1 Bewura 13:5 - EBƆRƐ BE KAWƆL

⁵ Nɛ bɔrɛsure na bureto nɛ kumo be nsunɔ na franyaŋ to fanɛ kananɛ anebi na kaŋɛ ashi Enyɛnpe Ebɔrɛ be ketre to na gbagba.

1 Bewura 13:5 ပူးပေါင်းရင်းမြစ်များ

1 Bewura 13:3

Kusɔ nɛ feeŋ ta m pin fanɛ Enyɛnpe Ebɔrɛ na e bɔla ma to a malga e la fanɛ: “bɔrɛsure ere beeŋ tɔr m bureto nɛ kumo be nsunɔ e franyaŋ to.”

1 Bewura 13:4

Ewura Jeroboam ka nu loŋ, nɛ e teŋi enɔ ŋ ŋini anebi na nseŋ kaŋɛ: “Men pɛ mo!” Epul na to nɛ mbe enɔ na wɔl nɛ e nyɔŋ kumo to ŋ gben.

1 Bewura 13:6

Ndoŋ nna nɛ ewura Jeroboam kaŋɛ anebi na le: “Jande kule Enyɛnpe fo Ebɔrɛ na nɛ e chɛ ma enɔ n sa ma!” Nɛ anebi na kule Ebɔrɛ nɛ mbe enɔ na nya alenfia.

1 Bewura 17:16

Ŋkpal kɔnɔ nɛ Enyɛnpe Ebɔrɛ daŋ bɔla anebi Elaija so n nase na so, nyifu nɛ a wɔ katishaŋ na to na daa maŋ loge nɛ ŋku nɛ a daa wɔ kɔlba na to na gba daa maŋ loge.

1 Bewura 22:28

Nɛ anebi Mikaya kaŋɛ le: “Fo baŋ bɛta m ba nɛ alenfia bre, kumo ere mannɛ Enyɛnpe Ebɔrɛ na e malga n sa ma!” Nseŋ kilgi ŋ kaŋɛ jimaŋ na le: “Men sa maŋ kaŋ teŋ kusɔ nɛ ŋ kaŋɛ ere so.”

1 Bewura 22:35

B ka bee kɔ kena na kacha lelemu kikɛ na, nɛ ewura Ahab gbar mbe gbaŋɛturko to a keni Siriyaebi na. Nɛ kakpa nɛ ketanyembi na da mo na shile ŋklaŋ hale nɛ mbe gbaŋɛturko kikɛ to sɔ ŋklaŋ. Epeŋi ka bee tɔr nɛ e wu.

Eemɔs 3:14

“Kachɛ nɛ meeŋ gberge Israɛl be basa kusoe ŋkpal bumo be alubi so na, nɛ meeŋ mur Bɛtɛl be kade to gba be ebɔrɛsureana. Ebɔrɛsureana na be abonfu kikɛ beeŋ bure n tɔr keshishɛrpumpuŋ to.

Maak 16:20

Bebɛsopo na ya bɔ bumo be kubɔya kaplɛkama nɛ bumo nɛ Enyɛnpe shuŋ nɛ Enyɛnpe ta etɔɔnɛsheŋ ŋ ŋini fanɛ bumo be kubɔya na la kashenteŋ nna. Amɛn.]

Ditɛronɔmi 18:22

Nɛ fanɛ anebi baŋ sa kubɔya ko ashi Enyɛnpe Ebɔrɛ na be ketre to nɛ k maŋ ba kashenteŋ nseŋ wora m bɔlɔ so, kumo ere kubɔya na maŋ shi Enyɛnpe Ebɔrɛ na kutɔ nna na. Anebi na gbagba be nfɛra to nɛ kubɔya na shi nɛ a maŋ daga fanɛ men baa ŋana loŋ be anebi na.