1 Bewura 17:13 - EBƆRƐ BE KAWƆL

¹³ Ndoŋ nna nɛ anebi Elaija kaŋɛ le: “Sa maa fɔŋ, fo ere e yɔ n ya daŋɛ fo ajibi ama, pɔɛŋ nɛ fo daŋɛ amo na, ya daŋɛ fo ajibi nɛ fo kɔ na be gbrɛbi m bar ma pɔɛŋ, kumo be kaman nɛ fo daŋɛ amo nɛ a ka na nɛ fo nɛ fo kebia na e ji.

1 Bewura 17:13 ပူးပေါင်းရင်းမြစ်များ

Jɛnesis 26:24

Kumo be kamɔnchɛ be kanyɛso nɛ Enyɛnpe na lar mo so ŋ kaŋɛ mo: “Ma e la fo tuto Eebraham be Ebɔrɛ na, sa maa lɔ kufu, ŋkpal manɛ so, n wɔ fo kutɔ. Meeŋ nɛfa fo nseŋ shin nɛ fo kaman to ebi e wora keshi ŋkpal ma kenya Eebraham so.”

1 Bewura 17:12

Ndoŋ nna nɛ kache na kaŋɛ le: “Enyɛnpe fo Ebɔrɛ na be ketre to, m maŋ kɔ ajibi kikɛ ma laŋ to. Kusɔ nɛ m baa kɔ kikɛ e la nyifu enɔ be bɔlɔ nɛ a wɔ cheenshi to nɛ ɔlif be ŋku gbrɛ. M ba nfe nna nɛ m ba kil ndibi n ya daŋɛ kusɔ kama nɛ ŋ kɔ, nɛ ma nɛ ma kebia e ji. Kumo e naaŋ baa la anyi be lalaloge be ajibi nɛ anyeeŋ ji nseŋ wu.”

1 Bewura 17:14

Ŋkpal manɛ so, kusɔ nɛ Enyɛnpe Israɛl be Ebɔrɛ na kaŋɛ nde: ‘Nyifu maaŋ loge katishaŋ na to kikɛ ŋku malɛ gba maaŋ loge kɔlba na to kikɛ hale n ya fo kachɛ nɛ Enyɛnpe Ebɔrɛ beeŋ shin nɛ bɔrɛ e ba.’ ”

2 Bewura 6:16

Nɛ Elaisha kaŋɛ mo: “Sa maa lɔ kufu, benapo nɛ b wɔ an kutɔ chɔ bumo nɛ wu ere.”

2 Kronikɛls 20:17

Mannɛ menyi e naŋ kɔ kena ere. Menyi ere e bela ase a yil. Menyeeŋ wu kananɛ Enyɛnpe Ebɔrɛ na beeŋ kɔ m pɔɔ so n sa menyi. Juda nɛ Jerusalɛmebi, men sa maa lɔ kufu. Men lar n yɔ kena na to, Enyɛnpe Ebɔrɛ beeŋ ba wɔ menyi kutɔ!”

Ɛksodɔs 14:13

Ndoŋ nna nɛ Mosis kaŋɛ basa na: “Men sa maa lɔ kufu, men leŋ men be amu to. Menyeeŋ wu kumɔlga nɛ Enyɛnpe Ebɔrɛ beeŋ bar menyi kabre. Ijiptebi mo nɛ men wu kabre ere, men maaŋ naŋ wu bumo kikɛ.

Aŋasa 3:9

Baa ta fo kanya nɛ fo sososo be adɔjibi a bunyaŋ Enyɛnpe Ebɔrɛ na.

Aizaaya 41:10

Amoso men sa maa lɔ kufu. Ma nɛ menyi e wɔtɔ! Ma e la menyi be Ebɔrɛ. Men sa maŋ shin nɛ kufu e pɛ menyi nɛ men baa chicha! Meeŋ sa menyi eleŋ nseŋ chɛ menyi to. Ma alɛ beeŋ kuŋ menyi nseŋ mɔlga menyi.

Aizaaya 41:13

Ma e la Enyɛnpe menyi be Ebɔrɛ na. Ma e wɔtɔ menyi eleŋ nsaa kaŋɛ, ‘Men sa maa lɔ kufu; meeŋ chɛ menyi to.’ ”

Malakai 3:10

Men ta menyi be kudukudusopo kikɛ m ba Enyɛnpe Ebɔrɛ be lambu to, saŋɛ na so ajibi damta beeŋ baa wɔ ndoŋ. Men wora ma ŋ keni, nɛ m bugi Ebɔrɛso be etokuro n chulgi enɛfa be yiri yiri alegaiso n sa menyi nɛ menyi maaŋ nya kakpa gba n yili amo.

Matiu 10:37

Esa kama malɛ nɛ e bee sha mo tuto nɛ mo nio a chɔ ma maŋ daga e ka la meya. Ekama malɛ nɛ e bee sha mo pibinyɛnso ŋko mo pibicheso a chɔ ma maŋ daga e ka la meya.

Matiu 28:5

Ndoŋ nna nɛ malaika na kaŋɛ beche na le: “Men sa maa lɔ kufu, ŋkpal manɛ so, n nyi men ka bee fin Yesu nɛ b daŋ gbir m mata kedibi largato so na.

Matiu 6:33

Amoso men ta Ebɔrɛ be kuwura na nɛ mbe alelasheŋ be kasha n juŋkpar men be kebaawɔtɔ to nɛ e shin nɛ men nya asɔ na kikɛ n ti so.

Ashuŋ Shunso 27:24

‘Pɔɔl, sa maa lɔ kufu. A daga fanɛ fo ya yili Romebi be ewurgboŋ na be anishito. Ŋkpal Ebɔrɛ malɛ nɛ mbe kelela so, basa nɛ fo nɛ bumo wɔ nchu so be enite ere to ere be ekama maaŋ mur.’

Hibruwebi 11:17

Yirda so nɛ Eebraham daŋ ta Aizek a shin nɛ e lara sarga n sa Ebɔrɛ saŋɛ nɛ b daŋ wora mo ŋ keni na. Mo alɛ nɛ Ebɔrɛ daŋ ta mbe nnɔ nasesoana n sa, ama e daŋ shuli fanɛ e beeŋ ta mo pibi koŋwule na m mɔ n lara sarga.

1 Pita 1:7

Le be kechɔŋkeni ere bee ba menyi so nna nɛ a ba keni ŋko menyi be yirda na kɔ eleŋ a. Men baa nyi fanɛ hale shuwa nɛ k bee jija ere gba, baa kaa ta edɛ a wora kumo a keni. To, loŋ koŋwule na e daga fanɛ men be yirda mo nɛ k chɔ shuwa na gba, b ka chɔ kumo ŋ keni ŋko k beeŋ tiŋ n yili a. Saŋɛ na so baaŋ di menyi epaŋ nseŋ sa menyi kemaŋkura nɛ bunyaŋ kacha nɛ Ebɔrɛ beeŋ lara Yesu Kristo ŋ ŋini na.