1 Bewura 20:1 - EBƆRƐ BE KAWƆL

¹ Siriya be efuli so be ewura Bɛnhadad daŋ tre mbe benapo kikɛ nna m ba abar so nɛ bewura adesa nɛ anyɔ ko gba nɛ bumo be egbaŋɛ nɛ egbaŋɛturko ba ti bumo so nɛ b ya kulti Samɛria be kade n wɔtɔ nɛ b kɔ kumo kena.

1 Bewura 20:1 ပူးပေါင်းရင်းမြစ်များ

1 Bewura 15:18

Ndoŋ nna nɛ ewura Asa shin nɛ b lara gbiti nɛ shuwa kikɛ ashi bɔrɛlambu na to nɛ ewurape n ya sa Ewura Bɛnhadad nɛ e la Siriya be efuli so be ewura ashi Damaskɔs be kadegboŋ to na, nseŋ kaŋɛ mo le:

1 Bewura 15:20

Nɛ ewura Bɛnhadad shuli kusɔ nɛ Asa kaŋɛ na nseŋ shuŋi mbe benapo nɛ bumo be benimu fanɛ b ya kɔ Israɛl be ndegboŋana na. Ndoŋ nna nɛ b ya kɔ m pɔɔ Ijɔn nɛ Dan nɛ Abel Bɛf Maaka nɛ efuli nɛ k wɔ Galili be teku na be kaba so nɛ Naftali be efuli so kikɛ.

1 Bewura 16:24

nseŋ tɔ kebee nɛ baa tre Samɛria na gbiti be ndarbi ŋgboŋ ashe ashi kanyɛn nɛ baa tre Shema na kutɔ. Loŋ be kebee na so nɛ Omri daŋ pɔr mbe kadegboŋ nseŋ ta Shema nɛ e tɔ kebee na mo kutɔ na be ketre Samɛria n nase kumo.

1 Bewura 20:16

Kumo be kapiidi nɛ ewura Ahab nɛ Israɛlebi be benapo lar nɛ b ya kɔ Ewura Bɛnhadad nɛ mbe basa kena. Loŋ be jemanɛ na so nɛ ewura Bɛnhadad nɛ bewura adesa nɛ anyɔ nɛ mo nɛ bumo wora kɔnɔ na wɔ ewajɛbu to a nuu nsa.

1 Bewura 20:2

Ewura Bɛnhadad daŋ shuŋi mbɔ Israɛl be ewura Ahab nɛ e wɔ Samɛria be kade na kutɔ nɛ b ya kaŋɛ mo le: “Ewura Bɛnhadad yɛ an kaŋɛ fo fanɛ

1 Bewura 20:24

Amoso ju bewura adesa nɛ anyɔ na nseŋ ta fo gbagba be benapo be benimu n tal bumo be katelamu.

1 Bewura 22:31

Siriya be ewura na daŋ kaŋɛ mbe benapo adesa nɛ anyɔ nɛ baa ta egbaŋɛturko a kɔ kena na be benimu nna fanɛ b sa maŋ kaŋ kɔ esa kikɛ ama Israɛl be ewura na nawule.

2 Bewura 6:8

Saŋkama nɛ Siriya be efuli so be ewura nɛ Israɛl be efuli so ebi bee kɔ kena e daa tre mbe benapo be benimu nna nɛ b fin kakpa nɛ baaŋ wora bumo be keeyi to.

2 Bewura 8:5

Gehazi ka bee kaŋɛ ewura na kananɛ Elaisha tiŋi kebia ashi luwu to, nɛ kache na fo ndoŋ. Nɛ Gehazi kaŋɛ ewura na le: “Yiramu, Kache nɛ Elaisha tiŋi mbe kebia ashi luwu to na nde!”

Ɛzra 7:12

“Ma, ewurgboŋ Atazɛzɛs, e naa sibɛ kawɔl ere a sa fo, Ɛzra, nɛ fo la bɔrɛmatapo nɛ Ebɔrɛ nɛ e wɔ ebɔrɛso na be mbra ŋinipo na. Fo kechɔrɔ nde!

Ɛksodɔs 14:7

Kumo be kaman nɛ e ta mbe egbaŋɛturko kikɛ nseŋ shin nɛ mbe benapo be benimu luri amo be alfa ashe nɛ a kɔ eleŋ ga na to.

Aizaaya 10:8

E daa puchi nna a kaŋɛ le: “Ma benapo be bejuŋkparpoana na be ekama la ewura nna!

Aizaaya 37:24

Fo daŋ shuŋi fo mbɔ nna nɛ b ba kaa puchi menyi ka daŋ ta menyi be egbaŋɛturko n dii n yɔ Lebanɔn be kebee be awɔlto n ya kɔ m pɔɔ so ashi ma Enyɛnpe Ebɔrɛ na be anishito. Men daa puchi fanɛ men daŋ tiŋ ŋ ku sida be ndibi tenteŋ nɛ seprɛs be ndibi lelaana n lɛ nna ashi kebee na so hale n ya fo kupo na be nferinto.

Jɛremaya 49:27

Meeŋ nya edɛ n wɔtɔ Damaskɔs be nwu to nseŋ chɔɔ ewura Bɛnhadad be ewurkpa lempoana n lɛ. Ma, Enyɛnpe Ebɔrɛ e kaŋɛ na.”

Ezikɛl 26:7

Kumo be kaman, nɛ Enyɛnpetale Ebɔrɛ na naŋ kaŋɛ: “Meeŋ shin nɛ Babilɔn be ewura Nebukadneeza, nɛ e la bewura to be ewura na, e shi kelargato be esoso be kaba so m ba kɔ Tayɛ be basa. E beeŋ keta benapo damta nɛ b kɔ egbaŋɛ nɛ egbaŋɛturko nɛ egbaŋɛ diipoana nna m ba.

Danɛl 2:37

Yiramu, fo e la bewura kikɛ to be ewurgboŋ. Ebɔrɛ nɛ e wɔ esoso na malɛ e ta fo ŋ ki ewurgboŋ nseŋ ta eleŋ nɛ bunyaŋ n sa fo.

Levitikɔs 26:25

Meeŋ shin bedoŋ e kɔ menyi kena ŋ gberge menyi kusoe ŋkpal men ka wora n da ma nɛ menyi be kɔnɔkoŋwule be ŋkre na so, nseŋ gama abar so ashi menyi be ndegboŋana to a fin kumɔlga menyi be amu so. Ma alɛ beeŋ naaŋ shin nɛ alɔ nɛ a maŋ kɔ kechɛ e tɔr menyi so n nyaŋ menyi nɛ men gbagba a ta menyi be amu m bɔɔ men doŋana enɔ.

Eemɔs 1:4

Meeŋ shin nɛ edɛ e ya chɔɔ lambu nɛ ewura Haziɛl pɔr na nɛ ewura Bɛnhadad be kumɔlga be mboŋ lempo na kikɛ cheche.

Ditɛronɔmi 20:1

Nɛ men kaŋ yɔ nɛ men ya kɔ men doŋana kena nseŋ wu fanɛ bumo be egbaŋɛ nɛ egbaŋɛturko nɛ benapo shi a chɔ menyeya, men sa maa ŋana bumo. Ŋkpal manɛ so, Enyɛnpe menyi be Ebɔrɛ nɛ e kɔ n suge menyi ashi Ijipt be efuli so na beeŋ chɛ menyi to ŋ kɔ.

Ditɛronɔmi 28:52

Bumo alɛ beeŋ kre kena m ba kulti kade kama nɛ k wɔ kasawule nɛ Enyɛnpe, menyi be Ebɔrɛ na ta a sa menyi ere n wɔtɔ. Baaŋ bure egbal lempo jeŋgreŋana nɛ menyeeŋ pɔr ŋ kulti men be ndeana n ta men be yirda n deŋi amo so na.

Demujipoana 1:7

Ndoŋ nna nɛ Adoni Bɛzɛk kaŋɛ: “Bewura adushunu nɛ n shin nɛ b ku bumo be ashilbinioana nɛ bumo be anashibinioana so nseŋ shin nɛ baa tise ma ejikpa be ejiŋka a ji. Kusɔ nɛ n wora bumo na be kukɔ nɛ Ebɔrɛ bee ka ma na.” Nɛ b ta mo n yɔ Jerusalɛm nɛ e ya wu ndoŋ.

Demujipoana 4:3

Ewura Jabin daa kɔ abɛlso be egbaŋɛturko nɛ b kɔ a yɔ kena to alfa akpanu nna nseŋ daŋ kɔrfɛ Israɛl be basa na ga nfɛ adunyɔ. Ndoŋ nna nɛ Israɛlebi na shu n tre Enyɛnpe Ebɔrɛ na fanɛ e chɛ bumo to.

1 Samuɛl 13:5

Ndoŋ nna nɛ Filistiebi na tre bumo be benapo m ba shɛr abar so nɛ b kɔ Israɛlebi kena. B daa kɔ egbaŋɛturko ŋgboŋ asa nɛ egbaŋɛdiipoana ŋgboŋ ashe nɛ bumo be benapo nɛ b na aya so malɛ daa shi fanɛ teku ase be leele. Nɛ b ya wora bumo be keeyi to ashi Mikmash nɛ k wɔ Bɛf Avɛn be epeŋilarkpa be kaba so na.