1 Bewura 14:23 - EBƆRƐ BE KAWƆL

²³ B daŋ pɔr agbirlambuana nna nseŋ ta ajembu m pɔr eshabɔrɛ nɛ kegbirche Ashira be mpɔrduli n yili abee so nɛ ndibigboŋ nɛ a maaŋ gbaŋgbaŋ amo be afantaŋ be afito nsaa bunyaŋ amo.

1 Bewura 14:23 ပူးပေါင်းရင်းမြစ်များ

1 Bewura 12:31

Ewura Jeroboam gba daŋ wora kakpa nɛ baa shuŋ agbir nna ashi abee so nseŋ lara basa nɛ b maŋ shi Livai be kanaŋ to nɛ b ki bɔrɛmatapoana.

1 Bewura 14:15

Enyɛnpe Ebɔrɛ beeŋ gberge Israɛlebi kusoe nɛ b baa chicha fanɛ kananɛ nchu bee shile a bɛr nchu to be afitiri nɛ a bee yigbuŋ to na. E beeŋ nya agbo nseŋ lara Israɛlebi ashi kasawule lela nɛ e ta n sa bumo nananyɛnana na so nseŋ shin nɛ b pesaŋ to n ya baŋ Yufreetes be lɔrgboŋ be epeŋilarkpa be kaba so kufɔ kufɔ ŋkpal b ka bee shuŋ kegbir nɛ baa tre Ashira na so so.

1 Bewura 15:12

E daŋ ju esakalenyɛn nɛ esakaleche nɛ baa shuŋ kakpa nɛ nnyamase bee shuŋ agbir na nna nseŋ mur agbir nɛ mo nananyɛnana daŋ lɔŋɛ na kikɛ.

1 Bewura 20:23

Nɛ ewura Bɛnhadad be benimuana malɛ kaŋɛ mo le: “Abee so nɛ Israɛlebi na be agbir wɔ, amoso nɛ b tiŋ ŋ kɔ m pɔɔ anyi so abee so na. Nɛ an baŋ kɔ bumo keplasawule, anyeeŋ pɔɔ bumo so.

1 Bewura 3:2

Kumo be saŋɛ na nɛ b maŋ naŋ pɔr bɔrɛlambu n sa Enyɛnpe Ebɔrɛ na, ŋkpal loŋ so abee so be mboŋ ko nɛ ekama daa yɔ n ya kaa bunyaŋ Ebɔrɛ nsaa lara sarga.

1 Bewura 3:3

Ewura Sɔlɔmɔn ka daa sha Enyɛnpe Ebɔrɛ ga so, e daŋ bɛ kusɔ nɛ mo tuto ewura Deevid kaŋɛ mo so nna. Mo alɛ gba daa ta asɔbɔya nna a lara sarga nsaa chɔɔ duwu ashi abee so be kakpa nɛ baa bunyaŋ Enyɛnpe Ebɔrɛ na.

2 Bewura 10:26

n ya lara kegbir na be kapɔrduli nɛ k wɔ ndoŋ na n chɔɔ.

2 Bewura 16:4

Ahaz daa lara mbe esarga nsaa chɔɔ duwu mboŋ nɛ nnyamase bee shuŋ bumo be agbir ashi abee so nɛ ndibi be afito nna.

2 Bewura 17:16

Israɛlebi na daŋ kini kebɛ Enyɛnpe bumo be Ebɔrɛ na be mbra so nna nseŋ ta shuwa n lɔŋɛ egbolu fɔlbi anyɔ a shuŋ amo. B daŋ naŋ lɔŋɛ kegbirche Ashira gba be kapɔrduli nna nsaa shuŋ kumo nɛ achɛkpabi nɛ kegbir nɛ baa tre Baal na.

2 Bewura 17:19

Judaebi na gba daa maŋ naa bɛ Enyɛnpe bumo be Ebɔrɛ na be mbra so nɛnɛ. Kusɔ nɛ Israɛlebi na daŋ wora na gbagba nɛ bumo alɛ gba daa wora.

2 Kronikɛls 24:18

Basa na daa maŋ naa yɔ bɔrɛlambu na to n ya kaa bunyaŋ bumo nananyɛnana be Ebɔrɛ na. B daŋ naŋ fara nna a shuŋ agbir nɛ kegbirche Ashira be kegbir be kapɔrduli. Ŋkpal kulubi nɛ b wora ere so, Enyɛnpe Ebɔrɛ be agbo daŋ ba Juda nɛ Jerusalɛm be basa so nna.

2 Kronikɛls 28:4

Ewura Ahaz daa lara mbe esarga nsaa chɔɔ duwu, ashi nnyamase be mboŋ nɛ baa shuŋ bumo be agbir nɛ abee so nɛ ndibi be afito nna.

Ɛksodɔs 34:13

Ama men bure m bure bumo be agbirana nɛ amo be elambuana nseŋ ku kegbirche Ashira be ndulgi be ndibiana na n lɛ.

Aizaaya 57:5

Menyi ka bee shuŋ agbirana nɛ menyee fɛ fanɛ e bee sa kakurge so, men wɔtɔ nna a di abar keche nɛ kenyɛn ashi ndibigboŋ nɛ menyee shuŋ agbir na amo be afito. Menyi alɛ naa ta menyi be mbia a lara esarga ashi abeelaŋ nɛ ataŋɛ chiŋgeliŋ nɛ a wɔ abeemase na nna.

Jɛremaya 17:2

Menyi be basa yuu nnyamase be agbirsure nna a shuŋ kegbirche nɛ baa tre Ashira na ashi efuli na so be abeebi nɛ abeegboŋ nɛ ndibigboŋ nɛ e kɔ afantaŋ ga kikɛ be afito. Amoso meeŋ ta asɔ nɛ men kɔ kikɛ nɛ menyi be agbirsure n ti so n sa men doŋana.

Jɛremaya 2:20

Kumo be kaman nɛ Enyɛnpetale Ebɔrɛ naŋ kaŋɛ le: “Israɛlebi, dra na kikɛ nɛ men kini ma kebaawɔ wɔ menyi. Menyi alɛ kini fanɛ men maaŋ wora ma kasonu ŋko n shuŋ ma. Men daa shuŋ agbirana ashi abeebi so nɛ ndibigboŋ nɛ e kɔ afantaŋ ga be afito nna, a fɛ fanɛ amo e naa sa menyi mbia.

Jɛremaya 3:13

Fo ere e shuli so fanɛ fo lar Enyɛnpe fo Ebɔrɛ na kaman nseŋ wora n jija. Shuli so nseŋ m bugi to ŋ kaŋɛ fanɛ fo ta fo kasha n sa agbirana nɛ e wɔ ndibigboŋ be afito nna nseŋ kini kewora ma mbraana kasonu.

Ezikɛl 6:13

Jemanɛ nɛ bumo be basa beeŋ wu n dese abeebi nɛ abeegboŋ be awɔlto nɛ ndibi gboŋ be yiri nɛ a la bumo be agbirana be eshuŋkpaana nɛ baa chɔɔ duwu a sa bumo be agbirana kikɛ be afito na nɛ baaŋ pin fanɛ ma e la Enyɛnpetale Ebɔrɛ na.

Ezikɛl 6:3

ŋ kaŋɛ: ‘Israɛl be abee, men nu Enyɛnpetale Ebɔrɛ na be kubɔya.’ ” E yɛ: “Ŋ kɔ tokobi nna a ba abee nɛ agoŋgulombi nɛ amantaŋ nɛ ataŋɛ kikɛ so nɛ m ba mur mboŋ nɛ basa bee shuŋ agbirana na.

Ezikɛl 6:6

Israɛl be efuli so be nde kikɛ beeŋ mur nɛ bumo be agbirshuŋkpaana kikɛ e bure m bure. Kumo be kaman, nɛ bumo be kusɔ kama e ki fuloŋ.

Hoziya 10:1

Israɛl be basa daa du nna fanɛ asɔrso nɛ baa tre greep na be kefeelebi. B baa dii dama baa pere kenishi nna a pɔr ebɔrɛsure damta. Bumo be adɔjibi baa wora nɛnɛ baa pere kenishi nna a lɔŋɛ kakpa nɛ baa shuŋ agbir na nɛnɛ.

Levitikɔs 26:1

Ndoŋ nna nɛ Enyɛnpe Ebɔrɛ naŋ kaŋɛ: “Men sa maŋ kaŋ lɔŋɛ agbirana ŋko n wora mpɔrduli nɛ ajembu be eshabɔrɛ n yili, ŋko n shɛl ajembu a shuŋ amo. Ma e la Enyɛnpe menyi be Ebɔrɛ na.

Maika 5:14

Meeŋ bure kegbirche nɛ baa tre Ashira na be mpɔrduli kikɛ ashi men be kasawule so nseŋ mur menyi be ndegboŋana gba.

Ditɛronɔmi 12:2

Men ya jija abee jeŋgreŋ nɛ agoŋgulombi nɛ ndibigboŋ nɛ basa na ta ŋ ki bumo be agbirshuŋkpa na kikɛ.

Ditɛronɔmi 16:22

Menyi alɛ e sa maŋ kaŋ yuu kegbir jembu kikɛ ashi Enyɛnpe Ebɔrɛ na be bɔrɛsure na ase kikɛ. Ŋkpal manɛ so, Enyɛnpe Ebɔrɛ na kishi amo nna.”