1 Bewura 15:13 - EBƆRƐ BE KAWƆL

¹³ Ewura Asa mo nanache Maaka daŋ yuu kedibi nna a shuŋ kegbirche nɛ baa tre Ashira na nɛ ewura Asa tia kumo ŋ kuya to n chɔɔ ashi Kidrɔn be ketaŋɛ nɛ k mata Jerusalɛm na. Ŋkpal kusɔ nɛ Maaka wora na so nɛ ewura Asa lara mo ashi eyilikpa nɛ e daa kɔ efuli na so fanɛ ewurche na.

1 Bewura 15:13 ပူးပေါင်းရင်းမြစ်များ

2 Samuɛl 15:23

Deevid nɛ mbe basa ka bee yɔ na nɛ Jerusalɛmebi na shu ga. Ewura na nɛ mbe basa daŋ ya dii ketaŋɛ nɛ baa tre Kidrɔn na nna n sɔ kiyitokpɛato a yɔ.

1 Bewura 15:10

nseŋ ji kuwura Jerusalɛm to nfɛ adena nɛ kako. Mo nanache e daa la Absalɔm pibiche Maaka.

1 Bewura 15:2

nseŋ ji kuwura Jerusalɛm be kade to nfɛ asa. Mo nio e daa la Absalɔm pibiche Maaka.

1 Bewura 2:19

Ndoŋ nna nɛ Bɛshiba yɔ ewura Sɔlɔmɔn kutɔ nɛ e ya kaŋɛ mo kusɔ nɛ Adonija kaŋɛ na. Ewura Sɔlɔmɔn ka wu mo nio nɛ e koso n yili n chɔrɔ mo bunyaŋ so, nseŋ chena mbe kuwurputi so, n shin nɛ b ta kuwurputi ko malɛ m ba nase mbe jisoso nɛ mo nio chena so.

2 Bewura 10:26

n ya lara kegbir na be kapɔrduli nɛ k wɔ ndoŋ na n chɔɔ.

2 Bewura 18:4

E daŋ mur nnyamase be mboŋ nɛ baa bunyaŋ Ebɔrɛ na nna nseŋ bure ndoŋ be ajembu be eshabɔrɛ na nɛ kegbirche Ashira be mpɔrduli be ndibi n lɛ. E daŋ bɛa danyaŋ be kuwɔ nɛ baa tre Nehushtan nɛ bumo nananyɛn Mosis daŋ lɔŋɛ nɛ Israɛlebi na bee bunyaŋ kumo m ba fo loŋ be jemanɛ na to nna.

2 Bewura 23:4

Ewura Josaya daŋ shin nna nɛ bɔrɛmatapo nimuso Hilkiya nɛ bɔrɛmatapoana nɛ b bɛ mbe kaman na nɛ bekumpo nɛ baa kuŋ bɔrɛlambu na be kabuna na lara asɔ nɛ b kɔ a shuŋ Baal be kegbir na nɛ kegbirche Ashira nɛ achɛkpabi na ashi bɔrɛlambu na to. E daŋ shin nna nɛ b ta asɔ na kikɛ n lar kade na be ekarso a mata Kidrɔn be ketaŋɛ na ase n ya chɔɔ amo nseŋ ta amo be nsunɔ n yɔ Bɛtɛl.

2 Bewura 23:6

E daŋ lara kegbirche Ashira be kapɔrduli na Enyɛnpe Ebɔrɛ be bɔrɛlambu na to nna n ta kumo n lar kade na to yɔ Kidrɔn be ketaŋɛ na to n ya chɔɔ kumo nseŋ bɛa kumo to nɛ k ki fanɛ nyifu nɛ e ta amo n lɛ basa be nchaŋana so.

2 Kronikɛls 34:4

E daŋ shin nna nɛ b bure kegbir nɛ baa tre Baal na be ebɔrɛsure nɛ ebɔrɛsure nɛ baa chɔɔ duwu amo so na. Nseŋ shin nɛ b bɛa kegbirche Ashira be mpɔrduli nɛ agbir nɛ a ka na kikɛ to n lɛ basa nɛ b daa shuŋ amo na be nchaŋana so.

Ɛksodɔs 32:20

Kumo be kaman nɛ e ta kenabi nɛ basa na lɔŋɛ na malɛ n wɔtɔ edɛ to nɛ k ŋalga nɛ e kɔr kumo to fanɛ nyifu na nseŋ ta kumo n wɔtɔ nchu to n shin nɛ Israɛlebi na nuu amo.

Levitikɔs 26:30

Meeŋ mur mboŋ nɛ menyee shuŋ agbir nɛ a wɔ agurɔŋgu so na kikɛ, nseŋ bure menyi be ebɔrɛsure nɛ menyee chɔɔ eduwu amo so na, nseŋ naŋ bela men be bubuni n deŋi menyi be agbirana nɛ a tɔr a dese na so. Menyi be asheŋ beeŋ baa nu ma agbo nɛ ŋ kishi menyi.

Zakareya 13:3

Esa kama kaŋ naa kaŋɛ fanɛ mo ere bee wu abɔrɛsheŋ to nna a kaŋɛ, mo tuto nɛ mo nio gbagba e naŋ kaŋɛ fanɛ e daga luwu, ŋkpal e ka ku efɛ ŋ kaŋɛ fanɛ Enyɛnpe Ebɔrɛ na be kamalga nɛ e bee malga so. Nɛ e kraŋ kini a malga mo nio nɛ mo tuto gbagba e naaŋ da mo tokobi m mɔ.

Matiu 10:37

Esa kama malɛ nɛ e bee sha mo tuto nɛ mo nio a chɔ ma maŋ daga e ka la meya. Ekama malɛ nɛ e bee sha mo pibinyɛnso ŋko mo pibicheso a chɔ ma maŋ daga e ka la meya.

Baru lela nɛ Jɔn kute na 18:1

Yesu ka kule mbe kabɔrɛkule na n loge nɛ mo nɛ mbe bebɛsopo na lar ndoŋ n yɔ Kidrɔn be ketaŋɛ be kaba ndoŋ. Ketaŋɛ na be kaba ndoŋ malɛ daa kɔ kupo ko nɛ Yesu nɛ mbe bebɛsopo na ya luri kupo na to.

2 Kɔrintebi 5:16

Amoso, naniere mannɛ dimɛdi be kaplɛa so nɛ an naa bɔla so a keni kananɛ esa du. Saŋko bre, loŋ nɛ an daa keni Kristo na, ama naniere bre anyi maŋ naa keni mo loŋ.

Galeeshaebi 2:14

Ŋ ka wu fanɛ kesheŋ nɛ b wora na maŋ bɔla kashenteŋ be baru lela na be ekpa so nɛ ŋ kaŋɛ Pita le ashi bebɛsopo na kikɛ be anishito: “To, Juw e la fo nɛ fo daa wɔ nfe fanɛ kanyamase, mannɛ fanɛ Juw. Nɛ nuso nɛ feeŋ wora n tintiŋ nnyamase nɛ b baa wɔtɔ a bɛ Juwebi be edaŋkaresheŋ so?”

Ditɛronɔmi 33:9

Fo nɛ baa nu a sa a chɔ bumo kurgepoana nɛ bumo niopibiana nɛ bumo be mbia. Kusɔ nɛ fo kaŋɛ kenishipere so na nɛ baa wora kasonu, nsaa ji kashenteŋ a sa fo kɔnɔkoŋwule be ŋkre na.

Ditɛronɔmi 7:5

Amoso nɛ men kaŋ kɔ m pɔɔ efuliana na so, men bure m bure bumo be agbirsure nɛ agbirjembu nseŋ ku kegbir cheso nɛ baa tre Ashira na be ndibi nɛ b yuu a shuŋ mo na n lɛ. Kumo be kaman nɛ men chɔɔ bumo be agbirana na m mur.

Ditɛronɔmi 9:21

Ndoŋ nna nɛ n ta kebɛlso be gbolu fɔlbi be kegbir nɛ b lɔŋɛ nɛ k la kulubi na n wɔtɔ edɛ to nseŋ bure kumo to. Kumo be kaman nɛ ŋ kɔr kumo to nseŋ muu amo n ya lɛ kabombi nɛ k bee shile kebeegboŋ na so a gbelge to na to.

Joshuwa 6:24

Kumo be kaman nɛ b wɔtɔ kade na nɛ kusɔ kama nɛ k wɔ kumo to kikɛ edɛ nɛ kumo kikɛ chɔɔ m mur. Shuwa nɛ gbiti nɛ kusɔ kama nɛ b ta katishaŋ peper nɛ abɛlso n wora na nawule nɛ b daŋ ta n wɔtɔ Enyɛnpe Ebɔrɛ be kpanjawu to.