1 Bewura 13:14 - EBƆRƐ BE KAWƆL

¹⁴ n ju m bɛ anebi nɛ e shi Juda na so. E ka ya wu mo nɛ e chena kedibi gboŋgboŋi ko be kifi to, nɛ e bishi mo le: “Fo e la Juda be anebi na a?” Nɛ kanyɛn na kaŋɛ le: “Mm, ma nna.”

1 Bewura 13:14 ပူးပေါင်းရင်းမြစ်များ

Jɛnesis 12:6

B ka ya fo Keenan nɛ Eebram nite ŋ kulti kasawule na so hale n ya fo More be kedibigboŋ na ase, ashi Shɛkɛm. Kumo be saŋɛ malɛ nɛ Keenanebi kraa tase kasawule na so.

1 Bewura 13:13

Ndoŋ nna nɛ anebi nimuso na shin nɛ b ta gaare n deŋi mbe kurma so, nɛ e dii mo,

1 Bewura 13:15

Nɛ anebi nimuso na kaŋɛ mo le: “An yɔ laŋ to nɛ fo ya ji kusɔ ko.”

1 Bewura 19:4

Anebi Elaija be kachɛ lelemu nɛ e na kiyi to. Ndoŋ nna nɛ e ba tu kedibi ko n chena kumo be kifito nseŋ fɛ fanɛ e daŋ wu gba k bɔ mo so. Kumo be kaman nɛ e kule Ebɔrɛ ŋ kaŋɛ le: “Enyɛnpe, asheŋ ere bre chɔ ma so. Lara ma ŋkpa, ŋkpal manɛ so n chɛr a beeŋ wu nna!”

Baru lela nɛ Jɔn kute na 4:34

Ndoŋ nna nɛ Yesu kaŋɛ bumo le: “Ma ajibi e la kewora esa nɛ e shuŋi ma na be aparsheŋ nɛ keloge mbe kushuŋ.

Baru lela nɛ Jɔn kute na 4:6

Jeekɔb be ketirbu daa wɔ ndoŋ nna nɛ Yesu nite ŋ gben m ba fo ndoŋ kapaso chɛŋchɛŋ nseŋ kilgi n chena ketirbu na ase.

2 Kɔrintebi 11:27

Saŋkikɛ ma nɛ kegben nɛ kebaawɔtɔ kpakpaso e wɔtɔ. Saŋɛ damta ma nɛ kadigal nna, akoŋ mɔ ma nɛ achukoŋ pɛ ma. Saŋɛ damta m maŋ kɔ ajibi nɛ n ji saŋko nɛ n dese awo to saŋko m maaŋ ba kɔ asɔbuuso.