1 Bewura 16:11 - EBƆRƐ BE KAWƆL

¹¹ Zimri ka baŋ ki ewura, epul na to nɛ e mɔ Baasha be kanaŋ kikɛ. E daŋ mɔ mo kurgepo nɛ mo teriana kama nɛ b la enyɛn kikɛ nna.

1 Bewura 16:11 ပူးပေါင်းရင်းမြစ်များ

1 Bewura 14:10

Ŋkpal kusɔ nɛ fo wora ere so meeŋ mur fo kuwurji nseŋ mɔ fo kaman to ebi nɛ b la benyɛn nɛ benimu nɛ mbia kikɛ. Meeŋ mur fo kanaŋ nɛ b ki fanɛ kananɛ anabin bee chɔɔ a mur na.

1 Bewura 15:29

Baasha ka baŋ ji kuwura nɛ e mɔ Jeroboam be kanaŋ to be basa kikɛ, nɛ kusɔ nɛ anebi Ahija nɛ e shi Shilo na daŋ kaŋɛ fanɛ, Jeroboam be kanaŋ to be esa kama maaŋ pete na bɔlɔ so.

1 Bewura 16:10

Ndoŋ nna nɛ Zimri luri laŋ na to m mɔ Ela nseŋ sɔ mo so n ji kuwura. Juda be ewura Asa be kuwurji be kafɛ adunyɔ nɛ ashunusopo to nɛ le be asheŋ ere kikɛ daŋ wora.

1 Bewura 16:3

Ŋkpal loŋ so meeŋ mur fo nɛ fo kanaŋ kikɛ, fanɛ kananɛ n wora ewura Jeroboam nɛ mbe kanaŋ na.

1 Bewura 21:22

Kananɛ n wora Nebat pibinyɛn ewura Jeroboam nɛ Ahija pibinyɛn ewura Baasha na, nɛ mee shin nɛ n wora fo alɛ gba, ŋkpal fo ka wɔtɔ ma agbo to nseŋ shin nɛ ma basa Israɛlebi luri kulubi to so.’

2 Bewura 9:9

Kananɛ m baŋ wora Israɛl be ewura Jeroboam nɛ mbe kanaŋ nɛ ewura Baasha nɛ mbe kanaŋ na gbagba nɛ meeŋ wora Ahab malɛ gba.

Nshɛ 109:13

Ebɔrɛ e shin nɛ mbe kanaŋ nɛ kaman to ebi kikɛ e mur kuraa; nseŋ shin nɛ b teŋ bumo be atre so hale mbaanaayɔ.

Demujipoana 1:7

Ndoŋ nna nɛ Adoni Bɛzɛk kaŋɛ: “Bewura adushunu nɛ n shin nɛ b ku bumo be ashilbinioana nɛ bumo be anashibinioana so nseŋ shin nɛ baa tise ma ejikpa be ejiŋka a ji. Kusɔ nɛ n wora bumo na be kukɔ nɛ Ebɔrɛ bee ka ma na.” Nɛ b ta mo n yɔ Jerusalɛm nɛ e ya wu ndoŋ.

1 Samuɛl 25:22

Ta a ba kachipurso nɛ mbe kanaŋ to be enyɛn kama kraa wɔ ŋkpa to, kumo ere Ebɔrɛ e mɔ ma!”

1 Samuɛl 25:34

Enyɛnpe Ebɔrɛ na e shin nɛ m maŋ tɔrɔ fo na. Ama Enyɛnpe, Israɛl be Ebɔrɛ na be ketre to, nɛ fanɛ fo daa maŋ nya manaŋ m ba nna, ndafanɛ ta n ya ka fo kachipurso nɛ Nabaal nɛ mbe kanaŋ to be benyɛn kikɛ maŋ naa wɔ ŋkpa to.”