1 Bewura 11:27 - EBƆRƐ BE KAWƆL

²⁷ Kananɛ asheŋ na daŋ nite nde. Ewura Sɔlɔmɔn daa lɔŋɛ Jerusalɛm be egbal na nna a pɔr nseŋ shin nɛ baa sulɔ ajembu a wɔtɔ kemaŋ nɛ k wɔ kumo be epeŋilarkpa be kaba so na to.

1 Bewura 11:27 ပူးပေါင်းရင်းမြစ်များ

2 Samuɛl 20:21

Ŋkpal manɛ so, anyi ere maŋ kɔ loŋ be nfɛra. Bikri pibinyɛn Shɛba nɛ e shi kebee so be kade ko nɛ k wɔ Efrayim na e nyaŋɛto a kɔ ewura Deevid. Fo baŋ tiŋ n nya mo n sa ma bre, kumo ere ma alɛ maaŋ naŋ wora menyi be kade na shɛŋ.” Nɛ kache na yɛ: “Anyi beeŋ ta mbe kumu ŋ kpa egbal na be kaman n sa menyi.”

2 Samuɛl 5:7

Ama bumo be kumɔlga be kakpa lempo nɛ b pɔr ashi Zayɔn na bre Deevid daŋ kɔ n sɔ kumo nna. Yili loŋ be saŋɛ na nɛ basa fara a tre kumo “Deevid be kade.”

1 Bewura 9:15

Ewura Sɔlɔmɔn daŋ tintiŋ basa nna nɛ b pɔr bɔrɛlambu na nɛ ewura be laŋ na nseŋ sulɔ ajembu m mata kade na be epeŋilarkpa be kaba so be egbal na. Kumo be kaman nɛ e shin nɛ b pɔr egbal ŋ kulti kade na kikɛ. E daŋ shin nɛ b lɔŋɛ m pɔr Hazɔɔ nɛ Majido nɛ Gaza be nde gba nna.

1 Bewura 9:24

Ewura Sɔlɔmɔn be eche nɛ e la Ijipt be ewura pibiche na, daŋ koso Jerusalɛm be kaba ko nɛ baa tre Deevid be kade to na nna n yɔ ewura be laŋ popɔr nɛ ewura Sɔlɔmɔn pɔr n sa mo na to.

2 Bewura 12:20

Shimei pibinyɛn Jozabad nɛ Shoma pibinyɛn Jehozabad nɛ b la ewura Jɔash be benimuana na e kre mbe kemɔ nseŋ mɔ mo ashi kowu nɛ b pɔr n yili kasawule nɛ k wɔ Jerusalɛm be epeŋilarkpa be kemantaŋ nɛ b sulɔ shishɛr n wɔtɔ nɛ k mata kade nɛ baa tre Silla na. Jerusalɛm nɛ k la ewura Deevid be kade to be kakpa nɛ baa puli bewura na, nɛ b daŋ puli Jɔash nɛ mo pibi Amaziya malɛ sɔ mo so n ji kuwura.

Nehemaya 4:7

Sanballat nɛ Tobaya nɛ Nlɔrbu na nɛ Ammɔnebi na nɛ basa nɛ b shi kadegboŋ nɛ baa tre Ashdɔd na daŋ wu fanɛ egbal na daa dii nna a shin nɛ k shɛrto. Amoso b daŋ nya agbo nna,

Nshɛ 60:2

Fo shin nɛ kasawule gbuŋgbuŋ to m baŋɛ to m bugi to. Naniere shin nɛ kasawule na e cha abar so nseŋ yige kebaa gbuŋgbuŋ to.

Aŋasa 30:32

Nɛ fee puchi nsaa kɔ kumu kpakpaso nɛ kawuli a kre asheŋ lubi fo yige amo be kewora.

Aizaaya 22:9

Menyi alɛ daŋ wu fanɛ Jerusalɛm be egbalana na be mboŋ ko daŋ daga kelɔnɛ m pɔr nna. Men daŋ keni ŋ keni nwu nɛ a wɔ Jerusalɛm to na to na kikɛ nseŋ bure amo be ako saŋɛ na so menyeeŋ nya ajembu n lɔŋɛ kadegboŋ na be egbalana na m pɔr. Men ka daa sha nchu so,

Aizaaya 26:11

Enyɛnpe Ebɔrɛ, fo doŋana maŋ nyi fanɛ feeŋ gberge bumo kusoe. Shin nɛ b wu fanɛ fee sha kebaachɛ fo basa to saŋkama nna, nɛ anishinyɔr e pɛ bumo. Shin nɛ edɛ nɛ fo bela ase a jo fo doŋana na e chɔɔ bumo m mur.

Ezikɛl 13:5

B maa kpele basa na kusoe a laŋɛ tɔrɔ nɛ k bee ba ŋko a kaŋɛ bumo kananɛ kewora n da ma so beeŋ tiŋ n shin nɛ b wu be asheŋ.

Eemɔs 9:11

Enyɛnpe Ebɔrɛ yɛ: “Kachako bee ba nɛ n naŋ lɔŋɛ Deevid be kuwurji nɛ k ki fanɛ kelambure na m pɔr n yili nɛnɛ. Meeŋ naŋ lɔŋɛ kumo be egbalana m pɔr fanɛ kananɛ k daa du dra na.