1 Bewura 20:13 - EBƆRƐ BE KAWƆL

¹³ Loŋ be jemanɛ nɛ anebi ko yɔ ewura Ahab kutɔ n ya kaŋɛ mo le: Enyɛnpe yɛ: “Men sa maa lɔ kufu ŋkpal benapo damta nɛ b kɔ ere so. Meeŋ shin nɛ men kɔ m pɔɔ bumo so, saŋɛ na so menyeeŋ pin fanɛ ma e la Enyɛnpe Ebɔrɛ na kashenteŋto!”

1 Bewura 20:13 ပူးပေါင်းရင်းမြစ်များ

2 Samuɛl 10:13

Ndoŋ nna nɛ Jɔab nɛ mbe basa yɔ nɛ b ya kɔ Siriyaebi na, nɛ Siriyaebi na shile.

1 Bewura 18:39

Basa na kikɛ ka wu loŋ, nɛ b jɔŋɛ kasawule nseŋ boŋto ŋ kaŋɛ le: “Enyɛnpe na nawule e la Ebɔrɛ! Enyɛnpe nawule e la Ebɔrɛ!”

1 Bewura 20:14

Nɛ ewura Ahab bishi le: “Bumo e naaŋ kɔ n sa anyi?” Nɛ anebi na kaŋɛ le: “Enyɛnpe na yɛ mbrantiɛbia nɛ b la mbonfu mbonfu be egomena be benapo na e naaŋ wora loŋ.” Nɛ ewura Ahab naŋ bishi le: “Nɛ wanɛ e naaŋ juŋkpar bumo kena na to?” Nɛ anebi na kaŋɛ le: “Fo e naa shin nɛ fo juŋkpar bumo.”

1 Bewura 20:22

Kede be kaman nɛ Anebi na yɔ Ewura Ahab kutɔ n ya kaŋɛ mo le: “Ya fin benapo n ti fo benapo nɛ fo kɔ na so ŋkpal manɛ so Siriya be ewura Bɛnhadad nɛ mbe benapo kraa beeŋ baa kɔ fo kena dɔchubɔrɛ be jemanɛ so.”

1 Bewura 20:28

Nɛ anebi na yɔ ewura Ahab kutɔ n ya kaŋɛ mo le: “Enyɛnpe Ebɔrɛ yɛ, ŋkpal Siriyaebi ka kaŋɛ fanɛ n la abee so be ebɔrɛ nna nsaa maŋ tre ma kepla so be ebɔrɛ na so, meeŋ shin nɛ men kɔ m pɔɔ bumo be benapo damta ere so nɛ fo nɛ fo basa e pin fanɛ ma e la Enyɛnpe na kashenteŋto.”

2 Bewura 13:23

Enyɛnpe Ebɔrɛ na daa wu Israɛlebi kuwɔr nna nsaa maa sha b ka mur ŋkpal mo nɛ bumo nananyɛnana Eebraham nɛ Aizek nɛ Jeekɔb be kɔnɔkoŋwule be ŋkre na so.

2 Bewura 3:18

Le be kesheŋ maŋ du Enyɛnpetale Ebɔrɛ so kpakpa. E beeŋ shin nɛ men kɔ m pɔɔ Mowabebi na so.

2 Bewura 7:1

Ade kikɛ be kaman nɛ Elaisha kaŋɛ fanɛ b loto n nu kusɔ nɛ Enyɛnpe Ebɔrɛ na kaŋɛ. E yɛ: “Echefo saŋɛ ere so menyeeŋ tɔ ayu lela kurwa asasa nɛ ayu peper malɛ kurwa asheshe gbiti be kadɛrbi koŋwule ashi Samɛria be kade to.”

2 Kronikɛls 20:15

Ndoŋ nna nɛ Jahaziil kaŋɛ le: “Enyɛnpe Ebɔrɛ yɛ, fo nɛ Juda nɛ Jerusalɛm be basa kikɛ e sa maa lɔ kufu ŋko a pɔ aba ŋkpal benapo damta ere so. Mannɛ men gbagba e naŋ kɔ kena ere. Ebɔrɛ e naŋ kɔ n sa menyi.

2 Kronikɛls 20:17

Mannɛ menyi e naŋ kɔ kena ere. Menyi ere e bela ase a yil. Menyeeŋ wu kananɛ Enyɛnpe Ebɔrɛ na beeŋ kɔ m pɔɔ so n sa menyi. Juda nɛ Jerusalɛmebi, men sa maa lɔ kufu. Men lar n yɔ kena na to, Enyɛnpe Ebɔrɛ beeŋ ba wɔ menyi kutɔ!”

Nshɛ 83:18

Shin nɛ b pin fanɛ fo e la Enyɛnpetale Ebɔrɛ. Fo alɛ nawule e naa ji kuwura durnya kikɛ so.

Ɛksodɔs 14:18

Saŋɛ nɛ n nya kemaŋkura ashi Fɛɛro nɛ mbe benapo so na nɛ Ijiptebi beeŋ pin fanɛ ma e la Enyɛnpe Ebɔrɛ na.”

Ɛksodɔs 16:12

“N nu nfubel damta ashi Israɛlebi na kutɔ, amoso kaŋɛ bumo le: ‘Ta a ba kaaseso saŋɛ nɛ kaboŋ bee jija to na menyeeŋ we eblaŋ. Kachipurso malɛ nɛ men nya ajibi n ji kananɛ menyee sha nseŋ pin fanɛ ma e la Enyɛnpe, menyi be Ebɔrɛ na.’ ”

Aizaaya 37:20

Ama fo ere la Enyɛnpe, anyi be Ebɔrɛ nna! Anyee kule fo nna nɛ fo mɔlga anyi ashi Asiriya be ewura be enɔ to, saŋɛ na so, ekama nɛ e wɔ durnya to be efuli kama so, beeŋ pin fanɛ fo nawule e la Ebɔrɛ.”

Ezikɛl 20:14

Ama n daa maŋ wora loŋ, ŋkpal ŋ ka daa maa sha fanɛ ma ketre e jija ashi efuliana nɛ b wu kananɛ n lara bumo ashi Ijipt be efuli so na be anishito so.

Ezikɛl 20:22

Ama n daa maŋ wora loŋ, ŋkpal ŋ ka daa maa sha fanɛ ma ketre e jija ashi efuliana nɛ b wu kananɛ n juŋkpar bumo n lar Ijipt be efuli so na be anishito so.

Ezikɛl 6:7

Menyi be basa beeŋ wu n dese kaplɛkama, nɛ menyi to be bumo nɛ baaŋ ji efute na e pin fanɛ ma, e la Enyɛnpe Ebɔrɛ na nseŋ shuŋ ma.

Jowɛl 3:17

Kede be kaman nɛ Enyɛnpe Ebɔrɛ yɛ: “Kumo be jemanɛ na so nɛ menyi Israɛlebi beeŋ pin fanɛ ma e la Enyɛnpe men be Ebɔrɛ na. Ma e wɔ ma kebee cheembi Zayɔn so na. Jerusalɛm beeŋ naŋ ki kadegboŋ cheembi nɛ efuli pɔtɛana so ebi maaŋ naŋ tiŋ ŋ kɔ m pɔɔ kumo so.

Joshuwa 10:8

Nɛ Enyɛnpe Ebɔrɛ kaŋɛ Joshuwa le: “Sa maa ŋana bumo. N teŋ ta bumo m bɔɔ fo enɔ. Bumo be ekama maaŋ tiŋ n tu fo ŋ kɔ.”