1 Bewura 15:5 - EBƆRƐ BE KAWƆL

⁵ Enyɛnpe Ebɔrɛ daŋ wora loŋ nna ŋkpal ewura Deevid ka daa wora mbe aparsheŋ nsaa maa wora a da mbe mbra so so, ama kusɔ nɛ e daŋ wora Yuriya nɛ e la Hiti be esa na nawule.

1 Bewura 15:5 ပူးပေါင်းရင်းမြစ်များ

1 Bewura 14:8

N sɔ kuwurji na ashi ewura Deevid be kaman to ebi kutɔ nna n sa fo ama fo alɛ maŋ du fanɛ ma kayɛrbi Deevid nɛ e daa ji kashenteŋ a nu a sa ma, nsaa wora kusɔ kama nɛ ŋ kaŋɛ na.

1 Bewura 15:3

E daa maa ji kashenteŋ a sa Enyɛnpe mbe Ebɔrɛ na fanɛ kananɛ mo nananyɛn ewura Deevid daa wora na. E daa wora alubi nɛ mo tuto ewura Rehoboam daŋ wora na nna.

1 Bewura 3:3

Ewura Sɔlɔmɔn ka daa sha Enyɛnpe Ebɔrɛ ga so, e daŋ bɛ kusɔ nɛ mo tuto ewura Deevid kaŋɛ mo so nna. Mo alɛ gba daa ta asɔbɔya nna a lara sarga nsaa chɔɔ duwu ashi abee so be kakpa nɛ baa bunyaŋ Enyɛnpe Ebɔrɛ na.

1 Bewura 9:4

Nɛ feeŋ baa kɔ kasonu n sa ma nsaa ji kashenteŋ fanɛ kananɛ fo tuto ewura Deevid daa du na, nsaa bɛ ma mbra nɛ ma keŋini so bre,

2 Bewura 22:2

E daa wora asheŋ nɛ a niŋi ashi Enyɛnpe Ebɔrɛ be anishito nna nsaa bɛ mo nananyɛn ewura Deevid be aya so nɛ Ebɔrɛ be mbra na kikɛ so dede.

2 Kronikɛls 34:2

E daa wora asheŋ nɛ a niŋi ashi Enyɛnpe Ebɔrɛ be anishito nna nsaa bɛ mo nananyɛn ewura Deevid be aya so nɛ Ebɔrɛ be mbra na kikɛ so dede.

Nshɛ 119:102

Ma alɛ maŋ yige fo mbraana n lɛ ŋkpal fo gbagba ka la ma eŋinipo so.

Nshɛ 119:6

M maaŋ ji anishinyɔr jemanɛ nɛ meeŋ baa bɛ fo mbraana so na.

Nshɛ 51:1

Enyɛnpe Ebɔrɛ, wu ma kuwɔr ŋkpal fo kasha nɛ k maa loge na so. Kpra ma alubi ŋkpal fo kuwɔrwu na so.

Luuk 1:6

Bumo benyɔ kikɛ daa bɛ Enyɛnpe be mbraana na nɛ mbe asheŋ ŋinisoana na kikɛ so nna nɛnɛ a maa foe ekpa kikɛ nsaa wɔ kebaawɔtɔ cheembi nɛ k bee par Ebɔrɛ to.

Ashuŋ Shunso 13:22

Ebɔrɛ ka gboŋi mo kuwura na to nɛ e shin nɛ Deevid ki bumo be ewura. Le nɛ Ebɔrɛ daŋ malga Deevid be asheŋ: ‘N wu fanɛ Jɛsi pibi Deevid be kaduli gbagba nɛ mee sha na. Mo e la emo nɛ e beeŋ wora kusɔ kama nɛ mee sha fanɛ e wora na.’

Ashuŋ Shunso 13:36

Ŋkpal manɛ so, Deevid be jemanɛ na, e daŋ wora Ebɔrɛ be aparsheŋ nna nseŋ wu nɛ b ta mo m puli m mata mo nanaana nɛ e bɛ.

Ditɛronɔmi 17:20

Kumo alɛ be loŋ beeŋ naŋ shin nɛ ewura na e sa maa fɛ fanɛ e bɔ mo braana Israɛlebi na be ekama nseŋ naŋ shin nɛ e sa maŋ kini kewora Enyɛnpe Ebɔrɛ na be mbraana kasonu. Aloŋ e naaŋ shin nɛ mo nɛ mbe kaman to ebi e ji kuwura na n chɛr ashi Israɛl be efuli so.

1 Samuɛl 25:28

Jande, nɛ n wora fo kulubi ko gba nna, fo ta m paŋ ma. Enyɛnpe Ebɔrɛ na beeŋ shin nɛ fo ki ewura nɛ fo kanaŋ to ebi e baa ji kuwura ŋkpal fo ka bee kɔ a sa mo so. Ma kabɔrɛkule e la fanɛ fo maaŋ wora kulubi kikɛ hale nɛ fo ba lar durnya ere to.