1 Bewura 16:9 - EBƆRƐ BE KAWƆL

⁹ Kanyɛn ko nɛ baa tre Zimri nɛ e daa la ewura Ela be benimuana na be eko nsaa keni mbe egbaŋɛturkoana be bargato so na daŋ kre keyamɔ ewura Ela nna. Kachako nɛ Ela yɔ Arza nɛ e bee keni ewura be laŋ to so na pe ashi Tiiza n ya nuu nsa m boo.

1 Bewura 16:9 ပူးပေါင်းရင်းမြစ်များ

Jɛnesis 15:2

Nɛ Eebram kaŋɛ: “Enyɛnpe lela, ŋ ka baa maŋ kɔ mbia ere, manɛ be kelela nɛ fo kakɔka ere beeŋ wora ma? Damaskɔs be Eliaza ere e naaŋ ji ma kapetɛ na.

Jɛnesis 24:10

Kede be kaman nɛ kayɛrbi na lara mo nyɛnpe be enyɔma kudu nseŋ ta ŋkɛ lela be yiri yiri ashi mo nyɛnpe kutɔ m pɛ ekpa a yɔ Nahɔɔ be kade nɛ k wɔ Mɛsopoteemia na.

Jɛnesis 24:2

Kachako nɛ Eebraham kaŋɛ mbe kayɛrbi nimuso nɛ e daa keni mbe kusɔ kikɛ nyam so na le: “Ta fo enɔ n wɔtɔ ma kebembi be kaseto m bɔ ntaŋ n nase kɔnɔ kpakpaso

Jɛnesis 39:4

nɛ Josɛf be asheŋ bɔlɔ mo kenishi ga. Ndoŋ nna nɛ e ta mo ŋ ki esa nɛ e bee shuŋ mbe ashuŋ nsaa keni mbe laŋ so.

Jɛnesis 39:9

Kenimu be kaplɛa so, esa kama maŋ chɔ ma laŋ ere to. N nyɛnpe maa mɔn ma shɛŋ shɛŋ laŋ ere to ama fo nawule nɛ e maŋ ta m bɔɔ ma enɔ, ŋkpal manɛ so, mbe eche e la fo. To, nɛ nuso nɛ meeŋ tiŋ n nya kagbene kpakpaso n wora le be kulubi ŋ gbiti Ebɔrɛ?”

1 Bewura 15:27

Ahija pibinyɛn Baasha nɛ e shi Isaaka be yiri to daŋ kre kena nna m mɔ Nadab saŋɛ nɛ Nadab nɛ mbe benapo kulti Gibitɔn be kade ashi Filishia be efuli so n wɔtɔ na.

1 Bewura 16:10

Ndoŋ nna nɛ Zimri luri laŋ na to m mɔ Ela nseŋ sɔ mo so n ji kuwura. Juda be ewura Asa be kuwurji be kafɛ adunyɔ nɛ ashunusopo to nɛ le be asheŋ ere kikɛ daŋ wora.

1 Bewura 16:8

Juda be ewura Asa be kuwurji be kafɛ kuduashesopo to nɛ ewura Baasha pibinyɛn Ela ki Israɛl be ewura nseŋ ji kuwura Tiiza to nfɛ anyɔ.

1 Bewura 18:3

nɛ ewura Ahab shuŋi n tre Obadaya nɛ e daa keni ewura be laŋ so na. Obadaya daa shuŋ Ebɔrɛ kashenteŋto nna,

1 Bewura 20:12

Saŋɛ so nɛ ewura Bɛnhadad nɛ bewura nɛ baa chɛ mo to na nɛ bejuŋkparpoana na wɔ bumo be ewajɛbu to a nuu bumo be nsa na be jemanɛ so nɛ ewura Ahab be kubɔya na tu mo. E daŋ kaŋɛ mbe benapo nna fanɛ b koso n ya kɔ kade na, nɛ bumo kikɛ wora shiriya nɛ b ya kɔ kumo.

1 Bewura 20:16

Kumo be kapiidi nɛ ewura Ahab nɛ Israɛlebi be benapo lar nɛ b ya kɔ Ewura Bɛnhadad nɛ mbe basa kena. Loŋ be jemanɛ na so nɛ ewura Bɛnhadad nɛ bewura adesa nɛ anyɔ nɛ mo nɛ bumo wora kɔnɔ na wɔ ewajɛbu to a nuu nsa.

2 Bewura 12:20

Shimei pibinyɛn Jozabad nɛ Shoma pibinyɛn Jehozabad nɛ b la ewura Jɔash be benimuana na e kre mbe kemɔ nseŋ mɔ mo ashi kowu nɛ b pɔr n yili kasawule nɛ k wɔ Jerusalɛm be epeŋilarkpa be kemantaŋ nɛ b sulɔ shishɛr n wɔtɔ nɛ k mata kade nɛ baa tre Silla na. Jerusalɛm nɛ k la ewura Deevid be kade to be kakpa nɛ baa puli bewura na, nɛ b daŋ puli Jɔash nɛ mo pibi Amaziya malɛ sɔ mo so n ji kuwura.

2 Bewura 15:10

Jabesh pibinyɛn Shalɔm daŋ kre ewura Zakareya asheŋ lubi nna nseŋ mɔ mo jimaŋ to n sɔ kuwura n ji.

2 Bewura 15:25

Remaliya pibinyɛn Peka e daa la Pekahiya be ekrachiana na to be enimu, ama mo alɛ daŋ kre kemɔ ewura na nna. Kachako nɛ e keta benapo lempo adunu nɛ b shi Giliad na n ya luri ewura be laŋ na to be kakpa nɛ baa kuŋ nɛnɛ ga ashi Samɛria na m mɔ Pekahiya nɛ Agob nɛ Arie nseŋ ki ewura.

2 Bewura 15:30

Uziya pibinyɛn Jotam ka ji Juda be kuwura be kafɛ adunyɔsopo to, nɛ Ela pibinyɛn Hoshiya malɛ kre kena n ya kɔ ewura Pɛka nseŋ mɔ mo n sɔ mbe kuwura.

2 Bewura 9:14

Loŋ be saŋɛ na nɛ ewura Joram daŋ nya doro ashi kena nɛ Ramɔfebi nɛ Siriya be ewura Haziɛl daŋ kɔ na to, nɛ mo ere ewura Joram na wɔ Jizreel a chɛ mbe kumu na, Jehu daŋ kaŋɛ mo braana benapo be benimu na nna le: “Menyi be ekama nɛ e bɛ ma so, e sa maŋ kaŋ juŋkpar n yɔ Ramɔf n ya kaŋɛ Jizreel be basa kesheŋ ere.”

Aŋasa 31:4

A maŋ daga bewura nɛ bejuŋkparpo ka bee nuu nsa a boo ŋko a sha nsa ga.

Jɛremaya 51:57

Ma, Enyɛnpetale Ebɔrɛ nɛ n la Ewura kashenteŋto na, bee nase kɔnɔ fanɛ meeŋ shin nɛ Babilɔn be benimuana nɛ benyiashempo nɛ bejuŋkparpo nɛ benapo kikɛ e boo, nseŋ dese n di a maaŋ naaŋ tiŋ ŋ koso kikɛ.

Danɛl 5:30

Loŋ be kanyɛso gbagba nɛ b mɔ Babilɔn be ewura Bɛlshaaza na.

Nahum 1:10

Baaŋ baa du fanɛ besanuupo nɛ b nuu nsa ga nɛ a pɔɔ bumo so nna; ŋko ajinjɛ nɛ atuweklaŋ nɛ a mel abar to nɛ edɛ chɔɔ amo m mur na nna.

Luuk 21:34

Ama men baa de menyi be amu so nsaa maa wɔ kebaawɔtɔ jiga nɛ kasanuu nɛ durnya ere to be kasɔsha be kebaawɔtɔ to nɛ menyi be aba e pɔ menyi nɛ kachɛ nɛ ma, Nyiŋgbasa Pibinyɛn beeŋ ba na e purgi menyi fanɛ kejigbelɛ na.