1 Bewura 19:2 - EBƆRƐ BE KAWƆL

² Ndoŋ nna nɛ Jɛzebel shuŋi fanɛ b ya kaŋɛ Elaija kubɔya ere. E yɛ: “Ta a ba echefo saŋɛ ere so nɛ ŋ ka maŋ wora fo kusɔ nɛ fo wora agbirwuraana ere gbagba n tal to, kumo ere agbir na e mɔ ma.”

1 Bewura 19:2 ပူးပေါင်းရင်းမြစ်များ

2 Samuɛl 19:13

Kumo be kaman nɛ ewura Deevid naŋ kaŋɛ bumo fanɛ b kaŋɛ Amasa malɛ le: “Ŋkpal fo ka la ŋkurgepo so, yili kabre a yɔ, fo e naaŋ ki benapo nɛ Jɔab bee keniso na be enimu. Nɛ m baa maŋ wora loŋ, Ebɔrɛ e bishi ma!”

2 Samuɛl 3:9

Nɛ m baa maŋ chɛ Deevid to nɛ e ji kuwura fanɛ kananɛ Enyɛnpe Ebɔrɛ nase kɔnɔ n sa mo fanɛ e beeŋ sɔ kuwurji na ashi Sɔɔl nɛ mbe kanaŋ kutɔ n sa mo nɛ e ki Israɛl nɛ Juda kikɛ be ewura, yili Dan be kasawule nɛ k wɔ kelargato be esoso na so n ya fo Bɛshiba nɛ k wɔ kelargato be kaseto be kaba so kikɛ na, kumo ere Ebɔrɛ e mɔ ma!”

1 Bewura 2:23

Kede be kaman nɛ Sɔlɔmɔn nase kɔnɔ kpakpaso Enyɛnpe Ebɔrɛ na be anishito ŋ kaŋɛ le: “Nɛ m baa maŋ shin nɛ b mɔ Adonija, kumo ere Ebɔrɛ e gberge ma kusoe ga!

1 Bewura 2:28

Adonija nɛ Jɔab daa chɛ to nɛ e ki ewura, mannɛ Absalɔm, amoso e ka nu fanɛ Adonija wu nɛ e shile n yɔ Enyɛnpe be wajɛbu na ase n ya pɛ bɔrɛsure na be abonfu to be asɔ nɛ a duli alambɛ na to ŋ keta nɛ e kuŋ mbe kumu.

1 Bewura 20:10

E yɛ: “Meeŋ shin nɛ benapo e ba jija fo kade ere nɛ shɛŋ shɛŋ maaŋ naŋ ka ndoŋ. Nɛ ŋ kaa maŋ wora loŋ, kumo ere agbir nɛ mee shuŋ ere e mɔ ma!”

2 Bewura 19:22

Wanɛ nɛ fo daa fɛ fanɛ fee tege nsaa wora eyurto na? Ma, Israɛl be Ebɔrɛ cheembi na nɛ fo daa maa sa bunyaŋ na.

2 Bewura 6:31

Ndoŋ nna nɛ ewura na kaŋɛ le: “Nɛ m baa maŋ shin nɛ b chuge Elaisha be kumu kabre kumo ere Ebɔrɛ e gberge ma kusoe alegaiso.”

Ɛksodɔs 10:28

Ndoŋ nna nɛ ewura Fɛɛro kaŋɛ Mosis le: “Foe ma anishito nfe naniere. Fo alɛ e sa maŋ kaŋ naŋ shin nɛ n wu fo kenishiso kikɛ. Kachɛ kama so nɛ n naŋ wu fo ma anishito, feeŋ wu.”

Ɛksodɔs 15:9

Edompo na daŋ ji njɔŋ nna ŋ kaŋɛ: ‘Meeŋ ju m buu bumo so n ya pɛ bumo nseŋ barga bumo be asɔ to n ta amo nɛ mee sha kikɛ. Meeŋ pee ma tokobi m mɔ bumo.’

Aŋasa 27:1

Sa maa puchi echefoso, ŋkpal manɛ so fo maŋ nyi kananɛ asheŋ beeŋ ba du echefo.

Jɛremaya 20:10

Mee nu ekama ka bee kuli a kaŋɛ le: “Kufugboŋ e sɔ kaplɛkama! Amoso men shin nɛ an potii Jɛremaya n sa benimuana na!” N teri kpakpasoana gba bee jo nna nɛ n wora n da so. Kusɔ nɛ baa kaŋɛ e la fanɛ: “Ashere esa beeŋ tiŋ n fule Jɛremaya nɛ e wora n da so nɛ an nya mo m pɛ ŋ ka mo kukɔ.”

Jɛremaya 26:21

Ewura Jehowakim nɛ mbe benimuana nɛ benapo be bejuŋkparpoana na ka nu kusɔ nɛ anebi Uriya kaŋɛ na, nɛ ewura na wora ania fanɛ e beeŋ mɔ mo. Ama Uriya daŋ nu kumo be asheŋ nseŋ ta kufu n shile n yɔ Ijipt be efuli so.

Danɛl 3:15

Men kaŋ baŋ nu mbel nɛ nlopi nɛ egoji nɛ ejirgo nɛ ejaŋjilaŋ nɛ alaŋsɔ be yiri kikɛ ka bee shu naniere, men jɔŋɛ m bunyaŋ kapɔrduli na. Men baŋ kini, meeŋ shin nɛ b ta menyi kikɛ n lɛ edɛ be kemaŋ chiŋgeliŋ nɛ edɛ bee chɔɔ kumo to wuloŋ wuloŋ nsaa tushi ga na to, nseŋ keni kegbir mo nɛ k beeŋ tiŋ m mɔlga menyi ashi ma enɔ to.”

Ruf be kawɔl 1:17

Kakpa nɛ feeŋ wu, ndoŋ nɛ meeŋ wu nɛ b puli ma ndoŋ. Nɛ mannɛ luwu e naaŋ barga ma nɛ fo to so, kusɔ kama nɛ n naaŋ kpal kumo so n shin nɛ ma nɛ fo barga abar, Enyɛnpe Ebɔrɛ na e bishi ma kɔnɔ ŋkpal loŋ so.”