1 Bewura 19:12 - EBƆRƐ BE KAWƆL

¹² Kasawule be kegbuŋgbuŋ na ka ba choŋ nɛ edɛ malɛ bɛ so ama Enyɛnpe na daa maŋ wɔ edɛ na gba to. Edɛ na ka ba choŋ, nɛ ebɔl fimbi ko kuli mmalga.

1 Bewura 19:12 ပူးပေါင်းရင်းမြစ်များ

Jɛnesis 15:17

Ade kikɛ be kaman epeŋi ka tɔr nɛ kaboŋ biri to nɛ kapuliya nɛ edishi bee lar kumo to nɛ kabulpi suseso ko ba choŋ n lar epul na to m ba bɔla eblaŋ na be nfɛato n choŋ.

1 Bewura 18:38

Epul na to nɛ Enyɛnpe Ebɔrɛ shin nɛ edɛ ba chɔ sarga na nɛ ndibi na nɛ ajembu na nɛ shishɛr na, nɛ nchu nɛ a wɔ kemaŋ nɛ b kur ŋ kulti sarga na kikɛ feeto kuraa.

2 Bewura 1:10

Nɛ Elaija malɛ kaŋɛ le: “Nɛ n la Ebɔrɛ be esa kashenteŋ nna, kumo ere Ebɔrɛ e shin nɛ edɛ e shi esoso m ba chɔɔ fo nɛ fo basa ere kikɛ m mɔ!” Epul to nɛ edɛ shi esoso m ba chɔɔ benapo be enimu na nɛ mbe benapo na kikɛ m mɔ.

2 Bewura 2:11

B ka bee nite a yɔ nsaa malga na epul to nɛ egbaŋɛ nɛ e bee suse edɛ gberge egbaŋɛturko nɛ k bee suse edɛ m ba luri bumo be nferinto nɛ afu gboŋgboŋi lempo ko ba maŋ anebi Elaija so n yɔ ebɔrɛso.

Job be kawɔl 33:7

Amoso, sa maa ŋana ma ŋko kusɔ nɛ meeŋ wora fo.

Job be kawɔl 4:16

Ndoŋ nna nɛ kebuniyoyu na pɛ afu n yili diim, a maŋ naa gbegber to nɛ m pɛshɛ kumo lee, ma alɛ maŋ pin kusɔ nɛ k la. Kumo be kaman nɛ n nu ebɔl ko ka kaŋɛ le:

Ɛksodɔs 3:2

Ndoŋ nɛ Enyɛnpe Ebɔrɛ be malaika lar mo so fanɛ edɛ be adondulombi na ashi kupumbi ko to. Mosis daŋ wu kupumbi na ka bee suse edɛ ama kumo alɛ daa maa chɔɔ a mur.

Ɛksodɔs 34:6

nseŋ choŋ Mosis be anishito ŋ kaŋɛ awɔrso: “Ma e la Enyɛnpetale Ebɔrɛ. Ebɔrɛ nɛ kuwɔrwu bɔlɔ ma to nɛ m maa nya agbo manaŋ manaŋ nɛ ma kasha shi ga nɛ mee yɛ nsaa wora na.

Zakareya 4:6

Kumo be kaman nɛ malaika na kaŋɛ fanɛ n ta Enyɛnpetale Ebɔrɛ na be kubɔya ere n sa Zerubabel. E yɛ: “Feeŋ pɔɔ fo doŋana so ama mannɛ kena to be eleŋ ŋko kuwibi to be eleŋ nɛ feeŋ ta ŋ kɔ m pɔɔ bumo so. Ma Kiyoyu na be eleŋ so nɛ feeŋ ta m pɔɔ so.”

Ashuŋ Shunso 2:2

Epul to nɛ awɔr shi ebɔrɛso ŋ gbri m ba bɔla ebu nɛ b daa tase to na kikɛ to fanɛ afugboŋ ko na.

Ditɛronɔmi 4:15

Ade be kaman, nɛ Mosis naŋ kaŋɛ Israɛlebi na le: “Enyɛnpe Ebɔrɛ na ka daŋ bɔla edɛ na to m malga menyi kutɔ ashi Sainai be kebee na ase na, men daa maŋ wu mbe kapɔr kikɛ kenishiso. Amoso men baa da so

Ditɛronɔmi 4:33

Basa ko malɛ daŋ nu Ebɔrɛ be ebɔl ka shi edɛ to a malga bumo kutɔ fanɛ kananɛ men nu ere nseŋ kraa wɔ ŋkpa to a?

Hibruwebi 12:29

Ŋkpal manɛ so, anyi be Ebɔrɛ na du fanɛ edɛ chɔɔso nna a mur basa.