1 Bewura 15:17 - EBƆRƐ BE KAWƆL

¹⁷ Israɛl be ewura Baasha daŋ kɔ n sɔ kade nɛ baa tre Raama ashi Juda be efuli so na nna nseŋ fara a pɔr egbalshin a sɔ egbal nɛ b pɔr ŋ kulti kumo na to, saŋɛ na so k bee nya eleŋ n ti so, nseŋ kuŋ basa nɛ baa luri Juda to a lar na akpa.

1 Bewura 15:17 ပူးပေါင်းရင်းမြစ်များ

1 Bewura 12:26

Ndoŋ nna nɛ Jeroboam fɛ le: “Kananɛ asheŋ bee nite naniere, nɛ n shin nɛ ma basa bee yɔ bɔrɛlambu na to ashi Jerusalɛm n ya kaa lara esarga a sa Enyɛnpe Ebɔrɛ, baaŋ shile m bɛ Juda be ewura Rehoboam so nseŋ mɔ ma.”

1 Bewura 15:27

Ahija pibinyɛn Baasha nɛ e shi Isaaka be yiri to daŋ kre kena nna m mɔ Nadab saŋɛ nɛ Nadab nɛ mbe benapo kulti Gibitɔn be kade ashi Filishia be efuli so n wɔtɔ na.

Jɛremaya 31:15

Enyɛnpe Ebɔrɛ na yɛ: “Awɔr ko bee cha ashi Raama be kade to; k la kenishipereso be kushu be awɔr nna. Reechel e naa shu nseŋ kini kelolo ŋkpal mbe mbia ka wu so.

Jɛremaya 41:9

Ketirbu nɛ Ishmaɛl nɛ mbe benapo daŋ ta basa nɛ b daŋ mɔ n ti Gɛdaliya so n lɛ to na daa la ketirbu nɛ Juda be ewura Asa na daŋ kur a suse bɔrɛchu jemanɛ nɛ Israɛl be kuwurgboŋ nɛ k wɔ kelargato be esoso na be ewura Baasha na daa kɔ mo kena na nna. Ishmaɛl daŋ mɔ basa na nna m bɔlɔ ketirbu na.

Joshuwa 18:25

Gibiɔn nɛ Rama nɛ Biirɔf nɛ

1 Samuɛl 15:34

Kede be kaman nɛ Samuɛl bɛta n yɔ Raama nɛ Sɔɔl malɛ bɛta n yɔ mbe kade to Gibia.