1 Bewura 18:4 - EBƆRƐ BE KAWƆL

⁴ amoso Jɛzebel ka daa mɔ Enyɛnpe Ebɔrɛ be anebiana na, Obadaya e daŋ ta bumo be basa kalfa n ya ŋana abeelaŋ anyɔ to nsaa sa bumo ajibi nɛ nchu ndoŋ. E daŋ barga bumo to basa adununu nna n wɔtɔ kebeelaŋ kama to.

1 Bewura 18:4 ပူးပေါင်းရင်းမြစ်များ

1 Bewura 13:16

Nɛ anebi nɛ e shi Juda na kaŋɛ le: “M maaŋ tiŋ n tu fo n yɔ, ma alɛ maaŋ tiŋ n tu fo n ji ŋko n tu fo n nuu shɛŋ,

1 Bewura 17:11

Kache na ka bee yɔ nɛ e ya jɔ nchu na m ba, nɛ e naŋ kaŋɛ mo le: “Jande wora n fin ajibi gba n ti so a bar ma.”

1 Bewura 18:13

Fo maŋ nu fanɛ Jɛzebel bee mɔ Enyɛnpe Ebɔrɛ be anebiana na nna a? Ma e daŋ barga bumo be basa kalfa to basa adununu n ya ŋana abeelaŋ to nsaa yɛr ajibi nɛ nchu n ya ka sa bumo na.

1 Bewura 18:5

Obadaya ka ba nɛ ewura Ahab kaŋɛ mo le: “Shin nɛ an yɔ efuli ere be abuye nɛ kumo be ataŋɛ kikɛ to n ya keni anyeeŋ nya afitiri ndoŋ nɛnɛ nɛ anyi be egbaŋɛ nɛ ekurma e baa ji a? Saŋɛ na so an maaŋ mɔ amo be kekama ŋkpal akoŋ so.”

2 Bewura 6:32

Kumo be kaman nɛ e shuŋi kabɔ Elaisha kutɔ nɛ benimu ko malɛ baŋ ba nɛ b ba bɔɔ Elaisha so. Ama pɔɛŋ nɛ kabɔ na e ba na nɛ Elaisha tiŋ ŋ kaŋɛ benimu nɛ b ba nɛ b ba bɔɔ mo so na le: “Emɔpo na shuŋi esa ko fanɛ e ba mɔ ma. E kaŋ ba men ti kukuloŋ n sa maŋ shin nɛ e luri ebu ere to. Ewura na gba yil mbe kaman nna.”

2 Bewura 9:7

Ama a daga fo ka mur ewura Ahab nɛ e la fo nyɛnpe na be laŋ to ebi kikɛ ŋ gberge bumo kusoe ŋkpal mbe eche Jɛzebel ka mɔ mbe anabiana nɛ mbe nyɛrbi so.

Nehemaya 9:26

Ade kikɛ be kaman b kraŋ lar fo kaman nseŋ kini kewora fo mbra kasonu. B daŋ mɔ fo anebiana nɛ b daŋ kpele bumo kusoe fanɛ b bɛta m ba fo kutɔ na nna. Kumo be kaman nɛ b shoduu fo ketre.

Aizaaya 16:3

Le nɛ Mowab be mbɔ na daŋ kaŋɛ Juda be basa na: “Men baa ŋini anyi kusɔ nɛ anyeeŋ baa wora. Men baa kuŋ anyi fanɛ kedibi be kiyoyul kapiidi, nseŋ shin nɛ an chena menyi be kayul to n wushi. An la basa nɛ b shile kena nna a mɔlga anyi be amu. Men ta anyi ŋ ŋana kakpa nɛ esa kikɛ maaŋ wu anyi.

Jɛremaya 26:24

Ade kikɛ be kaman, nɛ kanyɛn nɛ baa tre Ahikam nɛ e la Shafan pibinyɛn na malga ŋ kuŋ Jɛremaya, nɛ b maŋ ta mo n sa basa na nɛ b mɔ.

Jɛremaya 36:19

Ndoŋ nna nɛ benimuana na kaŋɛ Baruk le: “A daga fo nɛ Jɛremaya ka ya ŋana kakpa nɛ esa kikɛ maaŋ pin menyi be asheŋ.”

Matiu 21:35

Ndoŋ nna nɛ paawuraana na nyaŋ mbe anya na m bri ede, m mɔ ede malɛ nseŋ kpa ede malɛ ajembu m mɔ.

Matiu 25:35

Ŋkpal manɛ so, akoŋ daa kɔ ma nna nɛ men sa ma ajibi, achukoŋ daa kɔ ma nna nɛ men sa ma kusɔnuuso, n daa la efɔ nna nɛ men sɔ ma.

Matiu 25:40

Nɛ ma, Ewura na e kaŋɛ le: ‘Ma e kaŋɛ menyi kashenteŋto na fanɛ, kusɔ kama nɛ men daŋ wora n sa ŋ kurgepobi ere be ekama, ma nɛ men daŋ wora n sa na.’

Hibruwebi 11:38

Le be basa ere kikɛ, durnya be kelela daa maŋ fo bumo peya so, amoso bumo be beko daa na kiyi to nna nɛ abeeana so nɛ abeelaŋana to nɛ amaŋana to nna.