1 Bewura 19:9 - EBƆRƐ BE KAWƆL

⁹ Kumo be kanyɛso nɛ e yɔ kebeelaŋ to n ya dese a di. Ndoŋ nɛ e wɔ nɛ Enyɛnpe Ebɔrɛ na bishi mo le: “Elaija manɛ nɛ fee wora nfe?”

1 Bewura 19:9 ပူးပေါင်းရင်းမြစ်များ

Jɛnesis 16:8

nseŋ bishi mo: “Heega, Sɛɛrai be kebita, nnɛ nɛ fo shi m ba nfe nɛ nnɛ malɛ nɛ fee yɔ?” Nɛ e kaŋɛ: “Mee shile ashi n chepe Sɛɛrai kutɔ nna.”

Jɛnesis 3:9

Ndoŋ nna nɛ Enyɛnpe Ebɔrɛ tre enyɛn na m bishi mo le: “Fo wɔ nnɛ?”

1 Bewura 19:13

Anebi Elaija ka nu loŋ be ebɔl na nɛ e ta mbe piŋi m buu mbe anishi so nseŋ lar kebeelaŋ na to n ya yili kumo be kabuna to. Ndoŋ nna nɛ Enyɛnpe Ebɔrɛ naŋ bishi mo le: “Elaija manɛ nɛ fee wora nfe?”

Jɛremaya 2:18

Men ka daŋ yɔ Ijipt nɛ Asiriya be efuliana so n ya nuu elɔrgboŋ nɛ baa tre Nail nɛ Yufreetes be nchu na, manɛ nɛ men daa fɛ fanɛ menyeeŋ nya ashi efuliana na so?

Jɛremaya 9:2

N daa yɛlga kenya kakpa ashi keshishɛrsawule so, nɛ n lar ma basa to n ya chena ndoŋ. Ŋkpal manɛ so, bumo kikɛ maŋ kɔ kashenteŋji n sa Ebɔrɛ, bumo alɛ kikɛ la bedebɔrpo nawule nna.

Jona 4:5

Kumo be kaman nɛ Jona lar n ya chena kade na be ekarso ashi epeŋilarkpa be kaba so. E daŋ yuu kubuubi ko nna n chena kumo be kiyoyul to a jo nsaa keni kusɔ nɛ k beeŋ wora kade na to ebi.

Hibruwebi 11:38

Le be basa ere kikɛ, durnya be kelela daa maŋ fo bumo peya so, amoso bumo be beko daa na kiyi to nna nɛ abeeana so nɛ abeelaŋana to nɛ amaŋana to nna.