1 Bewura 12:1 - EBƆRƐ BE KAWƆL

¹ Rehoboam daŋ yɔ Shɛkɛm nna nɛ Israɛlebi be kelargato be esoso be kaba so be eyiriana nɛ b chala abar a jo mo ndoŋ na, e buu mo kuwura.

1 Bewura 12:1 ပူးပေါင်းရင်းမြစ်များ

Jɛnesis 12:6

B ka ya fo Keenan nɛ Eebram nite ŋ kulti kasawule na so hale n ya fo More be kedibigboŋ na ase, ashi Shɛkɛm. Kumo be saŋɛ malɛ nɛ Keenanebi kraa tase kasawule na so.

1 Bewura 11:43

E ka wu nɛ b puli mo Jerusalɛm nɛ baa tre ewura Deevid be kade to na nɛ mo pibi Rehoboam sɔ mo so ŋ ki ewura.

1 Bewura 12:25

Ewura Jeroboam daŋ naŋ pɔr egbalshin nna n sɔ kumo nɛ b pɔr ŋ kulti Shɛkɛm be kade ashi Efrayim be kebee be efuli so na to nna nseŋ chena ndoŋ n ji nchɛnnyɔ. Ade kikɛ be kaman nɛ e naŋ pɔr egbalshin n sɔ egbal nɛ b pɔr ŋ kulti Penuɛl gba na to.

2 Kronikɛls 11:1

Ewura Rehoboam ka ba Jerusalɛm na, nɛ e tre Bɛnjamin nɛ Juda be yiri na to be benapo lempo ŋgboŋ kalfa nɛ aduburwa m ba abar so. E daa sha keyɔ n ya kɔ Israɛl be eyiri nɛ a wɔ kelargato be esoso be kaba so na kena nna saŋɛ na so efuli na kikɛ beeŋ baa kraa la kukoŋwule.

Nshɛ 60:6

An Nyɛnpe nɛ anyi be Ebɔrɛ, fo nase kɔnɔ fanɛ feeŋ barga kadegboŋ nɛ baa tre Shɛkim na to, nseŋ chige ketaŋɛ nɛ baa tre Sukɔf na to.

Jɛremaya 41:5

benyɛn aduburwa ko daŋ shi nde nɛ baa tre Shɛkɛm nɛ Shilo nɛ Samɛria na nna m ba. B daa kɔ ayu nɛ eduwu be ŋkɛ nna a yɔ nɛ b ya sa Enyɛnpe Ebɔrɛ na bɔrɛlambu na to ashi Jerusalɛm. Bumo alɛ daŋ she bumo be ntɔl nna nseŋ kpɛa bumo be asɔbuuso to nseŋ naŋ ku ŋ ku bumo be eyurana, ŋkpal b ka daa shu keeli so.

Ashuŋ Shunso 7:16

nɛ b ta bumo n yɔ Shɛkɛm n ya puli kebeelaŋ ko nɛ Eebraham daŋ tɔ ashi Hamɔ be kanaŋ to ebi kutɔ na to.

Joshuwa 20:7

Amoso nde nɛ b lara ashi Jɔɔdan be lɔr na be epeŋitɔrkpa e daa la Kadɛsh nɛ k wɔ Galili ashi Naftali be abee be efuli so na nɛ Shɛkɛm nɛ kumo alɛ wɔ Efrayim be abee be efuli so na, nɛ Hibrɔn nɛ k wɔ Juda be abee be efuli so na.

Joshuwa 24:1

Ndoŋ nna nɛ Joshuwa tre Israɛl be eyiriana na kikɛ m ba Shɛchem. Bumo be benimuana nɛ bejuŋkparpo nɛ demujipoana nɛ ekrachiana nɛ e daŋ tre m ba Ebɔrɛ be anishito

Joshuwa 24:32

Kasawule nɛ Jeekɔb daŋ tɔ Shɛchem pibi Hamɔn be mbia kutɔ gbiti be ndarbi kalfa na so nɛ Israɛlebi na daŋ ta Josɛf be awibi ashi Ijipt m ba puli. Josɛf be kanaŋ to ebi e naa ji kasawule na be kapetɛ.

Demujipoana 9:1

Gidiɔn pibinyɛn, Abimelɛk daŋ yɔ mo wɔpaana kutɔ ashi kade nɛ baa tre Shɛkɛm na nna n ya kaŋɛ bumo kikɛ le:

Demujipoana 9:6

Kumo be kaman nɛ Shɛkɛm be benimu nɛ bɔrɛmatapoana nɛ benapo nimusoana na kikɛ shɛr kedibi gboŋgboŋi nɛ k yil m mata kefalta cheembi nɛ k wɔ Shɛkɛm na be kifito nɛ b buu Abimelɛk kuwura.