1 Bewura 2:7 - EBƆRƐ BE KAWƆL

⁷ Ama wora Bazilai nɛ e shi Giliad be efuli so na bre be mbinyɛnsobi na kelela nseŋ shin nɛ b baa tu fo a ji saŋkama, ŋkpal manɛ so b daŋ wora ma kelela ga saŋɛ so nɛ n daa shil a ŋana fo da Absalɔm so na.

1 Bewura 2:7 ပူးပေါင်းရင်းမြစ်များ

Jɛnesis 40:14

Ama mee kule fo nna fanɛ nɛ kusɔ kama kaŋ nyalɛ n sa fo, fo nyiŋi ma nseŋ wora ma kelela. Kaŋɛ Fɛɛro ma asheŋ n lara ma ashi kabuti ere to.

2 Samuɛl 19:28

Fo Yiramu daŋ daga fo ka mɔ n tuto be kanaŋ to be basa kikɛ nna, ama fo wu ma ere kuwɔr hale nseŋ shin nɛ mee tu fo gba a ji. Amoso, a maŋ daga ŋ ka naŋ kule fo shɛŋ.”

2 Samuɛl 9:10

Amoso fo nɛ fo mbinyɛnsobi kuduanu nɛ fo nyɛrbi adunyɔ na beeŋ baa dɔ Sɔɔl be kanaŋ to ebi be adɔsawule a sa fo nyɛnpe Mifiboshɛf. Saŋɛ na so Sɔɔl be kanaŋ to ebi beeŋ baa nya kusɔ jiso. Ama Mifiboshɛf bre, ma kutɔ nɛ e beeŋ baa ji saŋkikɛ.”

2 Samuɛl 9:7

Ndoŋ nna Deevid kaŋɛ mo: “Sa maa lɔ kufu. Ŋkpal fo tuto Jonatan so maaŋ tiŋ n yige kewora fo kelela. Meeŋ ta kasawule nɛ k la fo nananyɛn Sɔɔl peya na kikɛ n laŋɛ n sa fo. Ma laŋ to malɛ nɛ feeŋ baa ji saŋkikɛ.”

2 Bewura 25:29

E daŋ sa ewura Jehowachin ekpa nna nɛ e maŋ naa buu kabuti to be asɔbuuso nsaa buu amo nɛ e bee sha. Mo alɛ nɛ Babilɔn be ewura daa chena mbe ejikpa nna a ji karechɛ kikɛ.

2 Bewura 25:30

Ewura Jehowachin ka chena Babilɔn be efuli so ndoŋ hale n ya fo kachɛ nɛ e wu, Babilɔn be ewura daa sa mo amansherbi jiso nna karechɛ kikɛ.

Ɛzra 2:61

Bumo nɛ b shi bɔrɛmatapoana be kabuna ama bumo alɛ be asheŋ daa maŋ wɔ nwɔl to a ŋini fanɛ b shi bɔrɛmatapoana be kanaŋ to na malɛ e daa la Hobaya be kaman to ebi nɛ Hakkoz be kaman to ebi nɛ Baazilaya be kaman to ebi. B daa tre mo Baazilaya nna ŋkpal e ka daŋ ta Giliad be efuli so be eche nɛ e shi Baazilaya be kanaŋ to so.

Aŋasa 27:10

Sa maŋ kplaŋ fo teri ŋko fo tuto mo teri so. Fo alɛ e sa maŋ yɔ fo niopibi nɛ e wɔ kufɔ kutɔ n ya kaa fin kechɛto tɔrɔ be saŋɛ. Eteri nɛ e taga fo to beeŋ tiŋ n chɛ fo to a chɔ fo niopibi nɛ e wɔ kufɔ.

Jɛremaya 52:33

E daŋ sa ewura Jehowachin ekpa nna nɛ e maŋ naa buu kabuti to be asɔbuuso nsaa buu amo nɛ e bee sha. Mo alɛ nɛ Babilɔn be ewura daa chena mbe ejikpa nna a ji karechɛ kikɛ.

Luuk 12:37

Bumo nɛ bumo nyɛnpe na beeŋ ba tu nɛ b bela ase a jo mo nsaa keni na beeŋ nu ebel ga. Enyɛnpe na gbagba beeŋ shin nɛ b chena nɛ e kre so n wora ajibi n sa bumo.