1 Bewura 17:1 - EBƆRƐ BE KAWƆL

¹ Anebi Elaija nɛ e shi Tishbe nɛ k wɔ Giliad be kasawule so na daŋ yɔ ewura Ahab kutɔ kachako nna n ya kaŋɛ mo le: “Enyɛnpe nɛ e la Israɛl be Ebɔrɛ nsaa wɔ ŋkpa to saŋkikɛ nɛ mee shuŋ na be ketre to nɛ mee kaŋɛ na fanɛ bɔrɛ ŋko bunyaŋ maaŋ tɔr n ya fo nfɛnyɔ ŋko nfɛ asa ama ma e baŋ kaŋɛ k ba pɔɛŋ nɛ k ba.”

1 Bewura 17:1 ပူးပေါင်းရင်းမြစ်များ

1 Bewura 17:12

Ndoŋ nna nɛ kache na kaŋɛ le: “Enyɛnpe fo Ebɔrɛ na be ketre to, m maŋ kɔ ajibi kikɛ ma laŋ to. Kusɔ nɛ m baa kɔ kikɛ e la nyifu enɔ be bɔlɔ nɛ a wɔ cheenshi to nɛ ɔlif be ŋku gbrɛ. M ba nfe nna nɛ m ba kil ndibi n ya daŋɛ kusɔ kama nɛ ŋ kɔ, nɛ ma nɛ ma kebia e ji. Kumo e naaŋ baa la anyi be lalaloge be ajibi nɛ anyeeŋ ji nseŋ wu.”

1 Bewura 17:2

Kede be kaman nɛ Enyɛnpe Ebɔrɛ kaŋɛ Elaija le:

1 Bewura 18:1

Saŋɛ so nɛ ewule tɔr na be kafɛ sasopo to, nɛ Enyɛnpe Ebɔrɛ kaŋɛ anebi Elaija le: “Ta fo kumu n ya ŋini ewura Ahab pɔɛŋ nɛ n shin nɛ bɔrɛ e ba.”

1 Bewura 18:10

Enyɛnpe fo Ebɔrɛ na be ketre so nɛ mee kaŋɛ fo na fanɛ ewura Ahab nite durnya ere be kaplɛkama a fin fo. Efuli kama malɛ nɛ b fin fo n yɔ, nɛ kumo be ewura kaŋɛ fanɛ e maŋ wu fo mbe efuli so, ewura Ahab bee shin nɛ e bɔ nna fanɛ e maŋ wu fo kashenteŋto.

1 Bewura 18:15

Ndoŋ nna nɛ anebi Elaija kaŋɛ le: “Enyɛnpetale Ebɔrɛ nɛ mee shuŋ ere be ketre to, meeŋ yɔ n ya wu ewura Ahab kabre.”

1 Bewura 22:14

Ama le nɛ anebi Mikaya daŋ kaŋɛ: “Kusɔ nɛ Enyɛnpe Ebɔrɛ nɛ e wɔ ŋkpa to na kaŋɛ ma nɛ meeŋ kaŋɛ!”

1 Bewura 8:35

Fo baaŋ pɛ bɔrɛ ŋ keta ŋkpal fo basa ka wora kulubi ŋ gbiti fo so nɛ b chɛrga nseŋ kilgi bumo be anishito n shoŋi bɔrɛlambu ere nseŋ bar bumo be amu ase ŋ kule fo,

2 Bewura 1:3

Ndoŋ nna nɛ Enyɛnpe Ebɔrɛ be malaika kaŋɛ anebi Elaija nɛ e shi Tishbe na fanɛ e ya shɛr Ewura Ahaziya be mbɔ na to nseŋ bishi bumo le: “Manɛ nna nɛ menyee yɔ Ekrɔn nɛ men ya wu kegbir nɛ baa tre Baalzebɔb na? Menyee fɛ nna fanɛ Ebɔrɛ kikɛ maŋ wɔ Israɛl be efuli so nɛ men ya wu mo a?

2 Bewura 3:14

Nɛ Elaisha malɛ kaŋɛ le: “Nɛ mannɛ Enyɛnpetale Ebɔrɛ nɛ e wɔ ŋkpa to nɛ mee shuŋ mo ere be ketre so, nɛ bunyaŋ nɛ ŋ kɔ a sa Juda be ewura Jehoshafat so n daa maaŋ malga fo kutɔ gba.

2 Bewura 4:38

Ade be kaman nɛ Elaisha bɛta n yɔ Gilgaal nɛ akoŋgboŋ ko tɔr ndoŋ. E ka bee ŋini anebiana be katuŋ ko, nɛ e kaŋɛ mbe kayɛrbi fanɛ e ta kapuliya gboŋgboŋi n wora nyɔto n sa bumo.

2 Bewura 5:16

Nɛ Elaisha malɛ kaŋɛ le: “Enyɛnpe Ebɔrɛ nɛ mee shuŋ nɛ e wɔ ŋkpa to ere so, maaŋ sɔ kakɛ ere.” Ndoŋ nna nɛ Neeman mata mo so fanɛ e sɔ kakɛ na nɛ e kini.

2 Bewura 5:20

nɛ anebi Elaisha be kayɛrbi Gehazi fɛ mbe kumu to le: “Manɛ nna nɛ n nyɛnpe yige Siriya be kanyɛn ere nɛ e bee yɔ jiga loŋ? K daŋ daga e ka sɔ kakɛ nɛ e bar mo na. Enyɛnpe Ebɔrɛ nɛ e wɔ ŋkpa to ere so meeŋ ju m buu mo so n ya sɔ kusɔ ko mo kutɔ.”

2 Kronikɛls 21:12

Kachako nɛ Anebi Elaija sibɛ kawɔl n sa ewura Jehoram a kaŋɛ mo le: “Enyɛnpe Ebɔrɛ nɛ e la fo nananyɛn ewura Deevid be Ebɔrɛ na yɛ fo maŋ wora nɛnɛ ŋkpal fo ka maŋ bɛ fo tuto ewura Jehoshafat nɛ fo nananyɛn ewura Asa be ekpa so na so.

2 Kronikɛls 6:26

Fo baaŋ pɛ bɔrɛ ŋ keta ŋkpal fo basa ka wora kulubi ŋ gbiti fo so nɛ b baaŋ tuba nseŋ kilgi bumo be anishito n shoŋi bɔrɛlambu m bar bumo be amu ase ŋ kule fo,

Job be kawɔl 12:15

Ebɔrɛ e naa pɛ bɔrɛ nɛ ewule bee yili, mo alɛ naŋ shin nɛ bɔrɛ ba ga, nchu bee sɔ kaplɛkama nna n jija kasawule.

Aizaaya 49:18

Keni ŋ kulti fo! Feeŋ wu fo basa ka bɛta a ba epe. Ma, Enyɛnpe Ebɔrɛ ka baa wɔtɔ ere bre, feeŋ baa puchi fo basa so nsaa wu fo kumu, fanɛ kananɛ kejafɔche bee ta mbe abitasɔ a mea to nsaa ji kebita a ŋini basa na.

Aizaaya 5:6

Ma alɛ beeŋ yige amo nɛ amo to e wora afitiri ŋ ki kupuŋ. M maŋ naŋ lɔŋɛ ndibi na be ayabi so ŋko n ta kɔtɔkrɔ m buse amo to kikɛ. Meeŋ shin nɛ egɔnnyaŋɛ nɛ ewi e sɔ amo to. Ma alɛ beeŋ naŋ pɛ bɔrɛ nɛ k sa maŋ naŋ ba kudɔ na to kikɛ.”

Jɛremaya 14:22

Efuli pɔtɛana na be agbirana na be kekama maaŋ tiŋ n shin nɛ bɔrɛ e ba. Kuwɔlpa gbagba maaŋ tiŋ n shin nɛ bɔrɛ e furi gba. Anyi be tama wɔ fo, Enyɛnpe anyi be Ebɔrɛ na so nna; ŋkpal manɛ so, fo nawule e naa shin nɛ ade kikɛ bee wora.

Jɛremaya 15:19

Ndoŋ nna nɛ Enyɛnpe Ebɔrɛ na kaŋɛ ma le: “Sa maa malga fanɛ ewulpo! Nɛ feeŋ chɛrga fo nfɛra a laŋɛ ma kaplɛa so nseŋ lar n ya kaa bɔ ma kubɔya, feeŋ baa kraa la ma anebi. Kumo be kaman nɛ basa na e baa ba fo kutɔ nɛ fo ere maaŋ naa yɔ bumo kutɔ n ya kaa malga.

Jɛremaya 28:8

dra dra pɔɛŋ nɛ b kurge anyi na nɛ anebiana na bee kaŋɛ fanɛ kena nɛ jɛrbi nɛ alɔ beeŋ ba efuli damtaana nɛ kuwurjiana nɛ e kɔ eleŋ ga na so.

Heegai 1:10

Amoso nɛ bɔrɛ maa ba nɛ shɛŋ maŋ tiŋ ŋ kɔr na.

Matiu 11:14

Nɛ menyi alɛ gba baa sha keyirda, men baa nyi fanɛ Jɔn e la anebi Elaija na, mo alɛ be keba be asheŋ nɛ b daŋ wu ŋ kaŋɛ na.

Matiu 16:14

Nɛ b kaŋɛ mo: “Beko bee tre fo Jɔn kabɔrɛbɛrpo nna. Beko malɛ bee kaŋɛ fanɛ anebi Elaija e la fo nɛ beko malɛ bee tre fo anebi Jɛremaya ŋko anebi ko.”

Matiu 27:47

Basa nɛ b daa yil ndoŋ na be beko ka nu loŋ nɛ b kaŋɛ: “Elaija nɛ e bee tre na.”

Matiu 27:49

Ama le nɛ bumo nɛ b daŋ ka na daŋ kaŋɛ bumo barkasa na: “Yige mo nɛ an keni ŋko Elaija beeŋ ba mɔlga mo a.”

Matiu 7:29

E daa maŋ du fanɛ bumo be mbraŋinipoana na, ŋkpal manɛ so, mo ere be keŋini na daa kɔ eleŋ nna kumo to.

Luuk 1:17

E beeŋ ba kaa la kenya nɛ e beeŋ juŋkpar Enyɛnpe na a kɔ eleŋ nɛ Kiyoyu Cheeŋ nɛ anebi Elaija daŋ nya na. E beeŋ bar betuto nɛ bibi abar so n shin nɛ amukpakpasowuraana e fara a fɛ basa cheembi be nfɛra. E beeŋ chala basa n sa Enyɛnpe n shin nɛ b bela ase a jo mo.”

Luuk 1:19

Nɛ malaika na kaŋɛ mo: “Ma e la Geebriɛl, emo nɛ e yil Ebɔrɛ kutɔ saŋkama na. Nɛ Ebɔrɛ shuŋi ma nɛ m ba bɔ le be baru n sa fo.

Luuk 21:36

Amoso, men baa da so saŋkama a kule Ebɔrɛ eleŋ nɛ menyeeŋ tiŋ n ta n luri asheŋ nɛ a beeŋ wora ere kikɛ to n lar nseŋ tiŋ m ba yili ma, Nyiŋgbasa Pibinyɛn be anishito.”

Luuk 9:30

Epul na to nɛ benyɛn anyɔ ko ba kaa yil a malga mo kutɔ, anebi Mosis nɛ anebi Elaija e daa la.

Luuk 9:33

Basa na ka bee yɔ a ka Yesu, nɛ Pita kaŋɛ Yesu: “Enyɛnpe, anyi be kebaawɔ nfe ere nyalɛ ga, anyeeŋ yuu abuu asa nɛ kukoŋwule e baa la feya nɛ kukoŋwule e baa la Mosis peya nɛ kukoŋwule malɛ e baa la Elaija peya.” Kashenteŋto, e daa maŋ nyi kusɔ nɛ e daa malga.

Luuk 9:54

Mbe bebɛsopo Jeems nɛ Jɔn ka wu loŋ nɛ b bishi mo: “Enyɛnpe, fee sha fanɛ an kaŋɛ fanɛ edɛ e shi ebɔrɛso m ba mur bumo a?”

Baru lela nɛ Jɔn kute na 1:21

Ndoŋ nna nɛ b naŋ bishi mo: “To, nɛ nuso be esa e la fo? Anebi Elaija e la fo a?” Nɛ Jɔn kaŋɛ: “Ayai, mannɛ anebi Elaija e la ma.” Nɛ b naŋ bishi mo le: “Anebi nɛ e bee ba na e la fo a?” Nɛ Jɔn yɛ: “Ayai.”

Baru lela nɛ Jɔn kute na 1:25

“Fo yɛ fo maŋ la Mesaya na ŋko anebi Elaija ŋko anebi nɛ e bee ba na. To, nɛ manɛ e ba nɛ fee bɛr basa kabɔrɛbɛr?”

Ashuŋ Shunso 27:23

Ŋkpal manɛ so, ndre kanyɛso Ebɔrɛ nɛ e wɔ ma nɛ mee bunyaŋ mo na be malaika kaŋ ba ma kutɔ nna m ba kaŋɛ ma:

Romebi 11:2

Ebɔrɛ maŋ kini mbe basa nɛ e lara dra dra na kikɛ kuraa. Men nyi kusɔ nɛ abɔrɛsibɛ na bee kaŋɛ ashi kakpa nɛ a bee malga anebi Elaija be asheŋ fanɛ kananɛ e ta kenishipere ŋ kule Ebɔrɛ ŋ gbiti Israɛlebi na ŋko? E yɛ:

Ditɛronɔmi 10:8

Ashi Sainai be kebeegboŋ na ase na nɛ Enyɛnpe Ebɔrɛ na lara Livai be yiri to be basa ko fanɛ b baa keni kɔnɔkoŋwule be ŋkre be deka na so nsaa shuŋ bɔrɛmatapoana be kushuŋ nseŋ naa nɛfa eyiri nɛ a ka na ashi mbe ketre to. Loŋ nɛ b kraa wora hale nɛ mbre.

Jeems 5:17

An ta fanɛ Elaija. E daa la nyiŋgbasa nna fanɛ anyi nseŋ daŋ ta kenishipere ŋ kule Ebɔrɛ fanɛ bɔrɛ e sa maŋ ba nɛ bɔrɛ maŋ ba kasawule na so nfɛ asa nɛ bargato.

Kelaraŋŋini 11:6

Basa anyɔ ere beeŋ baa kɔ eleŋ nɛ b tiŋ n shin nɛ bɔrɛ e sa maŋ shi awɔlpa so m ba, saŋɛ nɛ baaŋ baa wu abɔrɛsheŋ a kaŋɛ na kikɛ. Bumo alɛ nseŋ naa kɔ eleŋ nɛ b tiŋ n shin nɛ nchuana e ki ŋklaŋ nseŋ naŋ tiŋ n ta tɔrɔ be yiri kama saŋɛ damta kama nɛ baa sha n lɛ kasawule so.

Demujipoana 12:4

Ndoŋ nna nɛ Jɛfta tre Giliad be benyɛn kikɛ ŋ gama, nɛ b ya kɔ m pɔɔ Efrayim be basa na so. Giliad be basa na daŋ mɔ bumo nna ŋkpal b ka daŋ kaŋɛ fanɛ: “Menyi Giliad be basa nɛ men wɔ Efrayim nɛ Manase be nsawule so ere kikɛ la Efrayim be yiri to be basa nna nɛ men kini anyi n shile.”