1 Bewura 17:18 - EBƆRƐ BE KAWƆL

¹⁸ Ndoŋ nna nɛ ekulpoche na kaŋɛ anebi Elaija le: “Ebɔrɛ be esa, manɛ nna nɛ fo wora ma le? Fo ba nfe nna nɛ fo ba kaŋɛ Ebɔrɛ alubi nɛ n wora saŋɛ na so ma kebia beeŋ wu a?”

1 Bewura 17:18 ပူးပေါင်းရင်းမြစ်များ

Jɛnesis 44:16

Ndoŋ nna nɛ Juda kaŋɛ: “To, naniere, manɛ nɛ an naa kɔ nɛ an kaŋɛ fo, an nyɛnpe? Manɛ nɛ anyeeŋ naŋ tiŋ ŋ kaŋɛ ŋko manɛ nɛ anyeeŋ naŋ tiŋ n wora ŋ ŋini fanɛ anyi maŋ tɔr kapɔŋ? Ebɔrɛ shin nɛ fo anya be alubi di efuli, amoso naniere an ki fo anya, anyi nɛ emo nɛ b wu kusɔnuunchu na mbe kusɔ to na kikɛ.”

Jɛnesis 50:15

Jeekɔb be luwu na be kaman nɛ Josɛf mo daana na kaŋɛ abar le: “Shere an tuto ka wu ere, Josɛf beeŋ kishi anyi nseŋ wora anyi n tal alubi nɛ an daŋ wora mo na kikɛ nyam to.”

Jɛnesis 50:17

‘Men kaŋ wora, men kule Josɛf alubi be ketampaŋ ŋ kaŋɛ: Jande, ta fo daana be alubi nɛ b wora fo na kikɛ m paŋ bumo.’ Amoso, anyee kule fo nna fanɛ fo ta m paŋ anyi nɛ an la fo tuto be Ebɔrɛ be anya na.” Josɛf ka nu bumo be kubɔya na nɛ e shu.

2 Samuɛl 16:10

Nɛ ewura na kaŋɛ Abishai nɛ mo da Jɔab: “Nnɛ nɛ k nya menyi! Nɛ fanɛ Enyɛnpe Ebɔrɛ na e kaŋɛ mo fanɛ e sho ma kɔnɔ, wanɛ malɛ e wɔtɔ nɛ e tiŋ m bishi kusɔ nɛ k ba nɛ e wora loŋ?”

2 Samuɛl 19:22

Ama Deevid daŋ kaŋɛ Abishai nɛ mo da Jɔab nna le: “Menyi e naa ŋini ma kusɔ nɛ meeŋ wora a? Ŋko asheŋ nɛ menyee sha nɛ men fin n sa ma a? Naniere bre, ma e la Israɛl kikɛ be ewura, ma alɛ maa sha fanɛ b mɔ Israɛl be esa kikɛ kabre.”

1 Bewura 12:22

Ama Enyɛnpe Ebɔrɛ na daŋ kaŋɛ anebi Shemaya na fanɛ,

1 Bewura 13:1

Kachako nɛ ewura Jeroboam wɔ bɔrɛsure na ase a lara sarga ashi Bɛtɛl nɛ Enyɛnpe Ebɔrɛ yili Juda n shuŋi anebi ndoŋ.

1 Bewura 17:17

K maŋ chɛr nɛ kulɔ pɛ ekulpoche na be kebia na, nɛ e wu.

1 Bewura 17:19

Ndoŋ nna nɛ anebi Elaija kaŋɛ mo le: “Ta kebia na m bar ma.” Nɛ e ta kebia na m ba sa Elaija nɛ Elaija ta mo n dii n yɔ kuchoŋi be esoso be ebu nɛ e wɔtɔ na to, n ya nase kakpa nɛ e bee dese na,

1 Bewura 18:9

Nɛ Obadaya kaŋɛ le: “Manɛ nɛ n wora fo nɛ fee sha keta ma n wɔtɔ asheŋ to nɛ Ewura Ahab e mɔ ma?

1 Bewura 20:28

Nɛ anebi na yɔ ewura Ahab kutɔ n ya kaŋɛ mo le: “Enyɛnpe Ebɔrɛ yɛ, ŋkpal Siriyaebi ka kaŋɛ fanɛ n la abee so be ebɔrɛ nna nsaa maŋ tre ma kepla so be ebɔrɛ na so, meeŋ shin nɛ men kɔ m pɔɔ bumo be benapo damta ere so nɛ fo nɛ fo basa e pin fanɛ ma e la Enyɛnpe na kashenteŋto.”

2 Bewura 1:9

Nseŋ shuŋi benapo be enimu nɛ benapo adunu epul to fanɛ b ya bar anebi Elaija. Nɛ benapo be enimu na ya wu Elaija nɛ e tase kebee be esoso nseŋ kaŋɛ mo le: “Ebɔrɛ be esa, ewura yɛ, fo gbelge m ba, e bee sha k kewu fo.”

2 Bewura 3:13

Nɛ Elaisha kaŋɛ Israɛl be ewura na le: “Manɛ nɛ ma nɛ fo kɔ nɛ mee chɛ fo to? Yɔ n ya bishi efuli pɔtɛana so be agbir nɛ fo tuto nɛ fo nio bee yɔ amo kutɔ n ya ka sɔ nfɛra na.” Nɛ ewura Joram kaŋɛ: “M-m, Enyɛnpe Ebɔrɛ na e bar anyi bewura asa ere nɛ anyi be benapo nfe nɛ Mowab be ewura e kɔ m pɔɔ anyi so.”

2 Kronikɛls 35:21

nɛ ewura Neeko ta le be kubɔya ere n sa ewura Josaya. E yɛ: “Juda be ewura, fo kɔnɔ maŋ ti kena nɛ mee kɔ ere so. Mannɛ fo nɛ m ba nɛ m ba kɔ, ndoŋana nɛ m ba nɛ m ba kɔ nɛ Ebɔrɛ kaŋɛ ma fanɛ n wora loŋ manaŋ. Ebɔrɛ wɔ ma kaman, amoso sa maŋ kuŋ ma akpa, nɛ mannɛ aloŋ e beeŋ mur fo.”

Job be kawɔl 13:23

Jande, ŋini ma alubi nɛ n wora, nɛ m pin amo kikɛ.

Job be kawɔl 13:26

Asheŋ lubi nɛ e maaŋ daga kuraa na, hale amo nɛ n wora ma kebia to kikɛ nɛ fo ta a deŋi ma so.

Nɔmbɛs 5:15

kumo ere, k daga enyɛn na ka keta eche na nseŋ ta aboyunyifu kurwa koŋwule n ti so n yɔ bɔrɛmatapo kutɔ n ya sulge eche na so. Ama a maŋ daga e ka ta ɔlif be ŋku ŋko duwu n ti amo so, ŋkpal manɛ so, kukɔrkɔ be kesulge be sarga nna.

Matiu 8:29

B ka baŋ wu Yesu epul na to nɛ b boŋ to ŋ kaŋɛ: “Ebɔrɛ Pibinyɛn, manɛ nɛ fee fin anyi to? Fo ba nna nɛ fo ba tɔrɔ anyi pɔɛŋ nɛ kachɛ na gbagba e fo a?”

Maak 5:7

“Yesu, Ebɔrɛ Enyɛnpetale Pibinyɛn, manɛ nɛ fee fin ma to? Ebɔrɛ so, mee kule fo nna, sa maŋ tɔrɔ ma.”

Maak 6:16

Hɛrɔd ka nu kumo nɛ e kaŋɛ: “Jɔn kabɔrɛbɛrpo nɛ n shin nɛ b ku mbe kumu na e naŋ tiŋi luwu to na.”

Luuk 4:34

“Hei, Nazarɛt be Yesu manɛ nɛ fee fin anyi kutɔ? Fo ba nna nɛ fo ba mur anyi a? N nyi fo. Fo e la Ebɔrɛ be Esa cheembi na!”

Luuk 5:8

Saimɔn Pita ka wu asheŋ nɛ a wora na kikɛ nɛ e ya gbir Yesu be anishito nseŋ kaŋɛ: “Enyɛnpe, yige ma, ŋkpal manɛ so, n la alubiworapo nna.”

Luuk 8:28

E ka wu Yesu nɛ e boŋ to eleŋso nseŋ ba gbir mbe anishito nseŋ malga awɔrso m bishi: “Yesu, Ebɔrɛ Enyɛnpetale Pibinyɛn, manɛ nɛ fee fin ma to? Mee kule fo nna, sa maŋ tɔrɔ ma.”

Baru lela nɛ Jɔn kute na 2:4

Nɛ Yesu kaŋɛ: “Kache manɛ, fee sha keŋini ma asheŋ be kewora nna a? Ma saŋɛ maŋ naŋ fo.”

Demujipoana 13:6

Ndoŋ nna nɛ kache na yɔ mo kul kutɔ n ya kaŋɛ mo le: “Ebɔrɛ be esa ko ba ma kutɔ nna. E duli Ebɔrɛ be malaika nna nɛ mbe asheŋ bee keta ma kufu. N daa maŋ bishi mo kakpa nɛ e shi, mo alɛ daa maŋ kaŋɛ ma mbe ketre.

1 Samuɛl 16:4

Ndoŋ nna nɛ Samuɛl wora kusɔ nɛ Enyɛnpe Ebɔrɛ kaŋɛ fanɛ e wora na nseŋ yɔ Bɛtlɛhɛm, nɛ ndoŋ be benimuana na ba mo kutɔ m ba kaa chicha kufuso, nseŋ bishi le: “Kagbenewushi so nɛ fo ba ere a?”