1 Bewura 15:30 - EBƆRƐ BE KAWƆL

³⁰ Ŋkpal alubi nɛ ewura Jeroboam daŋ wora nseŋ shin nɛ Israɛlebi gba wora kulubi so, nɛ Enyɛnpe Israɛl be Ebɔrɛ na be agbo daŋ kaa nɛ e wora loŋ.

1 Bewura 15:30 ပူးပေါင်းရင်းမြစ်များ

1 Bewura 13:34

Le be kulubi nɛ e wora ere e naaŋ shin mbe kuwurji e tɔr nseŋ mur cheche kachako.

1 Bewura 14:22

Judaebi na daŋ wora alubi nna ŋ gbiti Enyɛnpe Ebɔrɛ nseŋ wora asheŋ nɛ a nyaŋɛ mbe agbo to ga a chɔ kananɛ bumo nananyɛnana daŋ wora na.

1 Bewura 15:26

Kananɛ mo tuto daŋ baŋ wora kulubi na gbagba chap nɛ mo alɛ gba daŋ wora, hale n shin nɛ Israɛl tɔr kulubi to.

1 Bewura 16:13

Enyɛnpe Israɛl be Ebɔrɛ na be agbo kaa ŋkpal Baasha nɛ mo pibinyɛn Ela ka daa shuŋ agbir nseŋ shin nɛ Israɛlebi wora alubi so.

1 Bewura 21:21

Amoso Enyɛnpe na yɛ: ‘Meeŋ shin nɛ fo ji jɛrbi. Meeŋ mur fo nseŋ mur fo kanaŋ to be benimu nɛ mbia kama nɛ b la benyɛn na kikɛ.