1 Bewura 2:31 - EBƆRƐ BE KAWƆL

³¹ Nɛ ewura na kaŋɛ Bɛnaya le: “Wora kusɔ nɛ Jɔab kaŋɛ na. Mɔ mo wajɛbu cheembi na to m puli, saŋɛ na so esa kama maaŋ wu ma ŋko ewura Deevid be kaman to ebi be ekama kulubi ŋkpal Jɔab ka mɔ basa nɛ b maŋ wora shɛŋ na so.

1 Bewura 2:31 ပူးပေါင်းရင်းမြစ်များ

2 Samuɛl 3:28

Deevid ka nu Abna be luwu na be asheŋ nɛ e kaŋɛ le: “Enyɛnpe Ebɔrɛ na gbagba nyi fanɛ ma nɛ ma beyaasepo maŋ nyi Abna be luwu ere be asheŋ.

2 Samuɛl 3:29

Ama kumo be kasogberge beeŋ ba Jɔab nɛ mbe kanaŋ kikɛ so! Kumo e la fanɛ echefoso, bumo be kanaŋ mo nɛ k beeŋ koso be enyɛn ko beeŋ lɔ babaso be kulɔ ŋko keboti, ŋko e beeŋ baa la esa nɛ e maaŋ tiŋ n shuŋ benyɛn be kushuŋ ama beche peya ŋko e beeŋ baa la esa nɛ e beeŋ wu kena to, ŋko esa nɛ e maaŋ ji m moɛ kikɛ!”

1 Bewura 2:30

Nɛ Bɛnaya ya luri Enyɛnpe Ebɔrɛ be wajɛbu na to ŋ kaŋɛ Jɔab le: “Ewura bee tre fo.” Nɛ Jɔab malɛ kaŋɛ le: “M-m, men yige ma nɛ n wu nfe.” Nɛ Bɛnaya bɛta n ya kaŋɛ Ewura na kusɔ nɛ Jɔab kaŋɛ.

2 Bewura 9:26

E yɛ: “N wu b ka mɔ Nabɔf be mbinyɛnsobi ndre. Ma alɛ beeŋ gberge fo kusoe kasawule nɛ b mɔ Nabɔf ere gbagba so.” Kumo be kaman nɛ Jehu kaŋɛ mbe kayɛrbi na fanɛ e ya ta Joram be kebuni n ya lɛ Nabɔf be kasawule na so saŋɛ na so Enyɛnpe Ebɔrɛ be kamalga na beeŋ bɔlɔ so.

Ɛksodɔs 21:14

Ama nɛ esa baŋ kute m mɔ mo barkasa bre, hale nɛ e shile n yɔ ma bɔrɛsure na ase gba, k daga fanɛ b mɔ mo.

Aŋasa 28:17

Esa kama nɛ e mɔ esa, be nfɛra beeŋ baa ji a bri mo hale nɛ e ya wu. Mo alɛ maaŋ nya kechɛto kikɛ.

Nɔmbɛs 35:33

Nɛ men baŋ wora loŋ, kumo ere menyeeŋ jija kasawule nɛ men chena so ere. Ŋkpal manɛ so ŋklaŋ be kewurge bee jija kasawule nna. Esa nɛ e shin nɛ ŋklaŋ wurge malɛ be ŋklaŋ e naaŋ tiŋ n shin nɛ kasawule nɛ kejija e naŋ nyalɛ.

Ashuŋ Shunso 28:4

Kepla na so be basa na ka wu kuwɔ na ka chul Pɔɔl be enɔ so nɛ b kaŋɛ abar: “Kanyɛn ere la emɔpo nna, k maŋ kɔ emɔrɔ. E tiŋ n lar nchu na to nɛ alenfia, ama kashenteŋ be ekpa so be ebɔrɛ na maaŋ yige mo nɛ e baa kraa wɔtɔ.”