1 Bewura 13:21 - EBƆRƐ BE KAWƆL

²¹ fanɛ e kaŋɛ Juda be anebi na le: “Enyɛnpe Ebɔrɛ yɛ, fo maŋ wora mo kasonu, nseŋ kini kusɔ nɛ e kaŋɛ fanɛ fo wora na.

1 Bewura 13:21 ပူးပေါင်းရင်းမြစ်များ

Jɛnesis 3:7

B ka ji kusɔrso na nɛ bumo benyɔ kikɛ be anishi bugi nɛ b pin fanɛ b na kayurkpaŋ nna. Ndoŋ nna nɛ b chuge kedibi nɛ baa tre figi na be afantaŋ m ba m mata abar n dela.

2 Samuɛl 24:13

Nɛ Gad yɔ ewura Deevid kutɔ n ya kaŋɛ mo kusɔ nɛ Enyɛnpe Ebɔrɛ kaŋɛ. E yɛ: “Asɔ ere be kumo nɛ feeŋ baa sha? Akoŋgboŋ be ketɔr fo kasawule so nfɛ asa ŋko fo keshile fo doŋana afɔl asa ŋko kulɔ be aleblawu ko be keba fo kasawule so nchɛnsa? Fɛ kumo be asheŋ nseŋ kaŋɛ ma kusɔ nɛ fee sha fanɛ ŋ kaŋɛ Enyɛnpe Ebɔrɛ.”

2 Samuɛl 6:7

Epul to nɛ Enyɛnpe Ebɔrɛ na nya agbo ga n wɔtɔ Uzza nseŋ mɔ mo, ŋkpal e ka maŋ sa mo bunyaŋ so. Uzza daŋ wu n dese ŋkre be deka na ase nna.

1 Bewura 13:17

ŋkpal manɛ so Enyɛnpe Ebɔrɛ na kaŋɛ ma nna fanɛ n sa maŋ kaŋ ji ŋko n nuu shɛŋ, ŋko n naŋ bɔla ekpa nɛ m bɔla so m ba na n yɔ epe.”

1 Bewura 13:20

B ka tase a ji na nɛ Enyɛnpe Ebɔrɛ kaŋɛ anebi nimuso na

1 Bewura 13:22

E yɛ kakpa nɛ e kaŋɛ fanɛ fo sa maŋ kaŋ ji nɛ fo ba chena n ji. Amoso ŋkpal kusɔ nɛ fo wora ere so, feeŋ wu nɛ b maaŋ puli fo kakpa nɛ b puli fo kanaŋ to ebi na.”

1 Bewura 20:36

Ndoŋ nna nɛ anebi na kaŋɛ mo le: “Ŋkpal fo ka kini kebɛ Enyɛnpe Ebɔrɛ be kɔnɔ so so, fo baŋ lar ŋ kutɔ nfe, buluŋ beeŋ mɔ fo.” E ka lar malɛ, epul na to nɛ buluŋ mɔ mo.

Ɛsta 6:13

n ya kaŋɛ mbe eche nɛ mo teriana kusɔ nɛ k nya mo kikɛ. Ndoŋ nna nɛ mbe eche nɛ mo teriana na kaŋɛ mo le: “Mɔdikaya ka la Juw be esa ere bre fo maaŋ tiŋ m pɔɔ mo so kikɛ. Baa nyi fanɛ fo eleŋ baa fo ekar nna na. Feeŋ ki esa fuloŋ.”

Jɛremaya 2:19

Menyi gbagba be asheŋ lubi e naŋ gberge menyi kusoe, nɛ menyi be kekini ma malɛ ji m bri menyi. Saŋɛ na so nɛ men pin fanɛ men be kekini kebaaji kashenteŋ a sa ma, Enyɛnpe menyi be Ebɔrɛ na bee besa nsaa maŋ walɛ. Ma Enyɛnpetale Ebɔrɛ e kaŋɛ na.”

Levitikɔs 10:3

Ndoŋ nna nɛ Mosis kaŋɛ Ɛɛrɔn: “Kusɔ nɛ Enyɛnpe Ebɔrɛ na daa de saŋɛ nɛ e daa malga fanɛ, bekama nɛ baa shuŋ mo daga b bɔla mbe kecheembiya so n sa mo bunyaŋ. Mo alɛ beeŋ shin nɛ mbe kemaŋkura a dii efuli ashi mbe basa to nɛ b bunyaŋ mo.” Ama Ɛɛrɔn daa maŋ kaŋɛ shɛŋ.

Nɔmbɛs 20:12

Ama le nɛ Enyɛnpe Ebɔrɛ daŋ kaŋɛ Mosis nɛ Ɛɛrɔn: “Ŋkpal men ka maŋ yirda ma nseŋ kini keshin nɛ Israɛlebi na pin ma eleŋ so, men maaŋ juŋkpar bumo n yɔ kasawule nɛ n nase kɔnɔ fanɛ meeŋ sa bumo na so.”

Nɔmbɛs 20:24

“Ɛɛrɔn be keya maaŋ cha kasawule nɛ n nase kɔnɔ fanɛ meeŋ ta n sa Israɛlebi na so. Ŋkpal menyi benyɔ ka kini kenu n sa ma ashi Mɛriba na so, meeŋ shin nɛ e wu.

Kelaraŋŋini 3:19

Ma ere, basa nɛ mee sha nɛ mee fiɛ so nsaa ŋini bumo ekpa, amoso, men yeŋi so n lar men be alubi to.

1 Samuɛl 15:19

Manɛ nna nɛ fo maŋ wora kasonu n sa Enyɛnpe Ebɔrɛ? Manɛ nna nɛ fo kuse n ya muu asɔ lela na kikɛ nseŋ shin nɛ Enyɛnpe Ebɔrɛ nya agbo?”

1 Samuɛl 4:18

Eli daa tase mbe kabɛ so nna m mata kade na be egbal be kabunagboŋ na nɛ kanyɛn na ba kaŋɛ fanɛ Filistiebi na ta ŋkre be deka na n choŋ, nɛ e lar mbe kabɛ na so n tɔr mbe kaman. Ŋkpal mo alɛ ka daŋ bel ga nsaa shi so nɛ mbe kubɔ bu nɛ e wu. Nfɛ adena nɛ e daŋ juŋkpar Israɛlebi na.