1 Bewura 14:9 - EBƆRƐ BE KAWƆL

⁹ Fo alubi nɛ fo wora gba chɔ bewura kama nɛ b juŋkpar fo na be alubi, ŋkpal manɛ so fo kini ma nseŋ nyaŋɛ ma agbo to ŋkpal fo ka ya ka bunyaŋ agbir nɛ fo ta abɛlso n lɔŋɛ na so.

1 Bewura 14:9 ပူးပေါင်းရင်းမြစ်များ

1 Bewura 12:28

E ka fɛ loŋ n loge, nɛ e ta shuwa n lɔŋɛ egbolu fɔlbi anyɔ nseŋ kaŋɛ mbe basa na le: “Menyi be kebaayɔ Jerusalɛm n ya ka bunyaŋ Enyɛnpe Ebɔrɛ na wora kufɔ ga. Israɛlebi menyi be agbir nɛ a lara men nananyɛnana ashi Ijipt be kasawule so na nde!”

1 Bewura 14:16

Enyɛnpe Ebɔrɛ beeŋ kplaŋ Israɛlebi so ŋkpal ewura Jeroboam ka wora kulubi nseŋ shin nɛ Israɛlebi kikɛ wora alubi so.”

1 Bewura 14:22

Judaebi na daŋ wora alubi nna ŋ gbiti Enyɛnpe Ebɔrɛ nseŋ wora asheŋ nɛ a nyaŋɛ mbe agbo to ga a chɔ kananɛ bumo nananyɛnana daŋ wora na.

1 Bewura 15:29

Baasha ka baŋ ji kuwura nɛ e mɔ Jeroboam be kanaŋ to be basa kikɛ, nɛ kusɔ nɛ anebi Ahija nɛ e shi Shilo na daŋ kaŋɛ fanɛ, Jeroboam be kanaŋ to be esa kama maaŋ pete na bɔlɔ so.

1 Bewura 15:30

Ŋkpal alubi nɛ ewura Jeroboam daŋ wora nseŋ shin nɛ Israɛlebi gba wora kulubi so, nɛ Enyɛnpe Israɛl be Ebɔrɛ na be agbo daŋ kaa nɛ e wora loŋ.

1 Bewura 15:34

E daŋ wora kulubi nna ŋ gbiti Enyɛnpe Ebɔrɛ fanɛ kananɛ ewura Jeroboam daŋ shin nɛ Israɛl tɔr kulubi to na gbagba.

1 Bewura 16:25

Ewura Omri be alubi nɛ e wora ŋ gbiti Enyɛnpe Ebɔrɛ daa chɔ bewura kama nɛ b juŋkpar mo na kikɛ be alubi.

1 Bewura 16:30

Mo alɛ gba daŋ wora alubi ŋ gbiti Enyɛnpe Ebɔrɛ na a chɔ bewura kama nɛ b juŋkpar mo na kikɛ.

1 Bewura 16:31

Mannɛ alubi nɛ Nebat pibinyɛn Jeroboam wora na nawule be yiri nɛ Ahab daŋ wora ama e daŋ wora amo nɛ a maŋ walɛ kekeni gba nna hale n ta Sidɔn be kade to be ewura Ɛfbaal pibiche Jɛzebel ŋ ki mbe eche nsaa shuŋ bumo be kegbir nɛ baa tre Baal na gba.

1 Bewura 16:33

E daŋ pɔr kegbirche Ashira gba nna n yili, nseŋ wora asheŋ lubi damta ga a chɔ Israɛl be bewura na kikɛ, nɛ Enyɛnpe nɛ e la Israɛl be Ebɔrɛ na be agbo kaa ga.

2 Bewura 21:3

E daŋ lɔŋɛ m pɔr efuli pɔtɛana so be agbir nɛ mo tuto ewura Hɛzekaya daŋ mur na nna, nseŋ m pɔr ebɔrɛsure n sa Baal be kegbir na, nseŋ yuu kegbirche Ashira be mpɔrduli, nsaa shuŋ achɛkpabi gba.

2 Bewura 23:26

Ama Enyɛnpe Ebɔrɛ na kraŋ nya agbo ga n wɔtɔ Juda ŋkpal asɔ damta nɛ ewura Manase wora nɛ mbe agbo kaa ga na so.

2 Bewura 3:3

Ama kananɛ Nebat pibinyɛn ewura Jeroboam nɛ daŋ ji kuwura n wora alubi nseŋ shin nɛ Israɛlebi wora kulubi na, nɛ mo alɛ gba daŋ wora.

2 Kronikɛls 11:15

Ewura Jeroboam daŋ lara mo gbagba be bɔrɛmatapoana nna fanɛ b baa shuŋ kakpa nɛ nnyamase na bee lɔŋɛ bumo be agbir na nsaa sha fanɛ b baa shuŋ ayoyu lubi nɛ egbolufɔlbi nɛ e lɔŋɛ fanɛ agbir na.

2 Kronikɛls 33:6

E daŋ ta mbe mbia nna n lara sarga chɔɔso ashi ketaŋɛ nɛ baa tre Hinnɔm na to. E daa wora kegbaya nɛ ŋkilgisheŋ nna nsaa yɔ belejipo kutɔ n ya ka kpal nsaa shuŋ bubuni gba a ti so. E daŋ wora alubi damta nna ŋ gbiti Enyɛnpe Ebɔrɛ n shin nɛ mbe agbo kaa ga.

Nehemaya 9:25

Kumo be kaman nɛ b suge ndegboŋ nɛ egbalana kulti na nɛ adɔsawule nɛ e walɛ. B daŋ suge nwu nɛ basa daa wɔ amo to nɛ atirbu nɛ b kur n laa to a saŋ nchu, nɛ ndibi sɔrso be adɔana, nɛ ɔlifs be ndibi be adɔana nɛ ndibi sɔrso damtaana nna. B daa ji nna a moɛ nseŋ daa ji eyur ŋkpal fo enɛfa damta so.

Nehemaya 9:26

Ade kikɛ be kaman b kraŋ lar fo kaman nseŋ kini kewora fo mbra kasonu. B daŋ mɔ fo anebiana nɛ b daŋ kpele bumo kusoe fanɛ b bɛta m ba fo kutɔ na nna. Kumo be kaman nɛ b shoduu fo ketre.

Nshɛ 106:29

B daŋ wora asheŋ lubi ga nna nɛ Ebɔrɛ be kagbene kaa, nɛ e shin nɛ kulɔ lubi ko ba bumo so.

Nshɛ 50:17

Men kini ma keŋini nsaa kplaŋ ma mbra so.

Nshɛ 78:40

Jemanɛ nɛ b daa wɔ keshishɛrsawule na so na, ale damta nɛ b daŋ lar Ebɔrɛ kaman n jija mbe kagbene!

Nshɛ 78:56

Ama b daŋ lar Ebɔrɛ kaman nseŋ wora Enyɛnpetale Ebɔrɛ na ŋ keni nna. B daa maŋ bɛ mbe mbraana so.

Nshɛ 78:58

B daŋ pɔr agbirana nna n yili agurɔŋgu so a shuŋ; n shin nɛ Ebɔrɛ be kukɔrkɔ koso nɛ e nya agbo ga.

Ɛksodɔs 34:17

Men sa maŋ kaŋ ta kebɛlso n lɔŋɛ kegbir a bunyaŋ kumo.

Jɛremaya 32:18

Fo lara fo kasha nɛ k maa chɛrga na ŋ ŋini basa ŋgboŋ to ŋgboŋ to, nseŋ gberge basa asoe ŋkpal bumo tutoana nɛ bumo nioana be alubi so. Fo la Ebɔrɛ gboŋgboŋi nsaa kɔ yuku nna nɛ fo ketre la Enyɛnpetale Ebɔrɛ.

Jɛremaya 7:18

Mbia bee kil ndibi nna nɛ benyɛn bee puga edɛ nɛ beche malɛ bee ta nyifu a to mansaŋ nɛ ekpakulo a sa kegbirche nɛ baa tre Ebɔrɛso be Ewurche na. Bumo alɛ naa ta nsa nna a to nchu a sa agbirana a shin nɛ ma kagbene bee kaa.

Jɛremaya 7:26

Amo nɛ amo kikɛ men to be esa kikɛ m maa nu a sa ma. Menyi be ŋgbene bee wora kpakpa nna a ti so nɛ menyee kini ma nsaa lar ma kaman gba a chɔ men nananyɛnana na.

Ezikɛl 23:35

Amoso kusɔ nɛ Enyɛnpetale Ebɔrɛ na bee kaŋɛ fanɛ, Ŋkpal fo ka teŋ ma so nseŋ pal kaman n sa ma so, feeŋ ji awurfoŋ ŋkpal fo kayɛlga lubi be kusɔ jigaya nɛ kesakalea be kebaawɔtɔ na so.”

Ezikɛl 8:17

Nɛ Enyɛnpe Ebɔrɛ na kaŋɛ ma: “Dimɛdi pibi, fo wu kede a? Fo tama fanɛ k la kusɔ fɔmbi nna fanɛ Juda be basa ere kaa beeŋ baa wora asheŋ lubi lubi ere ashi nfe a? A daga fanɛ b baa ta akɔsɔ a kɔ a fin bumo be kepar tintiŋ so kaplɛkama a wora asheŋ nɛ a bee wɔtɔ ma agbo to jemanɛ kikɛ a? Keni kananɛ b ŋaba ma nsaa tege ma ekpa nɛ esa kikɛ maŋ naŋ ŋaba ŋko n tege ma loŋ.

Ezikɛl 8:3

Nɛ k teŋi kusɔ ko to fanɛ enɔ na m pɛ ma emin to. Ndoŋ nna nɛ Ebɔrɛ be Kiyoyu maŋ ma so awɔlto ashi bɔrɛdare to n ta ma n yɔ Jerusalɛm to n ya yili bɔrɛlambu na be epunto be kelɔnɛ na be kabuna nɛ k bee laŋɛ kelargato be esoso be kaba so be kakpa nɛ basa na ta kegbir nɛ k bee shin nɛ Ebɔrɛ be kagbene bee kaa ga na n yili na.

Levitikɔs 19:4

Men sa maŋ kaŋ kplaŋ ma so n ya shuŋ agbir. Men sa maŋ ta abɛlso ŋko kusɔ kama n wora kapɔrduli be yiri kikɛ ŋ ki agbir a shuŋ kumo. Ma e la Enyɛnpe, men be Ebɔrɛ na.

1 Kɔrintebi 10:22

Ŋko anyee sha fanɛ an wɔtɔ Enyɛnpe kayurbesa to nna ŋ keni? Anyi e chɔ mo eleŋ a?

Ditɛronɔmi 32:21

B daŋ bunyaŋ agbirana nɛ a maŋ kɔ tɔnɔ n shin nɛ ma kukɔrkɔ koso nɛ n nya agbo. Amoso meeŋ shin nɛ men be kukɔrkɔ nɛ agbo e koso, ŋkpal kusɔ nɛ meeŋ wora efuli nɛ k maa wu kuwɔr nsaa maa kɔ tɔnɔ be basa so.

Ditɛronɔmi 9:24

Ma ere ka baa nyi menyi kikɛ, men baa la basa nɛ menyee lar Enyɛnpe Ebɔrɛ kaman nna.

Demujipoana 5:8

Jemanɛ nɛ Israɛlebi lara agbir popɔr a shuŋ na, nɛ kena ku bumo be ndeana to. Ama b daa maa kɔ abɛlso be asɔ kuŋso, ŋko akpa nɛ baaŋ ta ŋ kɔ.