1 Bewura 2:28 - EBƆRƐ BE KAWƆL

²⁸ Adonija nɛ Jɔab daa chɛ to nɛ e ki ewura, mannɛ Absalɔm, amoso e ka nu fanɛ Adonija wu nɛ e shile n yɔ Enyɛnpe be wajɛbu na ase n ya pɛ bɔrɛsure na be abonfu to be asɔ nɛ a duli alambɛ na to ŋ keta nɛ e kuŋ mbe kumu.

1 Bewura 2:28 ပူးပေါင်းရင်းမြစ်များ

2 Samuɛl 17:25

Absalɔm daŋ ta Amasa nna n yili benapo na be enimu Jɔab be eyilikpa. Jɛta nɛ e la Ishmaɛl be kanaŋ to be esa na pibinyɛn e daa la Amasa. Nahaash be mbicheso e daa la Abigɛl, nɛ e la Amasa mo nio na nɛ Zeruwa nɛ mo alɛ la Jɔab mo nio na. Abigɛl mo sipo e daa la Zeruwa.

2 Samuɛl 18:2

Kumo be kaman nɛ e shin nɛ ntuŋ na kikɛ ba abar so nɛ e naŋ barga amo to ntuŋ asa nseŋ shin nɛ Jɔab bee keni katuŋ koŋwule so nɛ mo sipo Abishai malɛ bee keni katuŋ nyɔsopo so nɛ Ittai nɛ e shi Gaaf na malɛ bee keni katuŋ sasopo na so. Le nɛ ewura Deevid daŋ kaŋɛ mbe basa na: “Ma nɛ menyi e naŋ yɔ kena na to.”

1 Bewura 1:50

Nɛ kufu pɛ Adonija, ŋkpal e ka bee fɛ fanɛ Sɔlɔmɔn beeŋ mɔ mo so nɛ e shile n yɔ Enyɛnpe be wajɛbu na ase n ya pɛ bɔrɛsure na be abonfu nɛ a duli alambɛ na to ŋ keta ŋ kuŋ mbe kumu.

1 Bewura 1:7

Adonija daŋ ya kaŋɛ Jɔab nɛ mo nio daa la Zeruwa na, nɛ bɔrɛmatapo Abiata kesheŋ nɛ e bee sha nɛ e wora na nna nɛ b shuli m bɛ mo so.

Ɛksodɔs 21:14

Ama nɛ esa baŋ kute m mɔ mo barkasa bre, hale nɛ e shile n yɔ ma bɔrɛsure na ase gba, k daga fanɛ b mɔ mo.

Ɛksodɔs 27:2

Men wora kumo be esoso be abonfu ana na nɛ a baa du fanɛ alambɛ n shin nɛ bɔrɛsure na nɛ alambɛ na kikɛ e chɔga abar so a la kukoŋwule. Kumo be kaman nɛ men ta danyaŋ m mata bɔrɛsure na kikɛ so.

Ditɛronɔmi 32:35

Enyɛnpe Ebɔrɛ na beeŋ sɔ bumo be kɔnɔ so ŋ gberge bumo doŋana na kusoe. Jemanɛ na kaŋ fo baaŋ fɛrge n tɔr; bumo be kemur be kachɛ taga to nna na.