1 Bewura 12:20 - EBƆRƐ BE KAWƆL

²⁰ Ndoŋ nna nɛ Israɛlebi na tre Jeroboam nɛ e shi Ijipt be efuli so m bɛta m ba Jerusalɛm na m buu mo Israɛl be kuwura. Nɛ Juda nɛ Bɛnjamin be eyiri na nawule ka a bɛ ewura Deevid be kaman to ebi so.

1 Bewura 12:20 ပူးပေါင်းရင်းမြစ်များ

2 Samuɛl 20:2

Ndoŋ nna nɛ Israɛl be basa na shile ewura Deevid n ya bɛ Shɛba so, ama Juda be basa na bre daŋ bugi kagbene nna m bɛ Deevid so ashi Jɔɔdan be Lɔr na ase kikɛ hale n ya fo Jerusalɛm.

1 Bewura 11:13

Ma alɛ maaŋ sɔ efuli na kikɛ mo kutɔ ŋkpal ma kayɛrbi ewura Deevid nɛ Jerusalɛm nɛ k la ma kade na so. Meeŋ yige efuli na be kaba ko n sa mo.”

1 Bewura 11:26

Nebat pibinyɛn Jeroboam nɛ e shi Efrayim be kade ko nɛ baa tre Zereda nseŋ daa la ewura Sɔlɔmɔn be benimuana na be eko na gba daŋ kilgi nna ŋ ki ewura Sɔlɔmɔn mo doŋ. Mo nio Zeruwa daa la ekulpoche nna.

1 Bewura 11:32

Ama ŋ kraa beeŋ shin nɛ Sɔlɔmɔn e baa ji efuli na be kaba ko so nɛ Jerusalɛm nɛ k la ma kade laraso ashi Israɛl be efuli so na so kuwura ŋkpal e ka la ma kayɛrbi ewura Deevid pibinyɛn na so.

1 Bewura 11:35

Ewura Sɔlɔmɔn bre pibinyɛn be enɔ to nɛ meeŋ sɔ kuwurji na nseŋ ta eyiri kudu na n sa fo,

1 Bewura 11:36

nseŋ shin nɛ kuwurji na be kaba ko e baa kraa wɔ Sɔlɔmɔn pibinyɛn na be enɔ to, saŋɛ na so ewura Deevid be kanaŋ to be esa beeŋ baa kraa ji kuwura ashi Jerusalɛm be kade nɛ n lara fanɛ b baa bunyaŋ ma na to.

1 Bewura 11:37

Ama fo ere Jeroboam bre, meeŋ shin nɛ fo nya kusɔ nɛ fo kagbene bee sha, nseŋ ki Israɛl be eyiri kudu nɛ b wɔ kelargato be esoso be kaba so na be ewura.

1 Bewura 12:17

nɛ Juda nɛ Bɛnjamin be kaba so ebi nawule sɔ Rehoboam fanɛ bumo be ewura.”

2 Bewura 17:21

Enyɛnpe Ebɔrɛ ka barga Israɛl be efuli ashi Juda be efuli to na be kaman pɔɛŋ nɛ Israɛlebi na shin nɛ Nebat pibinyɛn Jeroboam ki bumo be ewura. Jeroboam daŋ shin nna nɛ b kini Ebɔrɛ nseŋ wora alubi nɛ a maŋ walɛ kekeni kikɛ.

Hoziya 11:12

Enyɛnpe Ebɔrɛ yɛ: “Israɛl be basa ta efɛ nɛ kafule nna ŋ kulti ma, nɛ Juda malɛ be basa kini kenu n sa ma nɛ n la kashenteŋ be Ebɔrɛ nsaa du cheembi na.

Hoziya 8:4

Ma basa maŋ kaŋɛ ma pɔɛŋ nseŋ lara bumo be bewura. B lara bejuŋkparpo nɛ m maŋ nyi bumo be asheŋ. Bumo be egbiti nɛ eshuwa nɛ b ta n lɔŋɛ agbirana na n yɛr bumo be amu kemur to.

1 Samuɛl 10:24

Ndoŋ nna nɛ Samuɛl kaŋɛ basa na le: “Kanyɛn nɛ Enyɛnpe Ebɔrɛ lara nna na! Esa kama maŋ du fanɛ mo.” Ndoŋ nna nɛ basa na kikɛ cha awɔr ŋ kaŋɛ le: “Ewura! Ebɔrɛ e sa fo ŋkpa tenteŋ!”