1 Bewura 18:12 - EBƆRƐ BE KAWƆL

¹² Ŋ kaŋ lar fo kutɔ, m maŋ nyi kakpa nɛ Enyɛnpe Ebɔrɛ na be kiyoyu beeŋ ta fo n yɔ. Ŋ kaŋ ya kaŋɛ Ahab fanɛ fo wɔ nfe, nɛ e maŋ wu fo nfe, e beeŋ mɔ ma. Baa nyiŋi fanɛ n fara a bunyaŋ Ebɔrɛ saŋɛ so nɛ n la kebifɔlbi kikɛ nna.

1 Bewura 18:12 ပူးပေါင်းရင်းမြစ်များ

1 Bewura 18:11

Kashenteŋto, fee sha fanɛ n ya kaŋɛ n nyɛnpe fanɛ anebi Elaija wɔ nfe a?

2 Bewura 2:11

B ka bee nite a yɔ nsaa malga na epul to nɛ egbaŋɛ nɛ e bee suse edɛ gberge egbaŋɛturko nɛ k bee suse edɛ m ba luri bumo be nferinto nɛ afu gboŋgboŋi lempo ko ba maŋ anebi Elaija so n yɔ ebɔrɛso.

2 Bewura 2:16

ŋ kaŋɛ le: “Anyi basa adunu e ba nfe, anyi alɛ kikɛ kɔ eleŋ. Shin nɛ an ya fin fo nyɛnpe. Ashere Enyɛnpe Ebɔrɛ na be kiyoyu maŋ mo so nna n ya lɛ kebeegboŋ ko so ŋko ketaŋɛ ko to.” Nɛ Elaisha kaŋɛ le: “M-m, men sa maŋ yɔ.”

2 Kronikɛls 34:3

Josaya ka ji kuwura be kafɛ burwasopo to, jemanɛ nɛ e kra la kabrantiɛfɔlbi na, nɛ e fara a bunyaŋ mo nananyɛn ewura Deevid be Ebɔrɛ na. Mbe kuwurji be kafɛ kuduanyɔsopo to, nɛ e fara a jija mboŋ nɛ nnyamase bee shuŋ bumo be agbir, nɛ kegbirche Ashira be mpɔrduli nɛ agbir nɛ b shɛl, nɛ amo nɛ b ŋalga asɔ n wora na kikɛ ashi Juda be efuli so nɛ Jerusalɛm to.

Nshɛ 71:5

O Enyɛnpetale Ebɔrɛ, fo e la ma tama kikɛ, ma kebifɔlbi to kikɛ nɛ n ta yirda n deŋi fo so.

Aŋasa 8:13

Enyɛnpe Ebɔrɛ be kesa bunyaŋ e la alubi be kekishi. Kamoowu nɛ ŋkpensheŋ, nɛ asheŋ lubi nɛ efɛ be mmalga maa par Ebɔrɛ kikɛ.

Kaŋinichiŋgeliŋ 7:18

Baa nite teteri a yɔ. Fo baa kɔ bunyaŋ a sa Ebɔrɛ asheŋ beeŋ nyalɛ n sa fo.

Aizaaya 50:10

Asheŋ beeŋ tiŋ ŋ ki kpakpa n sa menyi nɛ menyee bunyaŋ Enyɛnpe Ebɔrɛ nsaa wora mbe kenya kasonu na. Ama men yirda Enyɛnpe Ebɔrɛ n ta menyi be amu n to mo so.

Ezikɛl 11:24

Nɛ Ebɔrɛ be Kiyoyu ta ma m bɛta m ba basa nɛ ma nɛ bumo daa wɔ Babilɔn be efuli so na kutɔ ashi bɔrɛdare na to. Ndoŋ nna nɛ bɔrɛdare nɛ n daa ku na loge,

Ezikɛl 37:1

Saŋko ka fo nɛ Enyɛnpe Ebɔrɛ na be eleŋgboŋ na gbelge ma so nɛ mbe Kiyoyu ta ma ŋ gbelge to n yɔ ketaŋɛ ko to nɛ awibi sɔ kaplɛkama a dese.

Ezikɛl 8:3

Nɛ k teŋi kusɔ ko to fanɛ enɔ na m pɛ ma emin to. Ndoŋ nna nɛ Ebɔrɛ be Kiyoyu maŋ ma so awɔlto ashi bɔrɛdare to n ta ma n yɔ Jerusalɛm to n ya yili bɔrɛlambu na be epunto be kelɔnɛ na be kabuna nɛ k bee laŋɛ kelargato be esoso be kaba so be kakpa nɛ basa na ta kegbir nɛ k bee shin nɛ Ebɔrɛ be kagbene bee kaa ga na n yili na.

Matiu 2:16

Ewura Hɛrɔd ka pin fanɛ epeŋilarkpa be kasawule so be befɔ na fule mo nna nɛ agbo pɛ mo ga nɛ e sa ekpa ŋ kaŋɛ fanɛ b mɔ Bɛtlɛhɛm to nɛ ndoŋ be kasawule na so kikɛ to be mbinyɛnsobi nɛ b daŋ fo nfɛ anyɔnyɔ nɛ bumo nɛ b daa maŋ naŋ fo loŋ na kikɛ nyam. Ewura Hɛrɔd daŋ sa le be mbra ere nna fanɛ b mɔ mbia nɛ b fo nɛ bumo nɛ b daa maŋ naŋ fo nfɛ anyɔnyɔ na nna ŋkpal e ka daŋ bishi befɔ na wulo to m pin saŋɛ nɛ kechɛkpabi na daŋ lar na so.

Matiu 4:1

Ndoŋ nna nɛ Kiyoyu na shin nɛ Yesu yɔ kiyi to nɛ alubipo na e ya chɔ mo ŋ keni.

Luuk 1:15

Ŋkpal manɛ so, e beeŋ ba kaa la esagboŋ Enyɛnpe be anishito. Yili jemanɛ nɛ e wɔ mo nio be epun to, Kiyoyu Cheeŋ na e naaŋ bɔlɔ mo to. E ba koso e maaŋ nuu nsa be yiri kikɛ.

Ashuŋ Shunso 12:19

Nɛ Hɛrɔd sa kɔnɔ fanɛ basa e fin mo, nɛ b fin mo ŋ gben. Nɛ e shin nɛ b bishi bekumpo na mbe asheŋ nɛnɛ nseŋ shin nɛ b mɔ bumo. Kumo be kaman nɛ Hɛrɔd shi Jerusalɛm n yɔ Sizariya n ya wora nchɛnnyɔ ndoŋ.

Ashuŋ Shunso 8:39

B ka bee lar nchu na to nɛ Enyɛnpe be Kiyoyu na ba ta Filip ndoŋ nɛ krachigboŋ na maŋ naŋ wu mo nseŋ la to m pɛ ekpa a yɔ nɛ kagbenefuli.

2 Timoti 3:15

Baa nyiŋi kananɛ fo kebiato kikɛ nɛ fo pin abɔrɛsibɛ cheembi nɛ a beeŋ tiŋ n sa fo kanyiasheŋ nɛ k beeŋ tiŋ n shin nɛ fo bɔla keyirda Kristo Yesu so n nya kumɔlga na.

1 Samuɛl 16:2

Nɛ Samuɛl kaŋɛ le: “M baŋ wora loŋ nɛ Sɔɔl nu, e beeŋ mɔ ma!” Nɛ Enyɛnpe Ebɔrɛ kaŋɛ mo: “Ta kenabi a yɔ n ya kaŋɛ fanɛ fo ba nna nɛ fo ba lara sarga n sa Enyɛnpe Ebɔrɛ.

1 Samuɛl 2:18

Le be saŋɛ so kikɛ nɛ kebinyɛnsobi Samuɛl bee shuŋ Enyɛnpe Ebɔrɛ na nna, nsaa buu kabɔrɛmata be piŋi nɛ baa tre ɛfɔd na.

1 Samuɛl 2:26

Saŋkama malɛ Samuɛl daŋ baa daŋ eyurto nna a ti so nsaa nya kasha ashi Enyɛnpe Ebɔrɛ nɛ basa kikɛ kutɔ.