1 Bewura 11:36 - EBƆRƐ BE KAWƆL

³⁶ nseŋ shin nɛ kuwurji na be kaba ko e baa kraa wɔ Sɔlɔmɔn pibinyɛn na be enɔ to, saŋɛ na so ewura Deevid be kanaŋ to be esa beeŋ baa kraa ji kuwura ashi Jerusalɛm be kade nɛ n lara fanɛ b baa bunyaŋ ma na to.

1 Bewura 11:36 ပူးပေါင်းရင်းမြစ်များ

2 Samuɛl 21:17

Ndoŋ nna nɛ Zeruwa pibinyɛn Abishai daŋ ba mɔlga Deevid nseŋ mɔ kanyɛn gboŋgboŋi na. Kumo be kaman nɛ Deevid be basa na shin nɛ Deevid nase kɔnɔ fanɛ e maaŋ naa tu bumo a yɔ kena to. Nseŋ kaŋɛ mo le: “Anyi maa sha kepaŋ fo, ŋkpal manɛ so fo nɛ Israɛlebi kikɛ bee fute a yige so.”

2 Samuɛl 22:29

Fo, Enyɛnpe Ebɔrɛ na du fanɛ kefulto nna n sa ma. Fo e naa ta kanyɛ a kilgi kapaso.

2 Samuɛl 7:16

Fo alɛ Deevid be kenana maa ba nɛ k mur kikɛ. Fo kuwurji beeŋ baa wɔtɔ hale mbaanaayɔ.”

2 Samuɛl 7:29

Kusɔ nɛ mee kule fo e la fanɛ fo nɛfa n nanabiana nsaa lara fo bewura bumo to saŋkama. Fo Enyɛnpetale Ebɔrɛ na e nase kɔnɔ fanɛ fo nɛfa beeŋ baa wɔ n nanabiana so hale mbaanaayɔ.”

1 Bewura 11:13

Ma alɛ maaŋ sɔ efuli na kikɛ mo kutɔ ŋkpal ma kayɛrbi ewura Deevid nɛ Jerusalɛm nɛ k la ma kade na so. Meeŋ yige efuli na be kaba ko n sa mo.”

1 Bewura 11:32

Ama ŋ kraa beeŋ shin nɛ Sɔlɔmɔn e baa ji efuli na be kaba ko so nɛ Jerusalɛm nɛ k la ma kade laraso ashi Israɛl be efuli so na so kuwura ŋkpal e ka la ma kayɛrbi ewura Deevid pibinyɛn na so.

1 Bewura 11:37

Ama fo ere Jeroboam bre, meeŋ shin nɛ fo nya kusɔ nɛ fo kagbene bee sha, nseŋ ki Israɛl be eyiri kudu nɛ b wɔ kelargato be esoso be kaba so na be ewura.

1 Bewura 12:17

nɛ Juda nɛ Bɛnjamin be kaba so ebi nawule sɔ Rehoboam fanɛ bumo be ewura.”

1 Bewura 14:21

Ewura Sɔlɔmɔn pibinyɛn Rehoboam daŋ ji nfɛ adena nɛ kako nna pɔɛŋ nseŋ ki Juda be ewura. Mo alɛ daŋ ji kuwura Jerusalɛm nɛ k la kade nɛ Enyɛnpe Ebɔrɛ lara ashi Israɛl be kasawule so kikɛ fanɛ b baa bunyaŋ mo na to nfɛ kuduashunu nna. Rehoboam mo nio e daa la Namaa nɛ e shi Ammɔn be efuli so na.

1 Bewura 15:4

Ama ŋkpal ewura Deevid so, Enyɛnpe mbe Ebɔrɛ na daŋ sa ewura Abija ebinyɛn nɛ e beeŋ ba ji kuwura mbe kaman ashi Jerusalɛm to nsaa kuŋ Jerusalɛm nɛnɛ nna.

1 Bewura 2:4

Fo nɛ fo kaman to ebi kikɛ baa nu a sa Enyɛnpe Ebɔrɛ na kashenteŋto nɛnɛ bre, mbe kɔnɔ kpakpaso nɛ e nase n sa ma fanɛ ma kanaŋ to be esa e naaŋ baa ji Israɛl be kuwura saŋkikɛ na, beeŋ bɔlɔ so.

1 Bewura 8:29

Baa keni bɔrɛlambu ere so kapa nɛ kanyɛ. Fo nase kɔnɔ n sa ma fanɛ ndoŋ nɛ baaŋ baa bunyaŋ fo. Amoso saŋkama nɛ m baŋ kilgi anishito n shoŋi bɔrɛlambu ere ŋ kule fo, fo nu n sa ma.

1 Bewura 9:3

ŋ kaŋɛ mo le: “N nu fo kabɔrɛkule nseŋ shuli fanɛ bɔrɛlambu ere to nɛ baaŋ baa bunyaŋ ma mbaanaayɔ. Ma alɛ beeŋ baa kuŋ kumo saŋkikɛ.

2 Bewura 8:19

Ama Enyɛnpe Ebɔrɛ na daa maa sha fanɛ e mur Juda ŋkpal e ka nase kɔnɔ n sa ewura Deevid dra dra fanɛ mbe kaman to ebi e naŋ baa ji Juda be kuwura saŋkikɛ so.

2 Kronikɛls 12:13

Ewura Rehoboam daŋ ji kuwura ashi Jerusalɛm nna nɛ mbe kuwura malɛ ji eleŋ ga. E daa la nfɛ adena nɛ kako nna pɔɛŋ nseŋ ji kuwura nfɛ kuduashunu ashi Jerusalɛm nɛ Enyɛnpe Ebɔrɛ lara ashi Israɛl be efuli so kikɛ fanɛ b baa bunyaŋ mo ndoŋ na. Ewura Rehoboam mo nio e daa la Naama nɛ e shi Ammɔn be efuli so na.

2 Kronikɛls 21:7

ama Enyɛnpe Ebɔrɛ na daa maa sha fanɛ e mur ewura Deevid be kaman to ebi na, ŋkpal mo nɛ ewura Deevid ka wora ŋkre nɛ e nase kɔnɔ fanɛ ewura Deevid be kaman to ebi e naaŋ baa ji kuwura mbaanaayɔ so.

Nshɛ 132:17

Meeŋ shin nɛ Deevid be kuwurji e nya eleŋgboŋ. Esa kama nɛ meeŋ lara m buu mo kuwura beeŋ baa nyɛkpɛ a fuli to fanɛ fitila na.

Hibruwebi 12:22

Ama menyi ere ba Zayɔn be kebee na so, ebɔrɛso be Jerusalɛm nɛ k la Ebɔrɛ nɛ e wɔ ŋkpa to be kade to na. Ndoŋ nɛ emalaika ŋgboŋto ŋgboŋto wɔ na.

Kelaraŋŋini 21:10

Ndoŋ nna nɛ e ta ma kiyoyu to n yɔ kebee gboŋgboŋi jeŋgreŋ ko so n ya ŋini ma kadegboŋ cheembi na, kumo e la Jerusalɛm na nɛ k shi Ebɔrɛ kutɔ ashi ebɔrɛso a ba.