1 Bewura 11:26 - EBƆRƐ BE KAWƆL

²⁶ Nebat pibinyɛn Jeroboam nɛ e shi Efrayim be kade ko nɛ baa tre Zereda nseŋ daa la ewura Sɔlɔmɔn be benimuana na be eko na gba daŋ kilgi nna ŋ ki ewura Sɔlɔmɔn mo doŋ. Mo nio Zeruwa daa la ekulpoche nna.

1 Bewura 11:26 ပူးပေါင်းရင်းမြစ်များ

Jɛnesis 35:16

Jeekɔb nɛ mbe kanaŋ ka lar Bɛtɛl a yɔ Efraf na nɛ kakurge ta Reechel. Kumo alɛ daa du kpakpa n sa mo.

2 Samuɛl 20:21

Ŋkpal manɛ so, anyi ere maŋ kɔ loŋ be nfɛra. Bikri pibinyɛn Shɛba nɛ e shi kebee so be kade ko nɛ k wɔ Efrayim na e nyaŋɛto a kɔ ewura Deevid. Fo baŋ tiŋ n nya mo n sa ma bre, kumo ere ma alɛ maaŋ naŋ wora menyi be kade na shɛŋ.” Nɛ kache na yɛ: “Anyi beeŋ ta mbe kumu ŋ kpa egbal na be kaman n sa menyi.”

1 Bewura 11:11

Amoso le nɛ Enyɛnpe Ebɔrɛ daŋ kaŋɛ ewura Sɔlɔmɔn: “Ŋkpal fo ka kute ŋ kini ma nɛ fo be kɔnɔkoŋwule be ŋkre na nɛ ma mbra na be kebɛso so, meeŋ sɔ kuwurji na fo kutɔ n sa fo benimuana na be eko.

1 Bewura 11:25

Ewura Sɔlɔmɔn be kuwurji be jemanɛ so kikɛ, nɛ Rezɔn nɛ Hadad la Israɛl be efuli so ebi bumo doŋ nna.

1 Bewura 11:28

Jeroboam malɛ daa la esa nɛ e bee pere kenishi nna a shuŋ ga. Ewura Sɔlɔmɔn ka wu kumo be loŋ na, nɛ e lara mo fanɛ e baa la beshumpo nɛ b shi Manase nɛ Efrayim be eyiri to na be ejuŋkparpo.

1 Bewura 12:2

Jeroboam nɛ e la Nebat pibinyɛn nseŋ daŋ shile n ya ŋana ewura Sɔlɔmɔn so ashi Ijipt be efuli so na ka nu loŋ nɛ e bɛta m ba epe.

1 Bewura 14:16

Enyɛnpe Ebɔrɛ beeŋ kplaŋ Israɛlebi so ŋkpal ewura Jeroboam ka wora kulubi nseŋ shin nɛ Israɛlebi kikɛ wora alubi so.”

1 Bewura 15:30

Ŋkpal alubi nɛ ewura Jeroboam daŋ wora nseŋ shin nɛ Israɛlebi gba wora kulubi so, nɛ Enyɛnpe Israɛl be Ebɔrɛ na be agbo daŋ kaa nɛ e wora loŋ.

1 Bewura 16:3

Ŋkpal loŋ so meeŋ mur fo nɛ fo kanaŋ kikɛ, fanɛ kananɛ n wora ewura Jeroboam nɛ mbe kanaŋ na.

1 Bewura 21:22

Kananɛ n wora Nebat pibinyɛn ewura Jeroboam nɛ Ahija pibinyɛn ewura Baasha na, nɛ mee shin nɛ n wora fo alɛ gba, ŋkpal fo ka wɔtɔ ma agbo to nseŋ shin nɛ ma basa Israɛlebi luri kulubi to so.’

1 Bewura 9:22

Ewura Sɔlɔmɔn daa maa tintiŋ Israɛlebi na bre nɛ baa shuŋ ashuŋ kpakpaso ama e daŋ ta bumo be beko nna ŋ ki benapo n ta beko malɛ ki benapo be benimu n ta beko ŋ ki egbaŋɛturko be benimu nɛ beko malɛ bee dii egbaŋɛ a kɔ kena.

1 Kronikɛls 2:19

Azuba ka wu be kaman nɛ Kalɛb naŋ ta eche nɛ baa tre mo Efraf nseŋ kurge ebinyɛn nɛ baa tre mo Hur.

2 Kronikɛls 13:6

Nebat pibinyɛn Jeroboam daŋ kini kenu n sa mbe ewura Sɔlɔmɔn nna.”

2 Kronikɛls 9:29

B daŋ sibɛ kusɔ kama nɛ ewura Sɔlɔmɔn naŋ wora saŋɛ nɛ e daa la ewura na nna n wɔtɔ anebi Neetan nɛ anebi Abija nɛ e shi Shilo na nɛ anebi Iduu nɛ e sibɛ Nebat pibinyɛn Jeroboam be asheŋ na be nwɔl to.

Demujipoana 12:5

Giliad be basa na ka maa sha Efrayim be basa na ka nya n shile so, b kɔ n sɔ kakpa nɛ baa bɔla a dii Jɔɔdan be lɔr na nna. Efrayim be esa kama nɛ e bee shile nseŋ ba kule ekpa nɛ e dii lɔr na, Giliad be benyɛn na bee bishi mo le nna: “Efrayim be esa e la fo a?” E baŋ kaŋɛ: “Ayai!”

Ruf be kawɔl 1:2

Kanyɛn na be ketre e daa la Elimelɛk nɛ mbe eche malɛ daa la Nawomi. Bumo be mbinyɛnbi anyɔ na malɛ be eko be ketre daa la Maalon nɛ enyɔsopo malɛ daa la Chilion. B daŋ shi Efrat be kanaŋ to nna ashi Bɛtlɛhɛm nɛ k wɔ Juda be efuli so na, n yɔ Mowab n ya kaa wɔtɔ.

1 Samuɛl 1:1

Kanyɛn ko e daa wɔ Raama ashi Efrayim be efuli so be kakpa nɛ abee wɔ na nɛ baa tre mo Ɛlkana. Ɛlkana mo tuto e daa la Jeroham nɛ mo nananyɛn malɛ daa la Elihu nɛ Elihu malɛ mo tuto daa la Tohu nɛ Tohu malɛ mo tuto daa la Zuuf.

1 Samuɛl 17:12

Deevid mo tuto e daa la Jɛsi nɛ e la Efrat be kanaŋ to be esa nsaa shi Bɛtlɛhɛm nɛ k wɔ Juda be efuliso na. Jɛsi daa kɔ mbia aburwa nna, ama saŋɛ nɛ Sɔɔl daa la ewura na nɛ e teŋ bel ga.