1 Bewura 17:16 - EBƆRƐ BE KAWƆL

¹⁶ Ŋkpal kɔnɔ nɛ Enyɛnpe Ebɔrɛ daŋ bɔla anebi Elaija so n nase na so, nyifu nɛ a wɔ katishaŋ na to na daa maŋ loge nɛ ŋku nɛ a daa wɔ kɔlba na to na gba daa maŋ loge.

1 Bewura 17:16 ပူးပေါင်းရင်းမြစ်များ

1 Bewura 13:5

Nɛ bɔrɛsure na bureto nɛ kumo be nsunɔ na franyaŋ to fanɛ kananɛ anebi na kaŋɛ ashi Enyɛnpe Ebɔrɛ be ketre to na gbagba.

1 Bewura 16:12

Zimri daŋ mɔ Baasha be kanaŋ kikɛ nna, nɛ kusɔ nɛ Enyɛnpe Ebɔrɛ daŋ bɔla anebi Jehu so n fiɛ Baasha so ŋ kaŋɛ na bɔla so.

1 Bewura 17:15

Ndoŋ nna nɛ ekulpoche na ya wora kusɔ nɛ anebi Elaija kaŋɛ mo na gbagba chap, amoso mo nɛ mbe kebia na nɛ Elaija nya ajibi yɛlyɛla so a ji nchɛ damta.

1 Bewura 17:17

K maŋ chɛr nɛ kulɔ pɛ ekulpoche na be kebia na, nɛ e wu.

1 Bewura 22:38

Kepa nɛ k wɔ Samɛria nɛ esakale bee bɛr kumo to na nɛ b daŋ ya fɔr ewura Ahab be gbaŋɛturko na be ŋklaŋ na n wɔtɔ. Nɛ njɔnɔ dente mbe ŋklaŋ nɛ a wurge kasawule na n ji nɛ kusɔ nɛ Enyɛnpe Ebɔrɛ kaŋɛ na bɔlɔ so chap.

2 Bewura 1:17

Amoso ewura Ahaziya daŋ wu nna, nɛ kusɔ nɛ Enyɛnpe Ebɔrɛ bɔla anebi Elaija so ŋ kaŋɛ na bɔlɔ so. Ahaziya daa maŋ kɔ mbinyɛnsobi amoso e ka wu mo sipo Joram e daŋ sɔ mo so n ji kuwura jemanɛ nɛ Jehoshafat pibinyɛn Jehoram daŋ ji Juda be kuwura be kafɛ nyɔsopo to na.

2 Bewura 5:14

B ka kaŋɛ loŋ na nɛ Neeman yɔ Jɔɔdan be lɔr na to n ya muni kumo to ale shunu nɛ mbe keboti na kikɛ yɔ fanɛ kananɛ anebi Elaisha kaŋɛ na gbagba chap. Nɛ mbe kayurwule nyalɛ so a du fanɛ kebibi be kayurwule.

Matiu 19:26

Ndoŋ nna nɛ Yesu keni bumo nseŋ kaŋɛ le: “Nyiŋgbasa bre kutɔ loŋ maaŋ tiŋ n wora, ama shɛŋ shɛŋ maŋ du Ebɔrɛ so kpakpa.”

Matiu 26:7

nɛ kache ko keta amansherbi damta be tulale dufɛso ko be kɔlba lelabi m ba luri. Ndoŋ nna nɛ e ta tulale na n chulgi n wurge Yesu be kumu so.

Luuk 1:37

Ŋkpal manɛ so, kusɔ kama maŋ wɔtɔ nɛ Ebɔrɛ maaŋ tiŋ n wora.”

Luuk 1:45

Fo ka yirda fanɛ Ebɔrɛ be kubɔya nɛ e bar fo na beeŋ bɔla ekpa na so so nɛ e nɛfa fo kagbenefuliso nna.”