1 Bewura 18:3 - EBƆRƐ BE KAWƆL

³ nɛ ewura Ahab shuŋi n tre Obadaya nɛ e daa keni ewura be laŋ so na. Obadaya daa shuŋ Ebɔrɛ kashenteŋto nna,

1 Bewura 18:3 ပူးပေါင်းရင်းမြစ်များ

Jɛnesis 22:12

Nɛ malaika na kaŋɛ: “Sa maŋ kaŋ mɔ kebia na. Naniere m pin fo ka bee sha ma Ebɔrɛ, ŋkpal manɛ so, fo maŋ mɔn ma fo pibinyɛn koŋwule nɛ fee sha ga na.”

Jɛnesis 24:10

Kede be kaman nɛ kayɛrbi na lara mo nyɛnpe be enyɔma kudu nseŋ ta ŋkɛ lela be yiri yiri ashi mo nyɛnpe kutɔ m pɛ ekpa a yɔ Nahɔɔ be kade nɛ k wɔ Mɛsopoteemia na.

Jɛnesis 24:2

Kachako nɛ Eebraham kaŋɛ mbe kayɛrbi nimuso nɛ e daa keni mbe kusɔ kikɛ nyam so na le: “Ta fo enɔ n wɔtɔ ma kebembi be kaseto m bɔ ntaŋ n nase kɔnɔ kpakpaso

Jɛnesis 39:9

Kenimu be kaplɛa so, esa kama maŋ chɔ ma laŋ ere to. N nyɛnpe maa mɔn ma shɛŋ shɛŋ laŋ ere to ama fo nawule nɛ e maŋ ta m bɔɔ ma enɔ, ŋkpal manɛ so, mbe eche e la fo. To, nɛ nuso nɛ meeŋ tiŋ n nya kagbene kpakpaso n wora le be kulubi ŋ gbiti Ebɔrɛ?”

Jɛnesis 41:40

Kumo be kaman nɛ e kaŋɛ: “Fo nɛ meeŋ ta ŋ ki ma ebɛsopo nɛ fo baa keni ma kowu kikɛ so nɛ ma basa kikɛ e baa nu a sa fo. Ma kuwura ere be eyilikpa be eleŋ be kaplɛa so nawule nɛ meeŋ baa chɔ fo.”

Jɛnesis 42:18

Kumo be kachɛ sasopo nɛ Josɛf kaŋɛ bumo le: “Mee ŋana Ebɔrɛ nna, amoso men wora kesheŋ nɛ mee shin nɛ ŋ kaŋɛ menyi ere nseŋ nya men be amu.

1 Bewura 16:9

Kanyɛn ko nɛ baa tre Zimri nɛ e daa la ewura Ela be benimuana na be eko nsaa keni mbe egbaŋɛturkoana be bargato so na daŋ kre keyamɔ ewura Ela nna. Kachako nɛ Ela yɔ Arza nɛ e bee keni ewura be laŋ to so na pe ashi Tiiza n ya nuu nsa m boo.

1 Bewura 18:12

Ŋ kaŋ lar fo kutɔ, m maŋ nyi kakpa nɛ Enyɛnpe Ebɔrɛ na be kiyoyu beeŋ ta fo n yɔ. Ŋ kaŋ ya kaŋɛ Ahab fanɛ fo wɔ nfe, nɛ e maŋ wu fo nfe, e beeŋ mɔ ma. Baa nyiŋi fanɛ n fara a bunyaŋ Ebɔrɛ saŋɛ so nɛ n la kebifɔlbi kikɛ nna.

1 Bewura 18:2

Ndoŋ nna nɛ Elaija pɛ ekpa n yɔ nɛ e ya wu ewura Ahab. Kumo be jemanɛ so nɛ akoŋgboŋ tɔr Samɛria be kade to,

2 Bewura 4:1

Kachako nɛ ekulpoche nɛ e la anebiana na be katuŋ to be eche na yɔ Elaisha kutɔ n ya kaŋɛ mo le: “N nyɛnpe, ma kul wu nna. Fo alɛ nyi e ka daa la esa nɛ e kɔ kabɔrɛŋana ga. Naniere esa ko nɛ e paŋ amansherbi a maŋ tiŋ ŋ ka na, ba nɛ e ba keta ma mbinyɛnsobi anyɔ.”

Nehemaya 5:15

Egomena kama nɛ b juŋkpar na daa tɔrɔ basa na nna ga. B daa sɔ gbiti be ndarbi adena nna a tɔ ajibi nɛ asɔnuuso karechɛ kikɛ nna. Bumo be nyɛrbi gba daa tɔrɔ basa na nna, ama ŋkpal ma ere ka bee ŋana Ebɔrɛ na so nɛ ma kebaawɔtɔ daa kɔr bumo to na.

Nehemaya 7:2

Basa anyɔ nɛ n daŋ lara fanɛ b baa la benimu nsaa keni Jerusalɛm be kadegboŋ na so. Bumo e la n sipo Hanani nɛ Hananiya nɛ e la enapo nimuso nɛ e bee keni kakpa lempo na so na. Ŋkpal manɛ so, Hananiya la esa nɛ feeŋ tiŋ n yirda nna, mo alɛ nseŋ naa kɔ kabɔrɛŋana a chɔ basa damta.

Job be kawɔl 28:28

Kumo be kaman nɛ e kaŋɛ edimɛdi le: “Kanyiasheŋ e la keta bunyaŋ gboŋ n sa ma, Enyɛnpe Ebɔrɛ na. Nɛ kelar alubi to malɛ la asheŋ be kepin to.”

Nshɛ 112:1

Men kpaŋ Enyɛnpe Ebɔrɛ na awɔrso! Kagbenefuli la bekama nɛ baa bunyaŋ Enyɛnpe Ebɔrɛ na nsaa wora mbe mbraana kasonu kagbenefuliso na peya nna.

Aŋasa 14:26

Esa kama nɛ e bee ŋana Ebɔrɛ, mo nɛ mbe mbia beeŋ nya Ebɔrɛ be kekuŋ.

Malakai 3:16

Ndoŋ nna nɛ bekama nɛ baa ŋana Enyɛnpe Ebɔrɛ na bee malga kumo be asheŋ nɛ Enyɛnpe na nu kusɔ nɛ b kaŋɛ na kikɛ nseŋ shin nɛ b sibɛ bumo nɛ baa ŋana mo nsaa sa mo bunyaŋ na be atre n wɔtɔ kawɔl to n nase kanyiŋi so.

Matiu 10:28

Men sa maa ŋana basa nɛ baa kaa tiŋ a mɔ men be eyur ere ŋkaa maaŋ naŋ tiŋ m mɔ men be ayoyu na. Esa nɛ e daga kaŋana e la emo nɛ e beeŋ tiŋ n jija esa be eyur nɛ mbe kiyoyu kikɛ ashi Setani be edɛ to.

Matiu 25:17

Loŋ koŋwule nɛ emo nɛ e daŋ nya ebɔtɛ anyɔ na gba daŋ wora n nya ebɔtɛ anyɔ n ti so.

Ashuŋ Shunso 10:2

E daŋ chɛ Juwebi be betirpo to ga nseŋ daa kule Ebɔrɛ saŋkama.

Ashuŋ Shunso 10:35

Esa kama nɛ e bee ŋana mo nsaa wora asɔ nɛ a bee bɔla ekpa nɛ e bee sɔ.