1 Bewura 14:4 - EBƆRƐ BE KAWƆL

⁴ Ndoŋ nna nɛ ewura Jeroboam be eche yɔ anebi Ahija pe ashi Shilo. Loŋ be saŋɛ nɛ Ahija bel hale nɛ mbe anishi tan.

1 Bewura 14:4 ပူးပေါင်းရင်းမြစ်များ

Jɛnesis 27:1

Aizek ka bel nsaa maŋ naa wu nɛnɛ nɛ e tre mo pibinyɛn nimuso Isɔɔ kachako ŋ kaŋɛ mo: “M pibi.” Nɛ Isɔɔ shuli ŋ kaŋɛ: “Ma nde.”

Jɛnesis 48:10

Jemanɛ na so nɛ Jeekɔb maŋ naa wu nɛnɛ ŋkpal mbel so so. Ndoŋ nna nɛ Josɛf gberge mbe mbia na m ba mo tuto kutɔ nɛ e lala bumo so kashaso nseŋ pɛ m pɛ bumo m mata m mata mbe kumu.

1 Bewura 11:29

Kachako, Jeroboam ka lar Jerusalɛm a yɔ kade ko, nɛ Enyɛnpe Ebɔrɛ be anebi nɛ baa tre Ahija nɛ e shi Shilo be kade to na tu mo nawule kepuŋ to kade na be ekpa to.

1 Bewura 14:2

Ndoŋ nna nɛ ewura Jeroboam kaŋɛ mbe eche le: “Chɛrga fo asɔbuuso saŋɛ na so esa kama maaŋ pin fo, nɛ fo yɔ Shilo, kakpa nɛ anebi Ahija nɛ e kaŋɛ ma fanɛ meeŋ ki Israɛl be ewura na wɔ na.

Nshɛ 90:10

Nfɛ nɛ anyee ji kikɛ la nfɛ adushunu nna, nɛ an baa kɔ eleŋ malɛ nɛ an ji nfɛ aduburwa; Ama etɔrɔ wurbi nɛ kagbenejija damta e wɔ amo to, ŋkpal manɛ so, a maa chɛr nsaa choŋ fanɛ afu.

Kaŋinichiŋgeliŋ 12:3

Ndoŋ nna nɛ fo mbre nɛ e bee kuŋ fo na e fara a chicha nɛ fo aya nɛ e kɔ eleŋ kabre ere e paŋ amo be eleŋ. Fo anyii damta na beeŋ gbaŋ n tɔr nseŋ ka gbrɛbi nɛ fo maaŋ naŋ tiŋ ŋ we ajibi to nɛnɛ nɛ fo anishi malɛ maaŋ naa wu nɛnɛ.

Ditɛronɔmi 34:7

Mosis daŋ ji nfɛ kalfa nɛ adunyɔ nna nseŋ wu, ama e daŋ kraa kɔ eleŋ nna fanɛ kabrantiɛ, nɛ mbe anishi malɛ daŋ kraa wu nɛnɛ.

Joshuwa 18:1

Israɛlebi na ka kɔ n sɔ kasawule na n loge, nɛ bumo kikɛ ya gama abar so ashi Shilo nseŋ yuu Enyɛnpe Ebɔrɛ be nshɛr be wajɛbu ndoŋ.

1 Samuɛl 3:2

Loŋ be saŋɛ na nɛ Eli maŋ naa wu nɛnɛ. Kachako kanyɛso nɛ Eli dese mbe ebu to,

1 Samuɛl 4:15

Kumo be jemanɛ so nɛ Eli la nfɛ adekpanu nɛ aburwa. Mo alɛ daa maŋ naa wu.