1 Bewura 11:4 - EBƆRƐ BE KAWƆL

⁴ Ewura Sɔlɔmɔn ka bel nɛ mbe beche na yɛr mo kagbirshuŋ to nɛ e daa maŋ naa ji kashenteŋ a sa Enyɛnpe mbe Ebɔrɛ na fanɛ kananɛ mo tuto ewura Deevid daŋ wora na.

1 Bewura 11:4 ပူးပေါင်းရင်းမြစ်များ

1 Bewura 11:2

Kashenteŋ nna fanɛ Enyɛnpe Ebɔrɛ kaŋɛ Israɛlebi na fanɛ b sa maŋ kaŋ ta efuli pɔtɛana so be beche, ŋkpal manɛ so baaŋ shin nɛ b baa bunyaŋ bumo be agbirana, ama ewura Sɔlɔmɔn kini nseŋ wora loŋ.

1 Bewura 11:33

Meeŋ wora loŋ nna, ŋkpal manɛ so Sɔlɔmɔn kini ma nsaa shuŋ Sidɔn be kade be kegbir nɛ baa tre Astat na nɛ Mowab be efuli so be kegbir nɛ baa tre Chemɔsh na nɛ Ammɔn be efuli so be kegbir nɛ baa tre Mɔlɛk na. Sɔlɔmɔn kini kenu n sa ma, nseŋ kini ma mbra be kebɛso nɛ kebaawora asheŋ niŋiso fanɛ kananɛ mo tuto ewura Deevid daa wora na.

1 Bewura 11:38

Nɛ fo baa bɛ ma mbra kikɛ so, nsaa wora kusɔ nɛ mee kaŋɛ, fanɛ kananɛ ma kayɛrbi ewura Deevid daa wora na bre, ma alɛ beeŋ baa wɔ fo kutɔ saŋkikɛ. Meeŋ shin nɛ fo ki Israɛl be ewura nɛ fo kaman to ebi gba e baa kaa ji kuwura fanɛ kananɛ n wora Deevid na.

1 Bewura 11:42

Nfɛ adena nɛ ewura Sɔlɔmɔn daŋ ji Israɛl be kasawule so kikɛ be kuwura ashi Jerusalɛm to.

1 Bewura 11:6

E daŋ wora alubi nna ŋ gbiti Enyɛnpe Ebɔrɛ na nsaa maa bugi kagbene a shuŋ mo fanɛ kananɛ mo tuto ewura Deevid daŋ shuŋ mo na.

1 Bewura 11:9

Enyɛnpe Israɛl be Ebɔrɛ na daŋ nya agbo nna n wɔtɔ ewura Sɔlɔmɔn ŋkpal e ka daŋ lara mbe kumu ŋ ŋini mo ale anyɔ kikɛ ŋ kaŋɛ mo fanɛ e sa maŋ kaŋ shuŋ efuli pɔtɛana so be agbir kikɛ, nɛ Sɔlɔmɔn kini so so.

1 Bewura 14:21

Ewura Sɔlɔmɔn pibinyɛn Rehoboam daŋ ji nfɛ adena nɛ kako nna pɔɛŋ nseŋ ki Juda be ewura. Mo alɛ daŋ ji kuwura Jerusalɛm nɛ k la kade nɛ Enyɛnpe Ebɔrɛ lara ashi Israɛl be kasawule so kikɛ fanɛ b baa bunyaŋ mo na to nfɛ kuduashunu nna. Rehoboam mo nio e daa la Namaa nɛ e shi Ammɔn be efuli so na.

1 Bewura 15:14

Kashenteŋ nna fanɛ ewura Asa daa maŋ tiŋ m mur agbir nɛ mboŋ nɛ baa shuŋ amo na ashi Israɛl be kasawule so kikɛ, ama e daŋ ji kashenteŋ nna n sa Enyɛnpe Ebɔrɛ na mbe ŋkpa to kikɛ.

1 Bewura 15:3

E daa maa ji kashenteŋ a sa Enyɛnpe mbe Ebɔrɛ na fanɛ kananɛ mo nananyɛn ewura Deevid daa wora na. E daa wora alubi nɛ mo tuto ewura Rehoboam daŋ wora na nna.

1 Bewura 3:3

Ewura Sɔlɔmɔn ka daa sha Enyɛnpe Ebɔrɛ ga so, e daŋ bɛ kusɔ nɛ mo tuto ewura Deevid kaŋɛ mo so nna. Mo alɛ gba daa ta asɔbɔya nna a lara sarga nsaa chɔɔ duwu ashi abee so be kakpa nɛ baa bunyaŋ Enyɛnpe Ebɔrɛ na.

1 Bewura 6:1

Israɛlebi ka lar Ijipt be efuli so na be nfɛ alfa ana nɛ aduburwa be kaman, nɛ Sɔlɔmɔn ka ji Israɛl be kuwura be kafɛ nasopo nɛ Hibruwebi be kafɛ to be kufɔl nyɔsopo nɛ baa tre Ziv na to nɛ ewura Sɔlɔmɔn be beshumpo fara bɔrɛlambu na be kapɔr.

1 Bewura 8:61

Men ta men be ŋgbene kikɛ a bɛ Enyɛnpe men be Ebɔrɛ na be mbra so fanɛ kananɛ menyee wora kabre ere.”

1 Bewura 9:10

Nfɛ adunyɔ nɛ ewura Sɔlɔmɔn daŋ ta m pɔr bɔrɛlambu na nɛ ewura be laŋ n loge.

1 Bewura 9:4

Nɛ feeŋ baa kɔ kasonu n sa ma nsaa ji kashenteŋ fanɛ kananɛ fo tuto ewura Deevid daa du na, nsaa bɛ ma mbra nɛ ma keŋini so bre,

2 Bewura 20:3

“Enyɛnpe Ebɔrɛ, baa nyiŋi kananɛ n shuŋ fo kashenteŋto nɛ kagbene koŋwule so. Ma alɛ wora ania fanɛ meeŋ wora kusɔ kama nɛ fee sha fanɛ n wora.” Kumo be kaman nɛ e shu ga.

1 Kronikɛls 28:9

Ade kikɛ be kaman nɛ e kaŋɛ Sɔlɔmɔn malɛ le: “M pibinyɛn, ta fo kagbene nɛ fo nfɛra kikɛ a shuŋ fo tuto be Ebɔrɛ na. Mo e nyi anyi be nfɛra nɛ kusɔ nɛ anyee sha kikɛ. Nɛ fo ba mo kutɔ, e beeŋ sɔ fo, ama nɛ fo shile mo bre, mo alɛ beeŋ kplaŋ fo so mbaanaayɔ.

1 Kronikɛls 29:19

Jande sa m pibinyɛn Sɔlɔmɔn kasonu be kagbene nseŋ shin nɛ e ta kenishipere m pɔr bɔrɛlambu nɛ n chala kumo be kepɔr be asɔ kikɛ ere.”

2 Kronikɛls 17:3

Enyɛnpe Ebɔrɛ daŋ nɛfa ewura Jehoshafat nna ŋkpal e ka daŋ bɛ kebaawɔtɔ lela nɛ mo tuto daa kɔ nseŋ kini kebunyaŋ Baal be kegbir na so.

2 Kronikɛls 25:2

Amaziya daŋ wora kusɔ nɛ k par Ebɔrɛ, ama mo alɛ daa maŋ wora kumo nɛ kagbene koŋwule.

2 Kronikɛls 34:2

E daa wora asheŋ nɛ a niŋi ashi Enyɛnpe Ebɔrɛ be anishito nna nsaa bɛ mo nananyɛn ewura Deevid be aya so nɛ Ebɔrɛ be mbra na kikɛ so dede.

Ɛksodɔs 20:3

Men sa maŋ kaŋ bunyaŋ kegbir n naŋ ti ma so.

Ditɛronɔmi 17:17

Ewura na maŋ daga fanɛ e baa kɔ beche damta, ŋkpal manɛ so, loŋ beeŋ shin nɛ e lar Enyɛnpe Ebɔrɛ na kaman. Mo alɛ maŋ daga fanɛ e gbare shuwa nɛ gbiti n sa mbe kumu nseŋ dii kedama ga.

Ditɛronɔmi 7:4

Nɛ mannɛ aloŋ baaŋ lara menyi be mbia ashi kushuŋ Enyɛnpe Ebɔrɛ na to n ya wɔtɔ agbir be kushuŋ to. Kumo loŋ malɛ beeŋ shin nɛ Enyɛnpe Ebɔrɛ na e nya agbo ga n wɔtɔ menyi nseŋ mur menyi epul to.