1 Bewura 2:32 - EBƆRƐ BE KAWƆL

³² Ŋkpal e ka mɔ Abna nɛ e la Israɛl be benapo be enimu nɛ Amasa nɛ mo alɛ la Juda be benapo be enimu nɛ n tuto ewura Deevid maŋ nyi na so, Enyɛnpe Ebɔrɛ beeŋ gberge mo kusoe.

1 Bewura 2:32 ပူးပေါင်းရင်းမြစ်များ

Jɛnesis 4:11

Ŋkpal fo ka mɔ fo sipo so n sho fo kɔnɔ nsaa ju fo ashi kasawule nɛ k nuu fo sipo na be ŋklaŋ na so.

Jɛnesis 42:22

Nɛ Ruben bishi bumo: “N daa maŋ kaŋɛ menyi fanɛ men sa maŋ wora kebinyɛnbi na shɛŋ nɛ men kini kenu n sa ma? To, naniere kusɔ nɛ an wora mo na be kuwule e naa bishi anyi na.”

Jɛnesis 9:6

Esa kama nɛ e mɔ dimɛdi, baaŋ mɔ amodoŋwura gba n tal to, ŋkpal manɛ so, Ebɔrɛ pɔr dimɛdi nna fanɛ mbe kaduli.

2 Samuɛl 1:16

Nɛ Deevid kaŋɛ Amalɛk be esa na le: “Fo e kil le be asheŋ n sa fo kumu na. Fo ka shuli so fanɛ fo e mɔ Enyɛnpe Ebɔrɛ be ewura laraso na so, nɛ le be luwu ere bee ba fo so na.” Kumo be kaman nɛ kabrantiɛbia na wu.

2 Samuɛl 17:25

Absalɔm daŋ ta Amasa nna n yili benapo na be enimu Jɔab be eyilikpa. Jɛta nɛ e la Ishmaɛl be kanaŋ to be esa na pibinyɛn e daa la Amasa. Nahaash be mbicheso e daa la Abigɛl, nɛ e la Amasa mo nio na nɛ Zeruwa nɛ mo alɛ la Jɔab mo nio na. Abigɛl mo sipo e daa la Zeruwa.

2 Samuɛl 3:29

Ama kumo be kasogberge beeŋ ba Jɔab nɛ mbe kanaŋ kikɛ so! Kumo e la fanɛ echefoso, bumo be kanaŋ mo nɛ k beeŋ koso be enyɛn ko beeŋ lɔ babaso be kulɔ ŋko keboti, ŋko e beeŋ baa la esa nɛ e maaŋ tiŋ n shuŋ benyɛn be kushuŋ ama beche peya ŋko e beeŋ baa la esa nɛ e beeŋ wu kena to, ŋko esa nɛ e maaŋ ji m moɛ kikɛ!”

2 Samuɛl 3:37

Kumo be kamɔnchɛ na nɛ ewura Deevid be basa, nɛ Israɛlebi na yirda fanɛ ewura Deevid be enɔ maŋ wɔ Abna be luwu na be asheŋ to.

2 Samuɛl 3:39

Kashenteŋto nna fanɛ ma e la Ebɔrɛ be ewura laraso, ama kabre ma alɛ maŋ naa kɔ eleŋ. Zeruwa be mbinyɛnbi Jɔab nɛ Abishai bre bee ŋini ma nna fanɛ b kɔ eleŋ ga a chɔ ma. Enyɛnpe Ebɔrɛ e ta kasogberge nɛ k daga n sa le be basa lubi ere!”

2 Samuɛl 4:11

Shɛŋ shɛŋ maŋ naŋ lubi a chɔ fanɛ basa lubi ka beeŋ ya mɔ esa nɛ e maŋ wora kulubi kikɛ mbe laŋ to ashi mbe gedo so gba! Ma alɛ gba beeŋ wora menyi n tal to ŋkpal men ka mɔ kanyɛn ere so, menyi alɛ gba maaŋ naŋ ji efute durnya ere to.”

1 Bewura 2:44

Fo gbagba ere nyi kulubi nɛ fo wora n tuto ewura Deevid. Enyɛnpe Ebɔrɛ na malɛ beeŋ gberge fo kusoe n tal to.

1 Bewura 2:5

Fo gbagba ere nyi kusɔ nɛ Zeruwa pibinyɛn Jɔab wora ma. E mɔ Neer pibinyɛn Abna nɛ Jɛta pibinyɛn Amasa nɛ b la Israɛl be benapo be benimu anyɔ na nna fanɛ kena to be bedoŋ na, nɛ b maa kɔ kena. E daŋ mɔ bumo nna nɛ b maŋ wora shɛŋ, ŋkpal mbe basa ka daŋ wu kena ko to ga so. Shin nɛ e nya mbe alubi be kakɔka.

1 Bewura 8:32

kumo ere Enyɛnpe Ebɔrɛ, fo yili esoso n ji fo nyɛrbi demu ŋ gberge esa nɛ e ji n tɔr na kusoe nseŋ yige emo nɛ e maŋ ji n tɔr na.

2 Kronikɛls 21:13

Fo bɛ Israɛl be bewura na be ekpa so nna nseŋ shin nɛ Juda nɛ Jerusalɛm be basa maŋ naa ji kashenteŋ a sa Ebɔrɛ fanɛ kananɛ Ahab nɛ mbe kaman to ebi daŋ shin nɛ Israɛl be efuli so ebi maŋ ji kashenteŋ n sa Ebɔrɛ na. Fo mɔ fo sipo nyɛnsoana nɛ b bɔ fo na.

2 Kronikɛls 21:14

Ŋkpal loŋ so, Enyɛnpe Ebɔrɛ na beeŋ gberge fo basa nɛ fo kanaŋ to ebi kikɛ kusoe nseŋ mur fo asɔ kikɛ gba n ti so.

Ɛsta 1:19

Yiramu, nɛ k par fo bre, fo nase mbra nɛ baaŋ sibɛ n wɔtɔ Pɛshiya nɛ Midia be efuli so be mbra be nwɔl to nɛ esa kikɛ maaŋ tiŋ n chɛrga kumo, fanɛ Vashti e sa maŋ naŋ ta keya n cha ewura pe kikɛ. Kumo be kaman nɛ fo ta mbe kuwurche na n sa eche nɛ e bɔ mo.

Nshɛ 7:16

Bumo gbagba be alubi beeŋ laŋɛ n deŋi bumo be amu so, nɛ kananɛ baa tintiŋ basa a shin nɛ baa wora asheŋ na e laŋɛ bumo so.

Nshɛ 7:17

Mee chɔrɔ Enyɛnpe Ebɔrɛ ga ŋkpal e ka bee wora asheŋ nɛ amo be ekpa so so. Meeŋ boŋ kashɛ n di Enyɛnpetale Ebɔrɛ nɛ e wɔ esoso na epaŋ.

Ezikɛl 17:19

Amoso kusɔ nɛ ma Enyɛnpetale Ebɔrɛ nɛ mee sa ŋkpa na kaŋɛ e la fanɛ meeŋ gberge Juda be ewura kusoe ŋkpal e ka wora n da mo gbagba be ntaŋ nɛ e bɔ so nseŋ lar kɔnɔkoŋwule be ŋkre na kaman so so.

Nɔmbɛs 32:23

Ama nɛ men baa maŋ bɛ men be kɔnɔ naseso ere so bre, menyeeŋ wora alubi ŋ gbiti Enyɛnpe Ebɔrɛ na nsaa beeŋ nya kumo be kasogberge.

Demujipoana 9:24

Ebɔrɛ malɛ wora loŋ nna nɛ Shɛkɛmebi nɛ b leŋ Abimelɛk to nɛ e mɔ Gidiɔn be bibinyɛn adushunu na e nya bumo be kulubi be kusoegberge.

Demujipoana 9:57

Ebɔrɛ daŋ naŋ shin nɛ Shɛkɛmebi na gba nya bumo be alubi be kakɔka fanɛ kananɛ Gidiɔn pibinyɛn, Jotam, daŋ melgi bumo na nna, ŋkpal b ka daŋ chɛ Abimelɛk to so so.

1 Samuɛl 15:28

Nɛ Samuɛl kaŋɛ mo le: “Kananɛ fo baŋ kpɛa ma piŋi ere be kɔnɔso ere, loŋ gbagba na chap nɛ Enyɛnpe Ebɔrɛ gboŋi fo Israɛl be kuwurji to kabre nseŋ ta kumo m buu fo echenashapo nɛ e bɔ fo.