1 Bewura 18:10 - EBƆRƐ BE KAWƆL

¹⁰ Enyɛnpe fo Ebɔrɛ na be ketre so nɛ mee kaŋɛ fo na fanɛ ewura Ahab nite durnya ere be kaplɛkama a fin fo. Efuli kama malɛ nɛ b fin fo n yɔ, nɛ kumo be ewura kaŋɛ fanɛ e maŋ wu fo mbe efuli so, ewura Ahab bee shin nɛ e bɔ nna fanɛ e maŋ wu fo kashenteŋto.

1 Bewura 18:10 ပူးပေါင်းရင်းမြစ်များ

1 Bewura 1:29

Nɛ e kaŋɛ mo le: “Ŋkpal Ebɔrɛ nɛ e wɔ ŋkpa to na ka lara ma ashi etɔrɔ kikɛ to so,

1 Bewura 17:1

Anebi Elaija nɛ e shi Tishbe nɛ k wɔ Giliad be kasawule so na daŋ yɔ ewura Ahab kutɔ kachako nna n ya kaŋɛ mo le: “Enyɛnpe nɛ e la Israɛl be Ebɔrɛ nsaa wɔ ŋkpa to saŋkikɛ nɛ mee shuŋ na be ketre to nɛ mee kaŋɛ na fanɛ bɔrɛ ŋko bunyaŋ maaŋ tɔr n ya fo nfɛnyɔ ŋko nfɛ asa ama ma e baŋ kaŋɛ k ba pɔɛŋ nɛ k ba.”

1 Bewura 17:12

Ndoŋ nna nɛ kache na kaŋɛ le: “Enyɛnpe fo Ebɔrɛ na be ketre to, m maŋ kɔ ajibi kikɛ ma laŋ to. Kusɔ nɛ m baa kɔ kikɛ e la nyifu enɔ be bɔlɔ nɛ a wɔ cheenshi to nɛ ɔlif be ŋku gbrɛ. M ba nfe nna nɛ m ba kil ndibi n ya daŋɛ kusɔ kama nɛ ŋ kɔ, nɛ ma nɛ ma kebia e ji. Kumo e naaŋ baa la anyi be lalaloge be ajibi nɛ anyeeŋ ji nseŋ wu.”

1 Bewura 17:5

Ndoŋ nna nɛ anebi Elaija wora Enyɛnpe Ebɔrɛ kasonu, nseŋ ya kaa wɔ Cheriff be kabombi na ase.

1 Bewura 17:9

“Yɔ kade nɛ baa tre Zarefaat nɛ k mata Sidɔn be kade na n ya ka wɔ ndoŋ ŋkpal manɛ so ŋ kaŋɛ ekulpoche ko nɛ e wɔ ndoŋ fanɛ e baa sa fo ajibi.”

1 Bewura 18:11

Kashenteŋto, fee sha fanɛ n ya kaŋɛ n nyɛnpe fanɛ anebi Elaija wɔ nfe a?

1 Bewura 18:15

Ndoŋ nna nɛ anebi Elaija kaŋɛ le: “Enyɛnpetale Ebɔrɛ nɛ mee shuŋ ere be ketre to, meeŋ yɔ n ya wu ewura Ahab kabre.”

1 Bewura 18:9

Nɛ Obadaya kaŋɛ le: “Manɛ nɛ n wora fo nɛ fee sha keta ma n wɔtɔ asheŋ to nɛ Ewura Ahab e mɔ ma?

1 Bewura 2:24

Enyɛnpe Ebɔrɛ na bɛ mbe kɔnɔ nɛ e nase fanɛ e beeŋ ta Israɛl be kuwurji n sa ma nɛ ma kaman to ebi na so n ta ma ŋ ki ewura n chena n tuto ewura Deevid be kuwurputi na so. Enyɛnpe Ebɔrɛ nɛ e wɔ ŋkpa to na be ketre to, Adonija beeŋ paŋ mbe ŋkpa kabre kikɛ!”

1 Bewura 22:14

Ama le nɛ anebi Mikaya daŋ kaŋɛ: “Kusɔ nɛ Enyɛnpe Ebɔrɛ nɛ e wɔ ŋkpa to na kaŋɛ ma nɛ meeŋ kaŋɛ!”

Nshɛ 10:2

Ŋkpensheŋ e luri m bɔlɔ basa lubi to nɛ baa fin bebɔlpo nɛ b baa tɔrɔ saŋkama. Shin nɛ b tɔr ajigbelɛ nɛ bumo gbagba sho na to.

Nshɛ 31:20

Fee kuŋ bumo ashi basa nɛ baa kre bumo ŋkre lubi be enɔ to nna, nsaa ta bumo a gelge katege nɛ asheŋ nɛ bedoŋ bee ku a deŋi bumo.

Nshɛ 91:1

Esa kama nɛ e shile n ya mata Enyɛnpetale Ebɔrɛ na e naŋ nya mbe kekuŋ.

Jɛremaya 36:19

Ndoŋ nna nɛ benimuana na kaŋɛ Baruk le: “A daga fo nɛ Jɛremaya ka ya ŋana kakpa nɛ esa kikɛ maaŋ pin menyi be asheŋ.”

Jɛremaya 36:26

Kumo be kaman nɛ e ponte mo pibinyɛn, Jeramiil nɛ Azriɛl pibinyɛn, Seraiya nɛ Abdiil pibinyɛn Selemaiya so fanɛ b ya pɛ ma, anebi Jɛremaya nɛ ma esibɛpo, Baruk. Ama Enyɛnpe Ebɔrɛ na daŋ ta anyi nna ŋ ŋana.

Baru lela nɛ Jɔn kute na 8:59

E ka malga le ere nɛ b ta ajembu nɛ b kpa mo nɛ e ŋana mbe kumu nseŋ bɔl basa na to n lar bɔrɛlambu na to.

1 Samuɛl 23:23

Men lege to n fin mboŋ kama nɛ e bee kaa shile a ŋana na nseŋ ba kaŋɛ ma. Saŋɛ na so ma nɛ menyi beeŋ fin mo. E baa wɔ efuli ere so bre men nya mo. Hale nɛ meeŋ keni Juda be efuli so kikɛ gba n fin mo nna meeŋ wora loŋ.”

1 Samuɛl 29:6

Ndoŋ nna nɛ Akish tre Deevid ŋ kaŋɛ mo le: “Israɛl be Ebɔrɛ nɛ e wɔ ŋkpa to na be ketre so, fee ji kashenteŋ a sa ma. N daa beeŋ ba sha fanɛ ma nɛ fo kikɛ ka ya kɔ kena ere. Baŋ yili kachɛ nɛ fo ba ŋ kutɔ na hale m ba fo kabre, ma ere maŋ wu kulubi kikɛ fo so. Ama bewura nɛ b ka na bre kikɛ maa sha fo ka yɔ kena na to.