1 Bewura 11:7 - EBƆRƐ BE KAWƆL

⁷ Ewura Sɔlɔmɔn daŋ pɔr agbirlambu ashi Jerusalɛm be kebee na be epeŋitɔrkpa be kaba so nna nɛ baa shuŋ Mowab be efuli so be kegbir nɛ baa tre Chemɔsh na nɛ Ammɔn be efuli so be kegbir nɛ baa tre Mɔlɛk nɛ Ebɔrɛ kishi ga na.

1 Bewura 11:7 ပူးပေါင်းရင်းမြစ်များ

Jɛnesis 33:2

E daŋ ta mbita na nɛ bumo be mbia nna n juŋkpar nseŋ ta Lia nɛ mbe mbia m bɛ so n ta Reechel nɛ Josɛf m bɛ so lalaloge.

2 Samuɛl 15:30

Nɛ Deevid ta asɔ m buu mbe kumu so nsaa nite aya fuloŋ a shu n yɔ kebeegboŋ nɛ baa tre Ɔlifs na ase a ŋini kagbenejija nɛ k tɔr mo so. Basa nɛ b daa bɛ mo so na gba daŋ ta asɔ nna m buu bumo be amu so a shu a bɛ mo so.

1 Bewura 11:5

Ewura Sɔlɔmɔn daa shuŋ Sidɔn be kade be kegbirche Astat nɛ Ammɔn be efuli so be kegbir Molɛk, nɛ Ebɔrɛ kishi amo be asheŋ ga na nna.

1 Bewura 11:6

E daŋ wora alubi nna ŋ gbiti Enyɛnpe Ebɔrɛ na nsaa maa bugi kagbene a shuŋ mo fanɛ kananɛ mo tuto ewura Deevid daŋ shuŋ mo na.

1 Bewura 11:8

E daŋ pɔr agbir be mboŋ nɛ mbe beche nɛ b shi efuli pɔtɛana so na bee chɔɔ duwu nsaa lara esarga a sa bumo be agbirana gba nna.

1 Bewura 15:12

E daŋ ju esakalenyɛn nɛ esakaleche nɛ baa shuŋ kakpa nɛ nnyamase bee shuŋ agbir na nna nseŋ mur agbir nɛ mo nananyɛnana daŋ lɔŋɛ na kikɛ.

2 Bewura 23:10

Ewura Josaya daŋ bɔla daŋkare be ekpa so nna n jija Tofɛf nɛ k wɔ Bɛnhinnɔm be ketaŋɛ to be bɔrɛsure na, saŋɛ na so b maaŋ naa ta bumo be bibinyɛn ŋko bibiche a lara sarga a sa Mɔlɛk be kegbir na.

2 Kronikɛls 21:11

Ewura Jehoram daŋ pɔr agbir be mboŋ ashi Juda be abee be efuli so nna nseŋ shin nɛ Juda nɛ Jerusalɛm be basa wora alubi ŋ gbiti Enyɛnpe Ebɔrɛ.

Nshɛ 78:58

B daŋ pɔr agbirana nna n yili agurɔŋgu so a shuŋ; n shin nɛ Ebɔrɛ be kukɔrkɔ koso nɛ e nya agbo ga.

Aizaaya 44:19

Esa nɛ e bee lɔŋɛ agbir maŋ kɔ mbe kumu so be eleŋ ŋko nfɛra nɛ e tiŋ ŋ kaŋɛ le: “Ndibi na be ako nɛ n ta m puga edɛ n daŋɛ ajibi n ji nseŋ tɔ eblaŋ edɛ koŋwule na to n we na. Ndibi nɛ a ka na nɛ n ta n lɔŋɛ kegbir na. Amoso kedishiŋ fuloŋ nɛ mee gbir a bunyaŋ na!”

Jɛremaya 32:31

Yili kachɛ nɛ Jerusalɛm be kadegboŋ ere taŋɛ kikɛ, kumo to be basa baa shin nna nɛ ma kagbene bee kaa ga. Amoso n yili kumo nna fanɛ meeŋ mur kumo

Jɛremaya 32:35

Bumo alɛ daŋ naŋ pɔr agbirsure nna n yili Hinnɔm be Ketaŋɛ to n sa Baal be kegbir nsaa ta bumo be mbia a lara esarga a sa kegbir nɛ baa tre Mɔlɛk na. N daŋ maŋ yili bumo fanɛ b ba wora loŋ. K daŋ maŋ ba ma nfɛra to gba fanɛ baaŋ wora le be ekishisheŋ ere n shin nɛ Juda be basa e luri kulubi to.”

Jɛremaya 48:13

Saŋɛ na so Mowabebi na maaŋ naŋ yirda bumo be kegbir nɛ baa tre Chemɔsh na, fanɛ kananɛ Israɛlebi na maŋ naŋ yirda kade nɛ baa tre Bɛtɛl nɛ b daŋ ta yirda n wɔtɔ kumo to jemanɛ ko na.

Jɛremaya 48:46

Asheŋ maaŋ nyalɛ n sa menyi, Mowab be basa! Men shuŋ menyi be kegbir Chemɔsh na, ama naniere menyi e mur nɛ b pɛ menyi be mbia malɛ katinso n yɔ efuli pɔtɛ wɔfɔ so na.

Ezikɛl 18:12

E bee puni betirpo nsaa suge basa. Nɛ esa ta kusɔ ko m ba yili tarma gba e maaŋ naŋ laŋɛ kumo n sa kumo wura. Mo alɛ bee shuŋ agbirana nsaa wora ekishisheŋ.

Danɛl 11:31

Benapo na be beko beeŋ shin nɛ bɔrɛlambu na e sa maŋ naa du cheembi nseŋ shin nɛ b yige karechɛ kama be sarga be kebaa lara. Kumo be kaman nɛ b niŋi Edɔsopogboŋ na be kapɔrduli na to n yili n shin nɛ kusɔ kama e jija.

Danɛl 12:11

Yili saŋɛ nɛ b yige kebaalara karechɛ kama be esarga na n ya fo saŋɛ nɛ b ŋini Edɔsopogboŋ na to n yili na beeŋ baa la fanɛ nchɛ kagboŋ nɛ alfa anyɔ nɛ adekpanu nna.

Levitikɔs 26:30

Meeŋ mur mboŋ nɛ menyee shuŋ agbir nɛ a wɔ agurɔŋgu so na kikɛ, nseŋ bure menyi be ebɔrɛsure nɛ menyee chɔɔ eduwu amo so na, nseŋ naŋ bela men be bubuni n deŋi menyi be agbirana nɛ a tɔr a dese na so. Menyi be asheŋ beeŋ baa nu ma agbo nɛ ŋ kishi menyi.

Maika 1:5

Asheŋ ere kikɛ beeŋ wora nna ŋkpal Israɛlebi na ka wora kulubi ŋ gbiti Ebɔrɛ so. To, wanɛ nɛ baaŋ ta Israɛlebi be kekini Ebɔrɛ nseŋ lar mo kaman ere be asheŋ n sulɔ? Samɛria nɛ k la efuli na be kadegboŋ na be basa nɛ baaŋ ta kumo n sulɔ a! Nɛ wanɛ malɛ e tɔr Judaebi be kagbirshuŋ ere be ntaŋ? Mannɛ Jerusalɛm gbagba a?

Zakareya 14:4

Loŋ be jemanɛ na e beeŋ yili ɔlif be kebee nɛ k wɔ Jerusalɛm be epeŋilarkpa be kaba so na so nɛ k baŋɛ to anyɔ n tɔr ketaŋɛgboŋ nɛ k yili epeŋilarkpa m ba choŋ epeŋitɔrkpa na. Kumo be kaba koŋwule beeŋ tɔr a laŋɛ kelargato be esoso be kaba so nɛ kaba ko malɛ e tɔr a laŋɛ kelargato be kaseto be kaba so.

Nɔmbɛs 21:29

Asheŋ maaŋ nyalɛ n sa menyi Mowabebi! Chemɔsh be kegbir nɛ menyee shuŋ na mur cheche! Men be kegbir na shin nɛ men be benyɛn shile kena n yɔ efuli pɔtɛ so. Nɛ beche na malɛ ki basa nɛ Amɔriebi be bewura pɛ kena to.

Nɔmbɛs 33:52

men ju basa nɛ b wɔ kasawule na so na kikɛ, nseŋ jija bumo be agbir nɛ b ta abɛlso nɛ ajembu n wora na nɛ mboŋ nɛ baa shuŋ amo na kikɛ.

Matiu 26:30

Kede be kaman nɛ b boŋ kashɛ nseŋ lar n yɔ Ɔlifs be kebee so.

Ashuŋ Shunso 1:12

Ndoŋ nna nɛ beshuŋipoana na lar Ɔlifs be kebee so m bɛta n yɔ Jerusalɛm to. K daa la fanɛ mayɛl be bargato nna.

Ashuŋ Shunso 1:9

Yesu ka malga kesheŋ ere n loge nɛ Ebɔrɛ shin nɛ e fara a yɔ ebɔrɛso nɛ baa keni mo hale nɛ kuwɔlpa ko ya buu mo so nɛ b maŋ naŋ wu mo.

Ashuŋ Shunso 7:43

Kegbir Molɛk be wajɛbu nɛ men daŋ keta n ti menyi be kegbir pɔrso Rɛfam nɛ k duli kechɛkpabi na so. Amo agbir anyɔ na nɛ men daŋ lɔŋɛ a bunyaŋ. Amoso, meeŋ shin nɛ b lara menyi ashi menyi be efuli ere so n yɔ kufɔ kufɔ, Babilɔn be kaman.’

Ditɛronɔmi 13:14

Nɛ menyi kaŋ nu loŋ be ŋkooko be kubɔya na, men keni to n fin kumo be kashenteŋ. Nɛ k kaa la fanɛ le be kulubi ere wora kashenteŋto nna,

Ditɛronɔmi 27:15

Ebɔrɛ be kɔnɔsho beeŋ ba esa kama nɛ e beeŋ ta kejembu ŋko kedibi ŋko kebɛlso n lɔŋɛ kegbir a shuŋ ashiri to so. Ŋkpal manɛ so, Enyɛnpe Ebɔrɛ na kishi kagbirshuŋ ga. Nɛ basa nɛ b yil Ebal be kebee so na kikɛ e shuli so le: ‘Amɛn!’

Demujipoana 11:24

Menyi ere maaŋ sɔ kusɔ kama nɛ menyi be kegbir, Chemɔsh sa menyi a? To, kusɔ kama nɛ an Nyɛnpe, Israɛl be Ebɔrɛ na sa anyi, anyi alɛ gba beeŋ sɔ kumo.