1 Bewura 2:1 - EBƆRƐ BE KAWƆL

¹ Deevid ka bee shin nɛ e wu nɛ e tre mo pibinyɛn Sɔlɔmɔn m malga mbe lalaloge be kamalga n sa mo ŋ kaŋɛ le:

1 Bewura 2:1 ပူးပေါင်းရင်းမြစ်များ

Jɛnesis 47:29

Mbe luwu be saŋɛ ka ba kaa taga to nɛ e tre Josɛf ŋ kaŋɛ mo: “Nɛ fo baa sha ma asheŋ bre, fo ŋini ma kelela nseŋ ji kashenteŋ n ta fo enɔ n wɔtɔ ma kebembi be kaseto n nase kɔnɔ kpakpaso fanɛ ŋ kaŋ wu, fo maaŋ puli ma Ijipt nfe.

2 Samuɛl 7:12

E kaŋ wu nɛ b ta mo n ya nase mo nananyɛnana be edesekpa, meeŋ shin nɛ mbe mbinyɛnsobi ere be eko e ki ewura, nɛ n shin nɛ mbe kuwurji malɛ e ba kɔ eleŋ ga.

1 Bewura 1:53

Kede be kaman nɛ ewura Sɔlɔmɔn shuŋi nɛ b ya keta Adonija bɔrɛsure na ase m ba. Adonija ka ba jɔŋɛ ewura Sɔlɔmɔn ase nɛ ewura Sɔlɔmɔn kaŋɛ mo fanɛ e baa yɔ epe.

1 Kronikɛls 22:6

Ndoŋ nna nɛ ewura Deevid shuŋi n tre mo pibinyɛn Sɔlɔmɔn ŋ kaŋɛ mo fanɛ e pɔr bɔrɛlambu n sa Enyɛnpe, Israɛl be Ebɔrɛ na.

Nɔmbɛs 27:19

Shin nɛ e yili bɔrɛmatapo Eliaza nɛ jimaŋ na kikɛ be anishito fanɛ esa nɛ e beeŋ sɔ fo so.

Ditɛronɔmi 3:28

Ta mbraana ere n sa Joshuwa. Leŋ mo to nɛ e nya kagbene nɛ kenyɛn, ŋkpal manɛ so, mo e naaŋ juŋkpar basa na nɛ b dii lɔr na n ya chena kasawule nɛ fo wu na so.”

Ditɛronɔmi 31:14

Ade kikɛ be kaman, nɛ Enyɛnpe Ebɔrɛ na kaŋɛ Mosis le: “Fo maaŋ naŋ chɛr nseŋ wu, amoso keta Joshuwa m ba wajɛbu cheembi na to; saŋɛ na so, meeŋ ŋini mo asheŋ ko nɛ e ki Israɛl be ejuŋkparpo. Ndoŋ nna nɛ Mosis nɛ Joshuwa kikɛ yɔ wajɛbu cheembi na to

Ditɛronɔmi 31:23

Kumo be kaman nɛ Enyɛnpe Ebɔrɛ na naŋ kaŋɛ Nun pibinyɛn, Joshuwa, le: “Baa kɔ kenyɛn nseŋ yili fo kagbene kukoŋwule. Ŋkpal manɛ so, ŋ gbagba e naaŋ chɛ fo to nɛ fo tiŋ n juŋkpar Israɛl be basa ere n yɔ kasawule nɛ n nase kumo be kɔnɔ n sa bumo na so.”

Ditɛronɔmi 33:1

Mosis daa la anebi nna, amoso pɔɛŋ nɛ e wu na le nɛ e daŋ nɛfa Israɛl be eyiriana na ŋ kaŋɛ:

1 Timoti 1:18

M pibi Timoti, mee ta asheŋ nɛ ŋ ŋini fo ere nna a bɔla mmalga nɛ anebiana na daŋ wu ŋ kaŋɛ fo asheŋ na so a bɔɔ fo enɔ. Baa ta amo a wɔtɔ fo kagbene to nsaa kɔ yirda nɛ nfɛra lela a ki fo akɔsɔ a kɔ yirda be kena lela na.

1 Timoti 6:13

Ebɔrɛ nɛ e bee sa kusɔ kikɛ ŋkpa nɛ Yesu Kristo nɛ e yili Gomena Pɔnshes Pailat be anishito n ji shɛda lela na be anishito nɛ n yil a kaŋɛ fo fanɛ fo baa nu a sa asɔ nɛ ŋ ŋini fo na kikɛ

2 Timoti 4:1

Ebɔrɛ nɛ Kristo Yesu nɛ e beeŋ ji bumo nɛ baaŋ baa wɔ ŋkpa to nɛ bumo nɛ b wu na demu be anishito nɛ n yil nsaa kpal mbe kenamba na nɛ mbe kuwura na so a kaŋɛ fo fanɛ

2 Timoti 4:6

Ma ere, jemanɛ nɛ baaŋ ta ma n lara sarga na fo nɛ jemanɛ nɛ meeŋ lar durnya ere to na fo n loge.