1 Bewura 17:12 - EBƆRƐ BE KAWƆL

¹² Ndoŋ nna nɛ kache na kaŋɛ le: “Enyɛnpe fo Ebɔrɛ na be ketre to, m maŋ kɔ ajibi kikɛ ma laŋ to. Kusɔ nɛ m baa kɔ kikɛ e la nyifu enɔ be bɔlɔ nɛ a wɔ cheenshi to nɛ ɔlif be ŋku gbrɛ. M ba nfe nna nɛ m ba kil ndibi n ya daŋɛ kusɔ kama nɛ ŋ kɔ, nɛ ma nɛ ma kebia e ji. Kumo e naaŋ baa la anyi be lalaloge be ajibi nɛ anyeeŋ ji nseŋ wu.”

1 Bewura 17:12 ပူးပေါင်းရင်းမြစ်များ

Jɛnesis 21:15

Deŋkeŋ na to be nchu na ka loge ashi kiyi na to nɛ Heega ta kebia na n ya nase kupumbi ko ase.

Jɛnesis 21:16

Kumo be kaman nɛ e yɔ anishito fanɛ ayadra alfa asa n ya chena, a fɛ mbe kumu to le: “M maaŋ tiŋ n yili ŋ keni ma kebia nɛ e wu.” E ka tase ndoŋ na nɛ keboltofinfiŋ pɛ mo nɛ mbe anishichubi fara a wurge.

2 Samuɛl 15:21

Nɛ Ittai kaŋɛ ewura na le: “Yiramu, ŋkpal Enyɛnpe Ebɔrɛ nɛ e la ma shɛdajipo na so, kaplɛkama nɛ fee yɔ, hale nɛ k la luwu to nna gba, ma nɛ fo beeŋ yɔ.”

1 Bewura 17:1

Anebi Elaija nɛ e shi Tishbe nɛ k wɔ Giliad be kasawule so na daŋ yɔ ewura Ahab kutɔ kachako nna n ya kaŋɛ mo le: “Enyɛnpe nɛ e la Israɛl be Ebɔrɛ nsaa wɔ ŋkpa to saŋkikɛ nɛ mee shuŋ na be ketre to nɛ mee kaŋɛ na fanɛ bɔrɛ ŋko bunyaŋ maaŋ tɔr n ya fo nfɛnyɔ ŋko nfɛ asa ama ma e baŋ kaŋɛ k ba pɔɛŋ nɛ k ba.”

1 Bewura 17:11

Kache na ka bee yɔ nɛ e ya jɔ nchu na m ba, nɛ e naŋ kaŋɛ mo le: “Jande wora n fin ajibi gba n ti so a bar ma.”

1 Bewura 17:13

Ndoŋ nna nɛ anebi Elaija kaŋɛ le: “Sa maa fɔŋ, fo ere e yɔ n ya daŋɛ fo ajibi ama, pɔɛŋ nɛ fo daŋɛ amo na, ya daŋɛ fo ajibi nɛ fo kɔ na be gbrɛbi m bar ma pɔɛŋ, kumo be kaman nɛ fo daŋɛ amo nɛ a ka na nɛ fo nɛ fo kebia na e ji.

Jɛremaya 14:18

M baŋ yɔ kupuŋ to, mee wu benyɛn nɛ b wu kena to a dese nna. Ma alɛ naŋ luri nde to, mee wu basa nɛ akoŋ bee mɔ nna. Ama anebiana nɛ bɔrɛmatapoana na bre kraa shuŋ bumo be ashuŋ nna, a maŋ nyi kusɔ nɛ k bee wora gba.”

Jɛremaya 4:2

kumo ere menyeeŋ tiŋ n ta ma ketre n nase nnɔ. Kumo be kaman nɛ efuliana na be basa e kpaŋ ma nɛ ma alɛ e nɛfa bumo.”

Jɛremaya 5:2

Menyee kaŋɛ fanɛ Enyɛnpe Ebɔrɛ na nɛ menyee shuŋ, ama kumo alɛ maŋ shi menyi be ŋgbene to.

Nfabel 4:9

Bumo nɛ b daŋ wu kena to na bɔ bumo nɛ akoŋ mɔ na. Ŋkpal b ka maŋ nya ajibi nɛ b ji so, akoŋ shin nɛ b ji awurfoŋ nna hale n ya wu.

Matiu 26:7

nɛ kache ko keta amansherbi damta be tulale dufɛso ko be kɔlba lelabi m ba luri. Ndoŋ nna nɛ e ta tulale na n chulgi n wurge Yesu be kumu so.

1 Samuɛl 14:39

Ŋkpal Enyɛnpe Ebɔrɛ nɛ e bee shin nɛ Israɛlebi bee kɔ a pɔɔ so na ka la ma shɛdajipo so, esa kama nɛ e wora kulubi daga luwu nna, hale nɛ k ba fanɛ m pibinyɛn Jonatan gba e wora kumo.” Ama esa kama daa maŋ kaŋɛ shɛŋ.

1 Samuɛl 14:45

Ama le nɛ basa na daŋ kaŋɛ Sɔɔl: “Jonatan nɛ e kɔ kena m pɔɔ so n sa Israɛl be efuli ere e daga luwu a? Loŋ maaŋ wora kikɛ, ŋkpal manɛ so, an teŋ nase kɔnɔ Enyɛnpe Ebɔrɛ nɛ e la anyi be shɛdajipo na be anishito fanɛ Jonatan be kemin gba maaŋ tia, ŋkpal manɛ so, Ebɔrɛ e chɛ mo to nɛ e wora kusɔ nɛ e wora kabre ere.” Amoso basa na e daŋ mɔlga Jonatan nɛ e maŋ luri luwu to.

1 Samuɛl 20:21

Kumo be kaman nɛ n shuŋi ma kayɛrbi fanɛ e ya fin atanyembi na. Nɛ ŋ kaŋ baŋ kaŋɛ mo le: “Keni atanyembi na e dese fo anishito na, ta amo,” kumo ere shɛŋ maaŋ wora fo nna na, feeŋ tiŋ n lar a ba. Enyɛnpe Ebɔrɛ na e la ma shɛdajipo fanɛ shɛŋ maaŋ wora fo.

1 Samuɛl 20:3

Ama le nɛ Deevid daŋ kaŋɛ: “Fo tuto gba nyi kananɛ fee sha ma ga, amoso nɛ e yili kumo fanɛ e maaŋ kaŋɛ fo kusɔ nɛ e kre na, saŋɛ na so fo kagbene maaŋ jija fo ga. Fo nɛ Ebɔrɛ e la ma shɛdajipo fanɛ ma nɛ luwu maŋ naa wɔ kufɔ!”

1 Samuɛl 25:26

Enyɛnpe Ebɔrɛ na e shin nɛ fo maŋ wora n tal fo doŋana to m mɔ bumo, ama Enyɛnpe Ebɔrɛ nɛ e la ma shɛdajipo na be ketre to, fo doŋana nɛ basa nɛ baa sha ketɔrɔ fo na kikɛ beeŋ nya kasogberge fanɛ kananɛ fee sha kegberge Nabaal kusoe ere.

1 Samuɛl 26:10

Enyɛnpe Ebɔrɛ nɛ e la ma shɛdajipo ere be ketre to, n nyi fanɛ mo ere Enyɛnpe Ebɔrɛ na gbagba beeŋ shin nɛ Sɔɔl e wu saŋɛ ŋko kachɛ nɛ e yili n sa mo ŋko n shin nɛ b mɔ mo kena to.