1 Bewura 16:31 - EBƆRƐ BE KAWƆL

³¹ Mannɛ alubi nɛ Nebat pibinyɛn Jeroboam wora na nawule be yiri nɛ Ahab daŋ wora ama e daŋ wora amo nɛ a maŋ walɛ kekeni gba nna hale n ta Sidɔn be kade to be ewura Ɛfbaal pibiche Jɛzebel ŋ ki mbe eche nsaa shuŋ bumo be kegbir nɛ baa tre Baal na gba.

1 Bewura 16:31 ပူးပေါင်းရင်းမြစ်များ

Jɛnesis 30:15

Nɛ Lia bishi Reechel le: “Ama fo ka suge ŋ kul ŋ ka ma ere bre maŋ kukwe fo a? Nɛ fo naa sha kesɔ ma kebia be emandreek gba n ti so a?” Nɛ Reechel kaŋɛ mo: “To, kumo ere sa ma fo pibinyɛn be emandreek ere be ako nɛ n shin nɛ fo nɛ mo e di kanyɛ ere.”

Jɛnesis 6:2

Ndoŋ nna nɛ Ebɔrɛso be asɔtoso nyɛnsoana ko wu edimɛdi be bibichesobiana na nɛ bumo be kebita par bumo nɛ b ta bumo nɛ baa sha a kil.

1 Bewura 18:18

Nɛ anebi Elaija malɛ kaŋɛ le: “M maŋ la esa nɛ mee ku asheŋ. Fo nɛ fo tuto e naa ku asheŋ, nseŋ kini kebaanu a sa Enyɛnpe Ebɔrɛ nsaa shuŋ Baal be kegbir na.

1 Bewura 18:19

Kaŋɛ Israɛlebi na kikɛ nɛ b ba kebeegboŋ nɛ baa tre Kamɛl na ase m ba tu ma. Keta Baal be agbirwuraana alfa ana nɛ adunu nɛ kegbirche Ashira be agbirwuraana alfa ana nɛ baa tu ewurche Jɛzebel a ji na m ba!”

1 Bewura 18:4

amoso Jɛzebel ka daa mɔ Enyɛnpe Ebɔrɛ be anebiana na, Obadaya e daŋ ta bumo be basa kalfa n ya ŋana abeelaŋ anyɔ to nsaa sa bumo ajibi nɛ nchu ndoŋ. E daŋ barga bumo to basa adununu nna n wɔtɔ kebeelaŋ kama to.

2 Bewura 10:18

Kede be kaman nɛ Jehu tre Samɛria be basa kikɛ n shɛr abar so nseŋ kaŋɛ bumo le: “Ewura Ahab bre daŋ shuŋ Baal be kegbir na gbrɛbi nna ama ma ere beeŋ shuŋ kumo ga.

2 Bewura 17:16

Israɛlebi na daŋ kini kebɛ Enyɛnpe bumo be Ebɔrɛ na be mbra so nna nseŋ ta shuwa n lɔŋɛ egbolu fɔlbi anyɔ a shuŋ amo. B daŋ naŋ lɔŋɛ kegbirche Ashira gba be kapɔrduli nna nsaa shuŋ kumo nɛ achɛkpabi nɛ kegbir nɛ baa tre Baal na.

2 Bewura 21:3

E daŋ lɔŋɛ m pɔr efuli pɔtɛana so be agbir nɛ mo tuto ewura Hɛzekaya daŋ mur na nna, nseŋ m pɔr ebɔrɛsure n sa Baal be kegbir na, nseŋ yuu kegbirche Ashira be mpɔrduli, nsaa shuŋ achɛkpabi gba.

2 Bewura 3:2

Mo alɛ gba daŋ wora kulubi ŋ gbiti Enyɛnpe Ebɔrɛ ama mo ere daa maŋ wora alubi fanɛ mo tuto ŋko mo nio Jɛzebel. E daŋ bure Baal be agbir nɛ mo tuto daŋ pɔr n yili a shuŋ na nna.

2 Kronikɛls 17:4

E daŋ shuŋ mo tuto be Ebɔrɛ nseŋ bɛ Ebɔrɛ be mbra so, a maŋ wora kananɛ Israɛl be bewuraana daŋ wora na.

2 Kronikɛls 21:13

Fo bɛ Israɛl be bewura na be ekpa so nna nseŋ shin nɛ Juda nɛ Jerusalɛm be basa maŋ naa ji kashenteŋ a sa Ebɔrɛ fanɛ kananɛ Ahab nɛ mbe kaman to ebi daŋ shin nɛ Israɛl be efuli so ebi maŋ ji kashenteŋ n sa Ebɔrɛ na. Fo mɔ fo sipo nyɛnsoana nɛ b bɔ fo na.

Aizaaya 7:13

Nɛ Aizaaya malɛ kaŋɛ le: “Ewura Deevid be kamanebi, men kaŋ asoe n nu nfe. Menyee kaa wora edimɛdi a keni. Menyee sha kewora Ebɔrɛ gba nna ŋ keni a?

Ezikɛl 16:20

Ade kikɛ be kaman, nɛ fo ta fo mbia nɛ fo kurge n sa ma na n lara sarga n sa agbirana na. Fo kubojua na nawule maŋ kukwe a?

Ezikɛl 16:47

Fo baa maŋ kute bumo be kebaawɔtɔ to nna n wora ekishisheŋ nɛ b wora na nawule, ama fo wora amo nɛ a chɔ bumo peya na gba kuraa.”

Ezikɛl 34:18

Menyi be beko ji ajibi lela nna ŋkukwe; nsaa chichi amo nɛ menyi maŋ ji so a wea shishɛr to! Menyeeŋ nuu nchu lela nna nseŋ gbar nchu nɛ menyi maaŋ nuu na to!

Ezikɛl 8:17

Nɛ Enyɛnpe Ebɔrɛ na kaŋɛ ma: “Dimɛdi pibi, fo wu kede a? Fo tama fanɛ k la kusɔ fɔmbi nna fanɛ Juda be basa ere kaa beeŋ baa wora asheŋ lubi lubi ere ashi nfe a? A daga fanɛ b baa ta akɔsɔ a kɔ a fin bumo be kepar tintiŋ so kaplɛkama a wora asheŋ nɛ a bee wɔtɔ ma agbo to jemanɛ kikɛ a? Keni kananɛ b ŋaba ma nsaa tege ma ekpa nɛ esa kikɛ maŋ naŋ ŋaba ŋko n tege ma loŋ.

Hoziya 2:15

Meeŋ naŋ bɛta menyi be asɔrso nɛ baa tre greep na be adɔbi na n sa menyi nseŋ shin nɛ ketaŋɛ nɛ baa tre ‘Akɔɔ’ nɛ kumo be kifito la tɔrɔ na e ki Tama be kaboŋ. Ndoŋ nɛ menyee nu n sa ma fanɛ kananɛ men daŋ nu n sa ma saŋɛ nɛ men la mbifɔlbi nɛ n lara menyi ashi Ijipt be kasawule so na.

Nɔmbɛs 16:9

K maŋ bɔlɔ menyi Livaiebi, kenishi fanɛ Israɛl be Ebɔrɛ na ka lara menyi ashi Israɛlebi na kikɛ to fanɛ men ba kaa shuŋ mbe wajɛbu na to nsaa juŋkpar mbe basa nɛ b baa shuŋ mo a?

Ditɛronɔmi 7:1

Ndoŋ nna nɛ Mosis naŋ kaŋɛ: “Israɛlebi, Enyɛnpe menyi be Ebɔrɛ na beeŋ chɛ menyi to nɛ men suge Hitebi nɛ Giigashebi nɛ Amɔriebi nɛ Keenanebi nɛ Pɛrizebi nɛ Hivebi nɛ Jebusiebi be nsawule. Efuli ashunu ere be kekama be basa shibi nsaa kɔ eleŋ a chɔ menyi Israɛlebi, ama nɛ men kre kena n ya tu bumo,

Kelaraŋŋini 2:20

Ama kusɔ nɛ n wu menyi so e la fanɛ, men sa kache Jɛzebel mo nɛ e bee tre mbe kumu abɔrɛsheŋ be ewuŋkaŋɛpo na ekpa nna nɛ e wɔtɔ a ŋini nsaa shin nɛ ma anya bee luri kesakalea be keji to nseŋ naa shin nɛ baa ji nlɔŋɛjibi.

Demujipoana 1:31

Ashɛr be yiri to ebi gba daŋ maŋ ju basa nɛ b daa wɔ ndegboŋ nɛ baa tre Ako ŋko Sidɔn ŋko Ahlab ŋko Akzib ŋko Hɛlba ŋko Afɛk ŋko Rehɔb na n lar kasawule na so,

Demujipoana 10:12

Sidɔnebi nɛ Amalɛkebi nɛ Maonebi na kikɛ daa kɔrfɛ menyi nɛ men shu n tre ma fanɛ n chɛ menyi to na, m maŋ mɔlga menyi ashi bumo be enɔana to nna a?

Demujipoana 10:6

Nɛ Israɛlebi na naŋ wora alubi ŋ gbiti Enyɛnpe Ebɔrɛ na nseŋ daa shuŋ Baal nɛ kegbir cheso nɛ baa tre Ashtɔrɛf na nɛ Siriya be efuli so be agbir nɛ Sidɔn be efuli so be agbir nɛ Mowab be agbir nɛ Ammɔnebi be agbir nɛ Filistiebi be agbir. B daŋ kplaŋ Enyɛnpe Ebɔrɛ na so nna nseŋ yige kebaashuŋ mo.

Demujipoana 18:7

Ndoŋ nna nɛ basa anu na ta n yɔ Layish be kade to n ya wu fanɛ ndoŋebi be kebaawɔtɔ baa du fanɛ Sidɔnebi peya nna. Shɛŋ shɛŋ daa maa tɔrɔ bumo ndoŋ. B daa maa ŋana kufu fanɛ kusɔ ko beeŋ wora bumo, amoso shɛŋ be asheŋ maŋ tir bumo.

Demujipoana 2:11

Ndoŋ nna nɛ Israɛlebi na ya kaa shuŋ agbir nɛ baa tre Baal nseŋ wora n da Enyɛnpe Ebɔrɛ na so.

Demujipoana 3:7

Israɛlebi na daŋ teŋ Enyɛnpe bumo be Ebɔrɛ na so nna nseŋ wora alubi n da mo so, nsaa shuŋ kegbir nɛ baa tre Baal nɛ kegbirche nɛ baa tre Ashira na.