1 Bewura 13:34 - EBƆRƐ BE KAWƆL

³⁴ Le be kulubi nɛ e wora ere e naaŋ shin mbe kuwurji e tɔr nseŋ mur cheche kachako.

1 Bewura 13:34 ပူးပေါင်းရင်းမြစ်များ

1 Bewura 12:26

Ndoŋ nna nɛ Jeroboam fɛ le: “Kananɛ asheŋ bee nite naniere, nɛ n shin nɛ ma basa bee yɔ bɔrɛlambu na to ashi Jerusalɛm n ya kaa lara esarga a sa Enyɛnpe Ebɔrɛ, baaŋ shile m bɛ Juda be ewura Rehoboam so nseŋ mɔ ma.”

1 Bewura 12:30

Nɛ basa na wora kulubi ŋ gbiti Ebɔrɛ ŋkpal b ka bee yɔ Bɛtɛl nɛ Dan be nde to n ya ka shuŋ agbir na so.

1 Bewura 14:1

Saŋɛ nɛ ewura Jeroboam bee wora alubi a gbiti Enyɛnpe Ebɔrɛ na nɛ kulɔ pɛ mo pibinyɛn Abija.

1 Bewura 14:10

Ŋkpal kusɔ nɛ fo wora ere so meeŋ mur fo kuwurji nseŋ mɔ fo kaman to ebi nɛ b la benyɛn nɛ benimu nɛ mbia kikɛ. Meeŋ mur fo kanaŋ nɛ b ki fanɛ kananɛ anabin bee chɔɔ a mur na.

1 Bewura 14:11

Njɔnɔ malɛ e naaŋ ji fo kanaŋ to be esa kama nɛ e wu kade to, nɛ ejita malɛ e ji ekama nɛ e wu kupuŋ to. Ma Enyɛnpe Ebɔrɛ na e malga na.’ ”

1 Bewura 14:16

Enyɛnpe Ebɔrɛ beeŋ kplaŋ Israɛlebi so ŋkpal ewura Jeroboam ka wora kulubi nseŋ shin nɛ Israɛlebi kikɛ wora alubi so.”

1 Bewura 14:7

Ya kaŋɛ ewura Jeroboam fanɛ le nɛ Enyɛnpe nɛ e la Israɛl be Ebɔrɛ na yɛ: ‘N lara fo ashi fo basa to nna nseŋ ta fo ŋ ki ma basa Israɛlebi na be ejuŋkparpo.

1 Bewura 15:25

Ewura Asa ka ji Juda be kuwura be kafɛ nyɔsopo to nɛ ewura Jeroboam pibinyɛn Nadab malɛ ki Israɛl be ewura nseŋ ji Israɛl be kuwura nfɛ anyɔ.

1 Bewura 15:26

Kananɛ mo tuto daŋ baŋ wora kulubi na gbagba chap nɛ mo alɛ gba daŋ wora, hale n shin nɛ Israɛl tɔr kulubi to.

1 Bewura 21:22

Kananɛ n wora Nebat pibinyɛn ewura Jeroboam nɛ Ahija pibinyɛn ewura Baasha na, nɛ mee shin nɛ n wora fo alɛ gba, ŋkpal fo ka wɔtɔ ma agbo to nseŋ shin nɛ ma basa Israɛlebi luri kulubi to so.’

2 Bewura 10:29

Ama ewura Jehu gba wora alubi nɛ ewura Jeroboam daŋ wora saŋɛ so nɛ e ta shuwa n lɔŋɛ egbolufɔlbi nɛ Israɛl be basa shuŋ amo ashi Bɛtɛl nɛ Dan na nna.

2 Bewura 10:31

Ama Jehu daa maŋ ta mbe kagbene kikɛ m bɛ Enyɛnpe nɛ e la Israɛl be Ebɔrɛ na be mbra so. E daa wora alubi nɛ Jeroboam daŋ wora nseŋ shin nɛ Israɛl be efuli tɔr kulubi to na nna.

2 Bewura 17:21

Enyɛnpe Ebɔrɛ ka barga Israɛl be efuli ashi Juda be efuli to na be kaman pɔɛŋ nɛ Israɛlebi na shin nɛ Nebat pibinyɛn Jeroboam ki bumo be ewura. Jeroboam daŋ shin nna nɛ b kini Ebɔrɛ nseŋ wora alubi nɛ a maŋ walɛ kekeni kikɛ.

Aŋasa 13:6

Kebaawora asheŋ niŋiso bee kuŋ esa niŋiso nna, ama alubi bre bee da basa lubi nna a lɛ.

Jɛremaya 28:16

Amoso kusɔ nɛ Enyɛnpe Ebɔrɛ na bee kaŋɛ e la fanɛ e beeŋ lara fo ashi durnya to. Pɔɛŋ nɛ kafɛ ere e fo ekar feeŋ wu, ŋkpal fo ka ku efɛ n sa basa ere nɛ b lar Enyɛnpe Ebɔrɛ na kaman nseŋ kini mo so.”

Hoziya 10:8

Avɛn be kebee be esoso be kakpa nɛ Israɛl be basa bee shuŋ agbir na kikɛ beeŋ mur, nɛ ewi nɛ afeelebi a kɔr n daŋ m buu bumo be ebɔrɛsureana na so. Ndoŋ nna nɛ b kaŋɛ le: “Abeegboŋ, men ta anyi ŋ ŋana! Abeebi, men bure m buu anyi so!”