1 Bewura 16:34 - EBƆRƐ BE KAWƆL

³⁴ Jemanɛ nɛ Ahab daa ji kuwura na, nɛ Heil nɛ e shi Bɛtɛl na lɔŋɛ m pɔr Jɛriko be kade na. Saŋɛ so nɛ Heil daa pɔr kade na be egbal na be gbaltɔlase, nɛ mbe wurkoŋnyɛn Abiram wu. E ka pɔr kumo be mbunagboŋ a loge na malɛ nɛ mbe kowurnyɛn Segɔb malɛ wu. Le be kesheŋ ere daŋ wora nna nɛ kusɔ nɛ Enyɛnpe Ebɔrɛ daŋ bɔla Nun pibi Joshuwa so ŋ kaŋɛ dra dra na e bɔlɔ so.

1 Bewura 16:34 ပူးပေါင်းရင်းမြစ်များ

2 Samuɛl 10:5

B daŋ fin kananɛ baŋ naŋ bɛta n yɔ epe ŋ gben ŋkpal anishinyɔr so. Deevid ka nu kusɔ nɛ k wora na nɛ e shuŋi mbɔ b ya kaŋɛ bumo fanɛ b ba ka wɔ Jɛriko n ya fo jemanɛ nɛ bumo be ntɔl na beeŋ daŋ pɔɛŋ nɛ b ba epe.

Ɛzra 2:34

Jɛriko ebi daa la basa alfa asa nɛ adena nɛ anu.

Zakareya 1:5

Men nanaana na nɛ anebiana na kikɛ maŋ naa wɔ ŋkpa to.

Matiu 24:35

Ebɔrɛso nɛ kasawule kikɛ beeŋ ba mur, ama ma mmalga maa ba nɛ a ba mur kikɛ!

Joshuwa 6:26

Loŋ be jemanɛ na nɛ Joshuwa daŋ fiɛ basa na so ŋ kaŋɛ le: “Enyɛnpe Ebɔrɛ e sho ekama nɛ e beeŋ naŋ laŋɛ n ya pɔr Jɛriko be kade ere kɔnɔ. Ekama malɛ nɛ e beeŋ naŋ ya fara a pɔr kumo be gbaltɔlase beeŋ paŋ mbe wurkoŋnyɛn. Ekama malɛ nɛ e beeŋ lɔŋɛ kumo be mbunagboŋana na m pɔr beeŋ paŋ mbe kaluge.”