1 Bewura 18:18 - EBƆRƐ BE KAWƆL

¹⁸ Nɛ anebi Elaija malɛ kaŋɛ le: “M maŋ la esa nɛ mee ku asheŋ. Fo nɛ fo tuto e naa ku asheŋ, nseŋ kini kebaanu a sa Enyɛnpe Ebɔrɛ nsaa shuŋ Baal be kegbir na.

1 Bewura 18:18 ပူးပေါင်းရင်းမြစ်များ

1 Bewura 16:31

Mannɛ alubi nɛ Nebat pibinyɛn Jeroboam wora na nawule be yiri nɛ Ahab daŋ wora ama e daŋ wora amo nɛ a maŋ walɛ kekeni gba nna hale n ta Sidɔn be kade to be ewura Ɛfbaal pibiche Jɛzebel ŋ ki mbe eche nsaa shuŋ bumo be kegbir nɛ baa tre Baal na gba.

1 Bewura 16:32

Ahab daŋ pɔr kegbir nɛ baa tre Baal na be lambu nna nseŋ pɔr bɔrɛsure n wɔtɔ kumo to ashi Samɛria.

1 Bewura 21:25

Esa kama daa maŋ wɔtɔ loŋ be jemanɛ na nɛ kulubi bee wora mo ebel a chɔ ewura Ahab. Mbe eche Jɛzebel malɛ e daŋ shin nɛ e ki loŋ.

1 Bewura 21:26

Alubi nɛ a maŋ walɛ kekeni nɛ e daŋ wora, ŋkpal e ka daa shuŋ agbir fanɛ kananɛ Amɔriebi nɛ Enyɛnpe Ebɔrɛ daŋ ju dra dra kasawule na so pɔɛŋ nɛ Israɛlebi na ba sɔ kumo na daa shuŋ na so.

1 Bewura 9:9

Nɛ basa e kaŋɛ le: ‘Ŋkpal b ka kini Enyɛnpe bumo be Ebɔrɛ nɛ e lara bumo nanaana ashi Ijipt be kasawule so na, nseŋ ya kaa bunyaŋ efuli pɔtɛana so be agbir so nɛ Enyɛnpe Ebɔrɛ shin nɛ le be asheŋ ere ba bumo so na.’ ”

2 Kronikɛls 15:2

nɛ e yɔ ewura Asa kutɔ n ya kaŋɛ mo le: “Ewura Asa nɛ Juda nɛ Bɛnjamin be basa, men kikɛ e nu nfe! Men baa nu a sa Enyɛnpe Ebɔrɛ na, mo alɛ beeŋ baa wɔ menyi kutɔ saŋkikɛ. Men baa fin mo, menyeeŋ wu mo, ama nɛ men baŋ pal kaman n sa mo bre, mo alɛ beeŋ yige menyi to.

2 Kronikɛls 28:19

Ŋkpal Juda be ewura Ahaz ka daŋ maŋ wora Enyɛnpe Ebɔrɛ na kasonu nseŋ yige mbe basa nɛ baa wora alubi so nɛ Enyɛnpe na daŋ bar le be etɔrɔ Juda be efuli so na.

Aŋasa 11:19

Esa kama nɛ e yili mbe kagbene to fanɛ e beeŋ wora kelela beeŋ ji efute tenteŋ, ama esa kama nɛ e yili mbe kagbene to fanɛ e beeŋ wora alubi bre maaŋ ji efute n chɛr kikɛ.

Aŋasa 13:21

Kumu lubi e ju a buu alubiworapoana so, ama basa nɛ baa wora asheŋ niŋiso bre be kakɔka la kumulela nna.

Aŋasa 28:4

Basa nɛ baa wora a da mbra so e naa ji a chɛ belubiworapo to. Basa nɛ baa bɛ mbra so bre maa sha belubiworapo be asheŋ.

Aŋasa 5:22

Esa lubi be alubi du fanɛ kegba, nɛ mo gbagba bee kilgi a tɔr to nɛ k bee pɛ mo nna.

Aizaaya 3:11

Ama asheŋ maaŋ nyalɛ n sa basa lubi na bre. Kusɔ nɛ b ta n wora basa ko na e naaŋ wora bumo alɛ gba naniere.

Jɛremaya 2:13

Ŋkpal manɛ so, ma basa wora kulubi ekpa ntuŋnyɔ so. B kini ma nseŋ shile ma nɛ mee sa ŋkpa na be nchu nna, nseŋ ya kur amaŋ nɛ nchu maa yili amo to a chɛr a fin nchu.

Jɛremaya 2:19

Menyi gbagba be asheŋ lubi e naŋ gberge menyi kusoe, nɛ menyi be kekini ma malɛ ji m bri menyi. Saŋɛ na so nɛ men pin fanɛ men be kekini kebaaji kashenteŋ a sa ma, Enyɛnpe menyi be Ebɔrɛ na bee besa nsaa maŋ walɛ. Ma Enyɛnpetale Ebɔrɛ e kaŋɛ na.”

Jɛremaya 23:13

N daŋ wu ekishisheŋ nɛ Samɛria be kadegboŋ na to be anebiana wora. B daa malga a sa basa ashi kegbir nɛ baa tre Baal na be ketre to nna, a shin nɛ ma basa bee foe ekpa.

Jɛremaya 38:4

Ndoŋ nna nɛ ewurkpa be ekrachi na yɔ ewura kutɔ n ya kaŋɛ mo le: “Kanyɛn ere daga luwu. Kananɛ e bee malga ere beeŋ tiŋ n shin nɛ esoji na e pɔ aba nsaa maŋ naa kɔ kenyɛn. Kumo kesheŋ koŋwule na nɛ e bee wora ekama nɛ e wɔ kadegboŋ na to na. Mannɛ fanɛ basa na be kechɛto so nɛ e bee wora loŋ, ama e bee tɔrɔ bumo nna na.”

Ezikɛl 3:8

Ŋkpal loŋ so, meeŋ shin nɛ fo kusoe nɛ kagbene e baa du kpakpa fanɛ bumo peya.

Matiu 14:4

Le nɛ Jɔn kabɔrɛbɛrpo daa kaŋɛ Hɛrɔd: “K maŋ daga fo ka ta fo sipo Filip be eche.”

Ashuŋ Shunso 24:13

Bumo alɛ maŋ kɔ shɛŋ nɛ b ta ŋ ŋini fo fanɛ asheŋ nɛ baa malga ere la kashenteŋ nna.

Ashuŋ Shunso 24:20

Ŋko fo shin nɛ basa ere e kaŋɛ fo kulubi nɛ b wu ma so, saŋɛ nɛ n daŋ yili nshɛrwuraana na kutɔ na.

Ditɛronɔmi 31:16

Kumo be kaman nɛ Enyɛnpe Ebɔrɛ na kaŋɛ Mosis le: “Fo maaŋ naŋ chɛr nseŋ wu. Fo alɛ be luwu be kaman basa na maaŋ naa ji kashenteŋ a sa ma nseŋ lar kɔnɔkoŋwule be ŋkre nɛ ma nɛ bumo kre na to. Baaŋ lar ma kaman n ya kaa shuŋ nnyamase be agbirana nɛ a wɔ kasawule nɛ baa yɔ na so.

1 Samuɛl 14:29

Nɛ Jonatan kaŋɛ le: “Nuso be asheŋ nɛ n tuto bar m ba sa anyi be basa le! Ma ere ka baŋ ji mushoŋ na gbrɛbi nɛ n naaŋ nya eleŋ!