1 Bewura 17:22 - EBƆRƐ BE KAWƆL

²² Ndoŋ nna nɛ Enyɛnpe Ebɔrɛ na nu anebi Elaija be kabɔrɛkule na nseŋ shin nɛ kebia na naŋ fara a fute.

1 Bewura 17:22 ပူးပေါင်းရင်းမြစ်များ

1 Bewura 17:23

Nɛ anebi Elaija ta kebia na ŋ gbelge to m ba kuchoŋi na be kaseto m ba sa mo nio nseŋ kaŋɛ mo le: “Fo kebia na naŋ nya ŋkpa!”

2 Bewura 13:21

Kachako, Israɛl be esa ko ka wu nɛ b ya kaa puli mo, nseŋ wu Mowabebi be benapo nɛ baa ta kena a purgi na be katuŋ ko ka bee ba nɛ b ta ebuni na n lɛ anebi Elaisha be kejembu laŋ be nchaŋ to nseŋ shile. Ebuni na ka baŋ beta anebi Elaisha be awibi, nɛ e tiŋi epul na to.

Luuk 7:14

Kumo be kaman nɛ e yɔ n ya beta deka nɛ ebuni na daa wɔ to na nɛ basa nɛ b daŋ sulɔ ebuni na yili. Nɛ Yesu kaŋɛ: “Kabrantiɛbia, ma e kaŋɛ fo na: Niŋi to.”

Luuk 8:54

Nɛ Yesu ya pɛ kebichebi na be enɔ to nseŋ kaŋɛ awɔrso: “Kebia, niŋi to.”

Baru lela nɛ Jɔn kute na 11:43

Yesu ka malga le n loge nɛ e tre awɔrso ŋ kaŋɛ: “Lazɔrɔs, lar m ba!”

Ashuŋ Shunso 20:12

Ndoŋ nna nɛ b keta kabrantiɛbia na ŋkpa to n yɔ epe. Bumo be ŋgbene daŋ fuli bumo ga ŋkpal loŋ so.

Romebi 14:9

Loŋ so nɛ Kristo na wu nseŋ naŋ lar luwu to m ba na, saŋɛ na so e beeŋ baa la basa nɛ b wu nɛ bumo nɛ b kraa wɔ ŋkpa to be Enyɛnpe.

Ditɛronɔmi 32:39

N nawule kpeŋ e la Ebɔrɛ. Ebɔrɛ kikɛ maŋ naa wɔtɔ n ti ma so. Ma e naa shin nɛ luwu bee ba, ma koŋwule na e naa sa ŋkpa. Ma e naa bar doro, ma alɛ e naa chɛ edoro. Esa maaŋ tiŋ ŋ kuŋ kusɔ kama nɛ mee wora akpa.

Hibruwebi 11:35

Ŋkpal yirda so, beche ko be bubuni daŋ tiŋi ashi luwu to nna n sa bumo. Le be basa ere be beko daŋ kini kesɔ kamooji be kebaawɔtɔ nna nseŋ shuli n shin nɛ b tɔrɔ bumo, saŋɛ na so baaŋ ba tiŋi luwu to n luri ŋkpa nɛ k bɔ na to.

Kelaraŋŋini 11:11

Nchɛ nsa nɛ bargato na be kaman nɛ ŋkpa be efute shi Ebɔrɛ kutɔ m ba luri bumo to nɛ b niŋi to nɛ kufu pɛ basa na be ekama nɛ e wu bumo na ga.

1 Samuɛl 2:6

Fo Enyɛnpe Ebɔrɛ na e naa sa basa ŋkpa, nseŋ naa tiŋ a sɔ kumo; fo e naa shin nɛ basa bee yɔ nchaŋ to nseŋ naa tiŋ a bɛta bumo a ba ŋkpa to.