1 Bewura 14:11 - EBƆRƐ BE KAWƆL

¹¹ Njɔnɔ malɛ e naaŋ ji fo kanaŋ to be esa kama nɛ e wu kade to, nɛ ejita malɛ e ji ekama nɛ e wu kupuŋ to. Ma Enyɛnpe Ebɔrɛ na e malga na.’ ”

1 Bewura 14:11 ပူးပေါင်းရင်းမြစ်များ

1 Bewura 13:34

Le be kulubi nɛ e wora ere e naaŋ shin mbe kuwurji e tɔr nseŋ mur cheche kachako.

1 Bewura 15:29

Baasha ka baŋ ji kuwura nɛ e mɔ Jeroboam be kanaŋ to be basa kikɛ, nɛ kusɔ nɛ anebi Ahija nɛ e shi Shilo na daŋ kaŋɛ fanɛ, Jeroboam be kanaŋ to be esa kama maaŋ pete na bɔlɔ so.

1 Bewura 16:3

Ŋkpal loŋ so meeŋ mur fo nɛ fo kanaŋ kikɛ, fanɛ kananɛ n wora ewura Jeroboam nɛ mbe kanaŋ na.

1 Bewura 16:4

Njɔnɔ e naaŋ we fo kanaŋ to be esa kama nɛ e wu kade to, nɛ ejita malɛ e ji ekama nɛ wu kade na be kupuŋ to.”

1 Bewura 21:19

n ya kaŋɛ mo fanɛ ma Enyɛnpe Ebɔrɛ na e naa kaŋɛ mo fanɛ naniere fo ka mɔ Nabɔf na, mbe kapetɛ e ka nɛ fo ta ŋko? Kaŋɛ mo fanɛ kakpa nɛ njɔnɔ dente Nabɔf be ŋklaŋ na, ndoŋ gbagba nɛ baaŋ dente mo alɛ gba be ŋklaŋ!”

2 Bewura 9:9

Kananɛ m baŋ wora Israɛl be ewura Jeroboam nɛ mbe kanaŋ nɛ ewura Baasha nɛ mbe kanaŋ na gbagba nɛ meeŋ wora Ahab malɛ gba.

Aizaaya 40:5

Saŋɛ na so, Enyɛnpe Ebɔrɛ na be keshi nɛ kemaŋkura beeŋ lar efuli nɛ basa kikɛ e wu kumo. Enyɛnpe Ebɔrɛ na gbagba e nase kumo be kɔnɔ!”

Aizaaya 66:24

Kumo be kaman nɛ ma basa e lar kowu n ya wu basa nɛ b lar ma kaman ŋ kilgi a kɔ ma na be kebuniana. Ashushombi nɛ a beeŋ ji bumo na maaŋ wu kikɛ. Edɛ nɛ a beeŋ chɔɔ bumo m mur na malɛ gba maaŋ duŋ kikɛ. Bumo be asheŋ beeŋ keta ekama nɛ e beeŋ wu bumo kenishiso kejija.”

Jɛremaya 15:3

Ma, Enyɛnpe Ebɔrɛ na teŋ yili kumo nna fanɛ asheŋ lubi ana ko e naŋ wora bumo. Baaŋ wu kena to nɛ njɔnɔ e baa gbeye bumo be eyurana a kulti nɛ mbuibi e ji bumo be beko nɛ kupuŋ to be asɔbɔya malɛ e we bumo nɛ baŋ ka na.

Jɛremaya 34:20

Meeŋ shin nɛ men doŋana e mɔ bumo nɛ bumo be kebuniana e ki kusɔ jiso n sa mbuibi nɛ kupuŋ to be asɔbɔya.

Nɔmbɛs 23:19

Ebɔrɛ maŋ la dimɛdi nna a ku efɛ ŋko nyiŋgbasa a chɛrga mbe nfɛra, kusɔ kama nɛ e nase kɔnɔ fanɛ e beeŋ wora, mo alɛ beeŋ wora kumo. E bee malga nna nɛ k bee wora.