1 Bewura 18:31 - EBƆRƐ BE KAWƆL

³¹ Kede be kaman nɛ e ta ajembu kuduanyɔ nɛ amo be kekama yili n sa Jeekɔb, nɛ Enyɛnpe Ebɔrɛ na nase ketre Israɛl na, be mbinyɛnsobi kuduanyɔ na be ekama.

1 Bewura 18:31 ပူးပေါင်းရင်းမြစ်များ

Jɛnesis 32:28

Ndoŋ nna nɛ kanyɛn na kaŋɛ Jeekɔb le: “Yili kabre mbaanaayɔ fo ketre maaŋ naŋ ji Jeekɔb, k ki Israɛl, ŋkpal fo nɛ Ebɔrɛ nɛ edimɛdi ka kɔ nɛ fo pɔɔ so so.”

Jɛnesis 32:29

Kumo be kaman nɛ Jeekɔb kule mo fanɛ e ti mbe ketre ŋ ŋini mo. Nɛ kanyɛn na kaŋɛ: “Manɛ nɛ fee sha ma ketre nɛ fo wora?” Kumo be kaman nɛ e nɛfa Jeekɔb.

Jɛnesis 33:20

Ndoŋ nɛ e pɔr bɔrɛsure m bunyaŋ Israɛl be Ebɔrɛ na nseŋ nase kumo Ɛl Elohi Israɛl.

Jɛnesis 35:10

ŋ kaŋɛ: “Fo ketre e la Jeekɔb, ama b maaŋ naa tre fo Jeekɔb. Fo ketre e la Israɛl naniere.”

2 Bewura 17:34

B kraa kɔ loŋ be edaŋkaresheŋ na to hale kabre. B maa shuŋ Enyɛnpe Ebɔrɛ na; bumo alɛ maŋ naa bɛ mbe mbra nɛ e ta n sa Jeekɔb nɛ e chɛrga mbe ketre ŋ ki Israɛl na nɛ mbe kaman to ebi na so.

Ɛzra 6:17

Kachɛ nɛ b ta bɔrɛlambu na m bɔɔ Ebɔrɛ enɔ na, egbolu kalfa nɛ ekpakpa alfa anyɔ nɛ mbolpɔ alfa ana nɛ b ta n lara sarga n sa Ebɔrɛ. B daŋ mɔ mboe kudu anyɔ nna n lara sarga ŋ kule alubi be ketampaŋ n sa Israɛl be nnaŋ kudu anyɔ na kikɛ.

Ɛksodɔs 24:4

Ndoŋ nna nɛ Mosis sibɛ Enyɛnpe Ebɔrɛ be mmalga na kikɛ n nase. Kare ka chɛ kachipurdidi nɛ e wule ŋ koso n ya yuu bɔrɛsure ashi kebee na be kaseto nseŋ ta ajembu tenteŋ kuduanyɔ n yuu nɛ a yili n sa Israɛlebi be eyiri kuduanyɔ na.

Aizaaya 48:1

Israɛl be basa, men nu nfe! Menyi nɛ men la an nananyɛn Jeekɔb be kanaŋ to ebi nseŋ shi Juda be yiri to na nɛ n de na. Menyi e naa ta Enyɛnpe Ebɔrɛ na be ketre a bɔ ntaŋ nsaa kaŋɛ fanɛ menyi ere bee shuŋ Israɛl be Ebɔrɛ na nna, ama k maŋ la kashenteŋ nɛ k shi menyi be ŋgbene to.

Jɛremaya 31:1

Enyɛnpe Ebɔrɛ na yɛ: “Jemanɛ ko bee ba nɛ m baa la Israɛl be eyiriana na kikɛ be Ebɔrɛ, nɛ bumo alɛ e baa la ma basa.

Ezikɛl 47:13

Ade kikɛ be kaman, nɛ Enyɛnpetale Ebɔrɛ na naŋ kaŋɛ Israɛl be basa na le: “Kananɛ kasawule nɛ menyeeŋ chige to n sa Israɛl be eyiri kudu anyɔ na be egbaŋ daga fanɛ a baa du nde. Josɛf be eyiri anyɔ nɛ baa tre Manase nɛ Efrayim na beeŋ nya mboŋ anyɔ.

Ɛfesesebi 2:20

Men du fanɛ egbal be kaba nna nɛ kumo be kifi la beshuŋipo nɛ anebiana na, nɛ Kristo Yesu malɛ gbagba la kumo be gbaltɔlase.

Joshuwa 4:20

Ndoŋ nna nɛ Joshuwa koli ajembu kuduanyɔ nɛ b tise ashi Jɔɔdan be lɔr na to na n deŋi abar so ashi Gilgaal,

Kelaraŋŋini 21:12

Kade na daa kɔ egbal gboŋgboŋi ko nna nsaa kɔ mbuna kuduanyɔ nɛ emalaika kuduanyɔ yil a keni amo so. B daŋ sibɛ Israɛl be nnaŋ kuduanyɔ na be ekama be ketre nna n deŋi kabuna kama so.