1 Bewura 16:18 - EBƆRƐ BE KAWƆL

¹⁸ Zimri ka wu fanɛ b kɔ m pɔɔ kade na so, nɛ e ya luri ewura be laŋ na to be kumɔlga be kakpa lempo na to nseŋ wɔtɔ laŋ na edɛ nɛ k suse so n chɔɔ mo m mɔ.

1 Bewura 16:18 ပူးပေါင်းရင်းမြစ်များ

2 Samuɛl 17:23

Ahitofɛl ka wu fanɛ b maŋ bɛ mbe kasotoji na so na, nɛ e dii n chena mbe kurma so n yɔ mbe kade to Gilo. E ka koli mbe laŋ to be kusɔ kama abar so n loge, nɛ e ya chɛ efɔl. Kakpa nɛ b puli mo nananyɛnana na nɛ b daŋ puli mo alɛ gba.

1 Bewura 16:17

Ndoŋ nna nɛ Omri nɛ mbe benapo lar Gibitɔn be kade to n ya kulti Tiiza be kade n wɔtɔ ŋ kɔ bumo kena.

2 Bewura 15:25

Remaliya pibinyɛn Peka e daa la Pekahiya be ekrachiana na to be enimu, ama mo alɛ daŋ kre kemɔ ewura na nna. Kachako nɛ e keta benapo lempo adunu nɛ b shi Giliad na n ya luri ewura be laŋ na to be kakpa nɛ baa kuŋ nɛnɛ ga ashi Samɛria na m mɔ Pekahiya nɛ Agob nɛ Arie nseŋ ki ewura.

2 Bewura 9:31

Jehu ka bɔla kade na be kabuna to a ba, nɛ Jɛzebel boŋ to ŋ kaŋɛ le: “Fo nɛ baa tre Zimri na a? Emɔpo ere! Manɛ e bar fo nfe?”

Matiu 27:5

Ndoŋ nna nɛ Judas ta amansherbi na n lɛ bɔrɛlambu na to nseŋ kilgi n ya chɛ efɔl.

Demujipoana 9:54

Ndoŋ nna nɛ Abimelɛk tre kabrantiɛfɔlbi nɛ e bee keta mbe akɔsɔ na ŋ kaŋɛ mo le: “Pee fo tokobi m mɔ ma nɛ b sa maŋ kaŋ kaŋɛ fanɛ eche e mɔ ma.” Nɛ mbe kayɛrbi na pee tokobi n da mo m mɔ.