adesa nɛ anyɔ. Bumo be kaman nɛ e naŋ tre Israɛl be benapo ŋgboŋ ashunu na malɛ m ba ti so.

1 Bewura 20:17

Benapo fɔlbi nɛ b shi mbonfu mbonfu na daŋ juŋkpar n lar. Ndoŋ nna Bɛnhadad be benapo nɛ baa ŋana a dara asheŋ na ba kaŋɛ mo fanɛ benapo be katuŋ ko shi Samɛria a ba nɛ b ba kɔ bumo kena.

1 Samuɛl 17:50

Ketababu nɛ kejembu nɛ Deevid daŋ ta m pɔɔ Goliɛf so. E daa maŋ ta tokobi.